Құжаттарды талап ету

1. Еркін нысандағы өтініш;
2. Қосымшадағы нысан бойынша талап ету жөніндегі сауалнама - 3 дана;
3. Өтініш берушінің, заңды өкілдің немесе сенімді тұлғаның жеке басын куәландыратын құжаттың көшірмесі;
4. Құжаты талап етіліп отырған тұлғамен өтініш берушінің туыстық қатынасын дәлелдейтін құжаттың көшірмесін (қажет болған жағдайда);
5. Заңды өкілдің немесе сенімді тұлғаның өкілеттігін растайтын құжаттың түпнұсқасын (құжатты талап етуге өкілеттігі бар тұлға болған жағдайда);
6. Өтініш берушінің немесе заңды өкілдің, сенімді тұлғаның дербес деректерді жинауға, өңдеуге келісімі;
7. Талап етілетін құжаттың көшірмесін (бар болған жағдайда);

• Қайтыс болу туралы куәлікті марқұмның туыстары немесе заңды тұлғалар қызметтік мақсатта талап ете алады.
• 16 жасқа дейінгі балаларға туу туралы куәліктерді ата-аналары, асырап алушылары, қорғаншылары, қамқоршылары және кәмелетке толмағандар тәрбиесінде тұрған балалар мекемелерінің әкімшілігі сұрата алады.

Жеке тұлғалардың қолдаухаты бойынша өтініштер қанағаттандыруға жатпайды:

1. Азаматтық хал актілерін тіркеу туралы қайталама куәліктер, егер олар өтініш берушіге емес, басқа адамдарға берілсе;
2. Егер неке бұзылған болса, неке туралы куәліктер;
3. Қайтыс болған адамның туу туралы куәліктері.

2025 жылғы 23 маусымнан бастап Қазақстан Республикасының Ұлыбританиядағы Елшілігі жоғары білім туралы дипломдарды, ғылыми дәрежелер мен атақтарды, сондай-ақ біліктілікті арттыру құжаттарын талап етуді жүзеге асырмайды.

• Қазақстан Республикасы азаматтары жоғары білім туралы дипломның көшірмесін Egov.kz порталы арқылы өздігінен ала алады.
• Электрондық цифрлық қолтаңбасы (ЭЦҚ) жоқ шетелдік азаматтар мен азаматтығы жоқ тұлғалар дипломды берген оқу орнына тікелей жүгінуі қажет.

Қазақстан Республикасынан құжаттарды талап ету мерзімі 3 ай немесе одан көп.

£25 (өтініш берген күні банк картасымен төленеді).

• Қажет болған жағдайда сұратылған құжатты апостильдеу, қосымша әр құжат үшін £30 төленеді.
• «Салық және бюджетке төленетін басқа да міндетті төлемдер туралы (Салық кодексі)» Қазақстан Республикасы Кодексінің 629-бабының 7-тармағына сәйкес консулдық алымдардың төленген сомалары қайтарылмайды.

https://www.gov.kz/memleket/entities/mfa-london/online-booking?directionId=5279&lang=kk

Консулдық бөлімнің жұмыс кестесі

Дүйсенбі, сейсенбі, бейсенбі, жұма:

9:30-дан 12:30-ға дейін – құжаттарды қабылдау

16:00-ден 17:00-ге дейін – құжаттарды беру

Сәрсенбі: құжаттарды өңдеуге арналған техникалық күн

Сұрауларды электрондық поштаға жіберуге consuluk@mfa.kz немесе телефон нөмірі бойынша хабарласыңыз: +44 (0) 207 925 7532