Қазақстан Республикасынан тыс жерлерде тұратын этникалық қазақ Оралман мәртебесін беру немесе ұзарту қағидаларға(бұдан әрі – Қағида) сәйкес ҚР шетелдегі мекемесіне жергілікті атқарушы органның оралман мәртебесін беруге келісімін алу туралы өтініш береді.
ҚР шет елдегі мекемелері өтініш берушіге оралман мәртебесін беруге жергілікті атқарушы органның келісімін алу туралы оның өтінішін кіріс хат-хабар ретінде тіркеу туралы жазбаша хабарлама береді және өтініш пен құжаттарды ҚР Халықтың көші-қоны туралы заңына сәйкес шешім қабылдау үшін халықтың көші-қоны мәселелері жөніндегі уәкілетті органға жібереді (ҚР ЕХӘҚМ Еңбек, әлеуметтік қорғау және көші-қон комитеті).
Халықтың көші-қоны мәселелері жөніндегі уәкілетті орган жергілікті атқарушы органның оралман мәртебесін беруге келісу туралы не себептері дәлелді түрде негізделген бас тарту туралы шешімін өтініш берушіге жіберу үшін Қазақстан Республикасының шет елдегі мекемелеріне жібереді.
Қазақстан Республикасының шет елдегі мекемелері жергілікті атқарушы органның оралман мәртебесін беруге келісімін алғаннан кейін бір ай ішінде оны өтініш берушіге жібереді не бас тарту туралы хабарлайды.
Оралман мәртебесін алуға жергілікті атқарушы органның келісімін алған өтініш беруші және оның отбасы мүшелері (бар болса) оралман мәртебесін алу үшін тұрғылықты жеріне келгеннен кейін мемлекеттік көрсетілетін қызмет стандартының мемлекеттік қызметін көрсету үшін қажетті құжаттар тізбесінде көрсетілген құжаттарды қоса бере отырып, мемлекеттік корпорацияға не жергілікті атқарушы органға жүгінеді.
Жергілікті атқарушы органның оралман мәртебесін беруге келісімін алған этникалық қазақтардың құжаттарын тіркеу және қарау Қағидалардың 5-15-тармақтарына сәйкес жүзеге асырылады.