Қарыз алу сомасы, мемлекеттік борыш және пайыздық төлемдер бойынша нақты деректер

Қарыз алу сомасы, мемлекеттік борыш және пайыздық төлемдер бойынша нақты деректер

 

Үкіметтік қарыз алу 2025 жылға арналған республикалық бюджет тапшылығының бекітілген мөлшері шеңберінде жүзеге асырылды.

2025 жылдың 1 тоқсанында МБҚ-ны шығару арқылы ішкі қарыздардың түсімі 1 414,9 млрд. теңгені құрады.

Сыртқы қарыздардың түсімдері 68,3 млрд. теңгені құрады.

2025 жылғы 1 сәуірдегі жағдай бойынша мемлекеттік борыш 31 878,5 млрд.теңге немесе ЖІӨ-ге 21,1% құрады (ЖІӨ кезінде 150 756,4 млрд. тг.) оның ішінде:

1)      мемлекеттік борыштың жалпы көлемінде үлесі 95,9% құрайтын үкіметтік борыш 30 575,0 млрд. теңгені құрады,

Үкіметтік борыштың құрамы мынадай түрде қалыптасты:

-        ішкі борыш – 22 569,8 млрд. теңге (74%),

-        сыртқы борыш – 8 005,2 млрд. теңге (26%);

2)      жергілікті атқарушы органдардың борыштық міндеттемелер портфелі шамамен 1 303,5 млрд. теңгені немесе жалпы мемлекеттік борыш көлемінің 4,1%-н құрады.

Үкіметтік борыш мынадай түрде қалыптасты:

өтеу мерзімі бойынша:

• қысқа мерзімді – 3 593,5 млрд. теңге;
• орташа мерзімді – 10 801,0 млрд. теңге;
• ұзақ мерзімді – 16 180,5 млрд. теңге;

пайыздық мөлшерлемесі бойынша:

• белгіленген – 84,4%;
• инфляция индексіне индекстелген – 2,2%;
• өзгермелі – 13,4%.

Есепті кезеңде үкіметтік борышқа қызмет көрсету бойынша төлемдер 978,5 млрд. теңгені құрады.

Дата публикации

05 мая 2025