Қызметке қабылдау тәртібі

Қазақстан Республикасы Ұлттық қауіпсіздік комитеті

Қазақстан Республикасының ұлттық қауіпсіздік органдарына (бұдан әрі - ҰҚО) келісімшарт бойынша қызметке/оқуға қабылдау «Қазақстан Республикасының Арнаулы мемлекеттік органдары туралы» Қазақстан Республикасы Заңының (бұдан әрі - Заң) 7, 8, 9, 10-баптарымен реттеледі.

ҰҚО қызметіне келісімшарт бойынша жасы он сегiзге толған, бірақ осы Заңда белгіленген атақтар бойынша шекті жастан аспаған, қажетті жеке, моральдық және кәсiби қасиеттерi, бiлiм деңгейi, денсаулық жағдайы мен дене бiтiмiнiң даму жағдайы бар Қазақстан Республикасының азаматтары ерiктi негiзде қабылданады.

Жедел бөлімшелерге қызметке жасы 23-тен кіші емес азаматтар (курсанттарды, тыңдаушыларды қоспағанда) қабылданады.

ҰҚО-ға қызметке және ЖОО-ға қабылдау, әдетте, конкурстық негізде екі кезеңде жүзеге асырылады:

Бастапқы кезең кандидатты зерделеу орны бойынша жүргізіледі.
Соңғы кезең: оқуға ҰҚО-ның ЖОО шарттары арқылы, қызметке – ҰҚК Кадрлар департаментінің шарттары арқылы жүргізіледі.

ҚР ҰҚК Шекара академиясы мен ҚР ҰҚК Академиясына оқуға қабылдау «Арнаулы мемлекеттік органдары туралы» ҚР Заңының 10-бабымен және «Жоғары білімнің білім беру бағдарламаларын іске асырып жатқан Қазақстан Республикасы ұлттық қауіпсіздік органдарының әскери, арнаулы оқу орындарына оқуға қабылдау қағидаларын бекіту туралы» ҰҚК Төрағасының 2016 жылғы 13 қаңтардағы № 2 бұйрығымен реттеледі.

Оқу орындар

ҚР ҰҚК Шекара академиясы – бұл ҚР ҰҚК ШҚ бөлімшелерінің қызметтік-жауынгерлік іс-әрекетін басқару бойынша 4 жыл мерзімімен жоғары білімнің білім беру бағдарламаларын жүзеге асыратын Қазақстанның жоғары әскери оқу орны.

ҚР ҰҚК Академиясы – бұл ҚР ҰҚО жедел, техникалық және басшылық қызметкерлерді дайындау, қайта дайындау және біліктіліктерін арттыру саласындағы арнаулы, көп салалы оқу орны.

ҚР ҰҚК Академиясы қабылдауды мынадай білім беру бағдарламалары бойынша жүргізеді:

1) жоғары білімнің білім беру бағдарламасы бойынша (оқу мерзімі – 4 жыл), мамандығы – ұлттық қауіпсіздікті қарсы барлаумен қамтамасыз ету;

2) жоғары білімнің оқыту мерзімі қысқартылған білім беру немесе қосымша білім беру бағдарламасы бойынша.

ҰҚО ЖОО-ға жоғары білімнің білім беру бағдарламасы бойынша оқуға:

орта немесе орта білімнен кейінгі білімі бар, әскери қызмет өткермеген, оқуға түсетін жылы он жеті жасқа толған, бірақ жиырма бір жастан аспаған азаматтар;
оқуға түсетін жылы жиырма төрт жасқа толмаған, әскери қызмет не арнаулы мемлекеттік органдарда қызмет өткерген азаматтар және шақыру бойынша мерзімді әскери қызмет өткеріп жүрген әскери қызметшілер;
оқуға түсетін жылы жиырма бес жасқа толмаған, келісімшарт бойынша әскери қызмет өткеріп жүрген әскери қызметшілер не арнаулы мемлекеттік органдарда қызмет өткеріп жүрген қызметкерлер қабылданады.

Жоғары білімнің оқыту мерзімі қысқартылған білім беру немесе қосымша білім беру бағдарламалары бойынша оқуға әскери, арнаулы атақтары, офицерлік құрамның сыныптық шендері бар адамдарды қоспағанда, оқуға түсетін жылы кемінде жиырма екі жасқа толған жоғары білімі бар Қазақстан Республикасының азаматтары қабылданады.

ҰҚО ЖОО-ға оқуға кандидаттар оқуға түсетін жылдың алдындағы жылдың 1 қарашасына дейін тұрғылықты, оқу немесе жұмыс (қызмет) орны бойынша ҰҚК органдарына, емтиханды қай тілде тапсыратындығын және қай тілде білім алатынын көрсете отырып, өтініш (баянат) береді.

Өтінішке (баянатқа) қосымша мыналар ұсынылады:

жалпы орта білімі туралы қосымшасымен бірге аттестат көшірмесі немесе техникалық және кәсіби білімі туралы не болмаса орта білімнен кейінгі білім туралы қосымшасымен бірге диплом көшірмесі;
жоғары білімі туралы дипломның көшірмесі, дипломға қосымшаның көшірмесі (транскрипт);
жеке басын куәландыратын құжат (көшірме);
туу туралы куәлік (көшірме)
алты фотосурет (бас киімсіз, көлемі 4,5 х 6 см);
өмірбаян және сауалнама
әскери билет немесе тіркеу куәлігі (көшірме);
еңбек өтілін растайтын құжат (көшірме), жоғары білімі бар кандидаттар үшін.

