Заңдастыру мен Апостиль

"Апостиль" мөртабанын қою (кейде бұл рәсімді «жеңілдетілген заңдастыру» немесе «апостильдеу» деп аталады) 1961 жылғы 5 қазандағы Гаага конвенциясына қосылған, консулдық заңдастыру талаптарының күшін жоятын және жеңілдетілген заңдастыру рәсімін енгізетін елдерге құжаттар жолдау кезінде - "апостиль" мөртабанын қою қолданылады.

Бір жағынан апостильдеу мейлінше жылдам және оны тек қана бір өкілетті орган қоюына, ал екінші жағынан құжаттың Гаага конвенциясына қосылған барлық елдердің аумағында заңды күшіне ие болуына байланысты жеңілдетілген деп аталады.

Егер Сіз құжат дайындап баратын ел Гаага конвенциясына қатысушы мемлекет болып табылмаса, құжатты консулдықта заңдастыру қажет. Бұл құжатты Қазақстан Республикасы Сыртқы істер министрлігінің органдарында, содан кейін сол елдің Қазақстан Республикасындағы консулдығында куәландыруды қамтитын неғұрлым күрделі рәсім. Бұл ретте, құжат консулдықтың белгісі тұрған елдің аумағында ғана заңды күшке ие болады.

Сондай-ақ заңдастыру рәсімі құжат типіне негізделуі мүмкін, себебі консулдық заңдастыруға да, сондай-ақ апостильдеуге де жатпайтын құжаттар бар. Бұл негізінен коммерциялық құжаттарға қатысты: шарттар, инвойстар, коносаменттер, түрлі тауарды таратушы құжаттар және сыртқы экономикалық қызметке байланысты өзге құжаттар, олар үшін жекелеген рәсім бар – құжат ҚР Сауда-өнеркәсіп палатасында (жуырда Қазақстанның «Атамекен» Ұлттық экономикалық палатасының құрамына кірді), бұдан кейін баратын елдің консулдығында заңдастырылады.

1961 жылғы Гаага конвенциясына сәйкес қабырғалары апостиль 9 см кем емес шаршы нысанына ие және Конвенцияға қоса берілген үлгіге сәйкес келуі тиіс.

1) бекітілген нысан бойынша апостиль қоюға арналған өтініш;

2) жеке басын куәландыратын құжат (сәйкестендіру үшін);

3) апостиль қойылатын құжат (түпнұсқа немесе нотариалды куәландырылған көшірме);

4) 30 фунт стерлинг көлеміндегі консулдық алым төленгенін дәлелдейтін құжаттың түпнұсқасы (құжаттарды тапсыратын күні банк карта арқылы төлеу);

5) көрсетілетін қызметті алушының өкілінен сұрау түскен жағдайда нотариалды куәландырылған сенімхат.

"Құжаттарды заңдастыру" мемлекеттік қызметін алу үшін әрбір сұралатын құжат үшін келесі құжаттарды ұсына отырып, Елшіліктің консулдық бөліміне жеке жүгіну керек:

жеке тұлға үшін:

1. Еркін нысандағы  өтініш;
2. Жеке басын куәландыратын құжаттың көшірмесі;
3. Заңдастырылатын құжат;
4. дәлелдейтін құжаттың түпнұсқасы (құжаттарды тапсыратын күні банк карта арқылы төлеу).

заңды тұлға үшін:

1. Еркін нысандағы өтініш;
2. Уәкілетті тұлғаның жеке басын куәландыратын құжаттың көшірмесі;
3. Заңдастырылатын құжат;
4. Құрылтай құжаттарының көшірмелері;

Өкілеттілікті растайтын құжаттың көшірмесі.

Қазақстан Республикасына апостиль қоюға жіберілген құжаттарды өңдеу уақыты - 3 немесе одан да көп айды құрайды;

Құжаттарды заңдастыру: жеке немесе заңды тұлға (бұдан әрі - көрсетілетін қызметті алушы) құжаттар топтамасын көрсетілетін қызметті берушіге тапсырған күннен бастап - 3 жұмыс күні, ал егер қосымша зерттеу немесе тексеру қажет болса, мерзімді 30 күнтізбелік күннен асырмай ұзартуға болады, ал қызмет алушыға мерзімдердің ұзартылғандығы туралы хабарлама жіберіледі.

Құжаттарға апостиль қою - £30 фунт стерлинг;

Құжаттарды заңдастыру - £30 фунт стерлинг.

• төлем тек банк картасымен жасалады;

• «Салық және бюджетке төленетін басқа да міндетті төлемдер туралы (Салық кодексі)» Қазақстан Республикасы Кодексінің 629-бабының 7-тармағына сәйкес консулдық алымдардың төленген сомалары қайтарылмайды.

Сұрауларды электрондық поштаға жіберуге consul@kazembassy.org.uk немесе телефон нөмірі бойынша хабарласыңыз: +44 (0) 207 925 7532