Қазақстан Республикасының Ұлыбритания және Солтүстік Ирландия Құрама Корольдігіндегі Елшілігі
Қазақстан Республикасы мен Ұлыбритания және Солтүстік Ирландия Құрама Корольдігі арасындағы дипломатиялық қатынастар 1992 жылғы 19 қаңтарда орнатылған. Қазақстанның Ұлыбританиядағы Елшілігі 1996 жылғы ақпанда ашылған. 2022 жылғы 6 қазанда Мағжан Жанботаұлы Ілиясов Қазақстан Республикасының Ұлыбритания және Солтүстік Ирландия Құрама Корольдігіндегі Төтенше және Өкілетті Елшісі болып тағайындалды.
Елшілік Қазақстан Республикасының Сыртқы істер министрлігінің жүйесіне енеді және ҚР Ұлыбританиядағы мүдделеріне өкілдік етеді.
Елшіліктің негізгі міндеттері:
- Қазақстан Республикасының Ұлыбританиядағы ұлттық мүдделерін қамтамасыз ету және оның сыртқы саяси курсын іске асыру;
- Қазақстан Республикасының азаматтары мен заңды тұлғаларының Құрама Корольдіктегі құқықтары мен мүдделерін қорғау;
- Қазақстан Республикасының Ұлыбританиямен ынтымақтастығын дамытуды қамтамасыз ету, Қазақстанның мемлекеттік органдарының, қоғамдық ұйымдарының және іскер топтар өкілдерінің Ұлыбританиямен байланыстарын орнату және қатынастарын дамыту;
- Қазақстан Республикасының Құрама Корольдікпен халықаралық келісімшарттары жобаларын, келісімшарттарды жасасу, орындау және тоқтату жөніндегі ұсыныстарды әзірлеуге қатысу, Қазақстанның болу елімен жасасқан келісімшарттарының орындалуына бақылау жасау;
- консулдық қызмет;
- өзге де міндеттер.
ҚР Ұлыбританиядағы Елшілігі сондай-ақ Қазақстанның Ирландия Республикасындағы және Исландиядағы өкілдігі болып табылады.
| Мекенжай | Kazakhstan House, 125 Pall Mall, Лондон, SW1Y 5EA, Ұлыбритания |
| Телефон | +44 (0) 207 925 1757 |
| Факс | +44 (0) 207 930 8990 |
| london@mfa.kz | |
| Консулдық бөлімнің байланыстары | |
| Мекенжай | Консулдық бөлімге кіреберіс Warwick House Street көшесінің жағында орналасқан |
| Телефон | +44 (0) 207 925 7532 (12.00 және 13.00 арасында) |
| consul@kazembassy.org.uk | |
| ҚР азаматтары үшін тәулік бойы жедел байланыс нөмірі (Ұлыбританиядағы Қазақстан азаматтарының өміріне, денсаулығына немесе қауіпсіздігіне қатер төнген жағдайларда ғана) | +44 (0) 7570 654654 |
КОНСУЛДЫҚ БӨЛІМНІҢ ЖҰМЫС КЕСТЕСІ
Дүйсенбі, сейсенбі, бейсенбі, жұма:
9:30-дан 12:30-ға дейін – құжаттарды қабылдау
16:00-ден 17:00-ге дейін – құжаттарды беру
Сәрсенбі:
құжаттарды өңдеуге арналған техникалық күн
Азаматтарды қабылдау алдын-ала тіркелу арқылы жүзеге асырылады: ТІРКЕЛУ
Сіздерге консулдық, оның ішінде визалық, мәселелер бойынша шұғыл кеңес пен көмек қажет болған жағдайда, бізбен күнделікті жұмыс уақытында электрондық пошта арқылы: consul@kazembassy.org.uk немесе телефон арқылы: +44 (0) 207 925 7532 байланысуға болады.
Консулдық мәселелерді шешуді жеңілдету мақсатында тест режимінде Telegram желісіндегі арнайы ақпараттық чат-бот іске қосылғанын хабарлаймыз.
https://t.me/consulatekzuk_bot
