Аудандық мәслихаттың тұрақты комиссияларындағы көпшілік тыңдаулар ұйымдастыру туралы

Аудандық мәслихаттың тұрақты комиссияларындағы көпшілік тыңдаулар ұйымдастыру туралы

Аудандық мәслихаттың кезекті сессиясының күн тәртібіне ұсынылып отырған «Ана мен бала денсаулығын қорғау шараларының ауданда орындалу барысы жайлы» мәселенің ауданның әлеуметтік дамуындағы мейлінше маңыздылығын, қоғамдық мәнін ескере отырып, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 13 бабына сәйкес аудандық мәслихаттың әлеуметтік мәселелер жөніндегі тұрақты комиссиясы ҚАУЛЫ ЕТЕДІ:

1. Аудандық мәслихаттың кезекті сессиясының күн тәртібіне ұсынылып отырған жоспарлы мәселелерді жан-жақты терең талдау мақсатында аудандық мәслихат депутаттарының, атқару органдары, шаруашылық кәсіпорын, медициналық мекеме басшыларының қатысуымен аудандық мәслихаттың әлеуметтік мәселелер жөніндегі тұрақты комиссиясының кеңейтілген отырысы түрінде көпшілік тыңдау осы жылдың 10 сәуірі сағат 16:00 ге аудандық мәдениет үйінде өткізілсін.
2. Аудандық мәслихаттың әлеуметтік мәселелер жөніндегі тұрақты комиссиясының кеңейтілген отырысы түрінде өтетін көпшілік тыңдау, оның тақырыбы, өтетін орны, мерзімі, уақыты жайлы аудандық мәслихаттың сайтына арнайы хабарландыру берілсін.
3. Көпшілік тыңдау қорытындысы аудандық мәслихаттың кезекті сессиясына ұсынылатын болсын.

Аудандық мәслихаттың әлеуметтік

мәселелер жөніндегі тұрақты

комиссия төрағасы                                                       Б.Сыздық