Қазақстан Республикасының Сауд Арабиясы Корольдігіндегі Елшілігі

Қазақстан Республикасы мен Сауд Арабиясы Корольдігі арасында дипломатиялық қарым-қатынастар 1994 жылғы 30 сәуірде орнатылды. 1995 жылғы 13 желтоқсаннан Қазақстанның Риядтағы Елшілігі жұмыс істеуде. 2019 жылғы наурыздан бастап Берік Арын ҚР-дың САК-тегі Төтенше және Өкілетті Елшісі болып қызмет атқаруда.

Елшілік Қазақстан Республикасының Сыртқы істер министрлігінің жүйесіне енеді және ҚР Сауд Арабиясы мен Бахрейн корольдіктерінің мүдделеріне өкілдік етеді.

Елшіліктің негізгі міндеттері:

- Қазақстан Республикасының Сауд Арабиясы мен Бахрейн корольдіктеріндегі ұлттық мүдделерін қамтамасыз ету және оның сыртқы саяси курсын іске асыру;

- Қазақстан Республикасының азаматтары мен заңды тұлғаларының Сауд Арабиясы мен Бахрейн корольдіктеріндегі құқықтары мен мүдделерін қорғау;

- Қазақстан Республикасының Сауд Арабиясы және Бахрейнмен ынтымақтастығын дамытуды қамтамасыз ету, Қазақстанның мемлекеттік органдарының, қоғамдық ұйымдарының және іскер топ өкілдерінің Сауд Арабиясымен және Бахрейнмен байланыстарын орнату және қатынастарын дамыту;

- Қазақстан Республикасының Сауд Арабиясы мен Бахрейн корольдіктерімен халықаралық келісімшарттары жобаларын, келісімшарттарды жасасу, орындау және тоқтату жөніндегі ұсыныстарды әзірлеуге қатысу, Қазақстанның болу елімен жасасқан келісімшарттарының орындалуына бақылау жасау;

- консулдық қызмет;

- өзге де міндеттер.

ҚР Сауд Арабиясындағы Елшілігі сондай-ақ Қазақстанның Бахрейн Корольдігіндегі өкілдігі болып табылады.