Облыс әкімінің аудандарда және Қызылорда қаласында халықпен кездесуі өтеді

Облыс тұрғындарының назарына!

Қазақстан Республикасы Президентінің 2022 жылғы 3 наурыздағы №826 «Әкімдердің халықпен кездесулерін өткізу туралы» Жарлығын іске асыру аясында биылғы жылғы 22-30 маусым аралығында Қызылорда облысының әкімі Нәлібаев Нұрлыбек Машбекұлының аудандар мен Қызылорда қаласында халықпен кездесуі өтеді.

Халықпен кездесуден кейін өтетін облыс әкімінің жеке қабылдауына алдын-ала жазылу «E-gov», «E-otinish» бірыңғай порталы, Халыққа қызмет көрсету орталықтары арқылы «e-Нәтиже» және облыс, қала әкімдігіне және аудан әкімдігіне тікелей барып, жазбаша нысанда өтініш беру арқылы жүргізіледі.

Кері байланыс орнату мақсатында өтініш берушінің аты-тегі, сұрақтың мәні, мекен-жайы, байланыс телефоны және электронды почта (бар болған жағдайда) нақты көрсетілуі қажет.

Жеке қабылдау бойынша сұрақтарды 8(7242)40-11-91 (ішкі 7046), (ішкі 7051), (ішкі 7049) телефондары арқылы білуге болады.