Оқуға зерделеніп отырған кандидатқа мынадай талаптар қойылады:

Жоғары білімнің білім беру бағдарламасы бойынша (оқу мерзімі – 4 жыл):

орта немесе орта білімнен кейінгі білімі бар болуы;
«Бакалавр» немесе «магистр» дәрежелері берілетін жоғары немесе жоғары оқу орнынан кейінгі білім алуға ақы төлеу үшін білім беру грантын беру ережелерін бекіту туралы Қазақстан Республикасы Үкіметінің 2008 жылғы 23 қаңтардағы № 58 қаулысымен бекітілген тестілеу нәтижесі шекті деңгейден төмен емес, сондай-ақ тестілеу нәтижесі 50 балдан төмен болмайтын келесі пәндер бойынша: Қазақстан тарихы, математикалық сауаттылық, оқу сауаттылығы (білім алған тілінде) бойынша 5 балдан төмен емес, әр бейіндік пән бойынша 5 балдан төмен емес ҰБТ нәтижелері бойынша сертификат.

Жоғары білімнің оқыту мерзімі қысқартылған білім беру немесе қосымша білім беру бағдарламалары бойынша:

жоғары білімі бар болуы;
оқу жетістіктерін бағалаудың балл-рейтингтік әріптік жүйесіне сәйкес жоғары білімдерінің орта балы 2,67 (В-)-ден төмен емес (дәстүрлі бағалау шкаласы бойынша 4 балдан төмен емес);
кандидатта санаулы бағыттағы мамандығы, оның ішінде техникалық бейіні болған кезде алған жоғары білімі бойынша орта балды оқу жетістіктерін бағалаудың балл-рейтингтік әріптік жүйесіне сәйкес (дәстүрлі бағалау шкаласы бойынша 3 балдан төмен емес) 1,0 (D-)-ға дейін төмендетуге жол беріледі.

Жедел бөлімшелерге теңестірілген бөлімшелерге қызметке қабылдануға тілек білдірген кандидаттар өтінішті тұрғылықты немесе жұмыс орындары бойынша ҰҚК органдарына береді.

Өтінішке (баянатқа) қосымша мыналар ұсынылады:

жалпы орта білімі туралы қосымшасымен бірге аттестат көшірмесі немесе техникалық және кәсіби білімі туралы не болмаса орта білімнен кейінгі білім туралы қосымшасымен бірге диплом көшірмесі;
жоғары білімі туралы дипломның көшірмесі, дипломға қосымшаның көшірмесі (транскрипт);
жеке басын куәландыратын құжат (көшірме);
туу туралы куәлік (көшірме)
алты фотосурет (бас киімсіз, көлемі 4,5 х 6 см);
өмірбаян және сауалнама
әскери билет немесе тіркеу куәлігі (көшірме);
еңбек өтілін растайтын құжат (көшірме).

Қызметке қабылданатын кандидаттарға мынадай талаптар қойылады:

Офицерлік құрамның лауазымына:

жоғары білімі бар болуы;
оқу жетістіктерін бағалаудың балл-рейтингтік әріптік жүйесіне сәйкес жоғары білімдерінің орта балы 2,67 (В-)-ден төмен емес (дәстүрлі бағалау шкаласы бойынша 4 балдан төмен емес).

Сержанттық құрамның лауазымына:

болжанып отырған қызметтік іс-қимылдың бейіні бойынша ұқсас ортадан кейінгі немесе жоғары білімі бар болуы;
қызмет мерзімі аяқталғаннан кейін мерзімді әскери қызмет өткерген әскери қызметшілер;
қатардағы жауынгерлер (матростар), запастағы сержанттар (старшиналар).

Қызметке/оқуға кандидаттар міндетті түрде қызметке жарамдылығын айқындау үшін әскери-дәрігерлік комиссияларда психофизиологиялық және медициналық куәландырудан, сондай-ақ полиграфологиялық зерттеуден өтеді. Сондай-ақ кандидат пен оның жақын туыстарына арнайы тексеру жүргізіледі.

Қызметке/оқуға:

1) Қазақстан Республикасының заңында белгiленген тәртiппен әрекетке қабiлетсiз немесе әрекет қабiлетi шектеулi деп танылған;

2) әскери-дәрiгерлiк комиссияның қорытындысына сәйкес лауазымдық өкiлеттiктердi орындауға кедергi келтiретiн сырқаты бар;

3) қызметкердің қызметте болуына байланысты заңда белгіленген шектеулерді және «Сыбайлас жемқорлыққа қарсы іс-қимыл туралы» Қазақстан Республикасының Заңында белгіленген сыбайлас жемқорлыққа қарсы шектеулердi қабылдаудан бас тартқан;

4) қызметке тұрар алдында бiр жыл iшiнде қасақана құқық бұзушылығы үшiн сот тәртiбiмен әкiмшiлiк жаза қолданылған;

5) қызметке тұрар алдында үш жыл iшiнде сыбайлас жемқорлық құқық бұзушылық жасағаны үшiн сот тәртiбiмен әкiмшiлiк жаза қолданылған;

6) қызметке тұрғанға дейін өзіне қатысты үш жылдың ішінде қылмыстық теріс қылық жасағаны үшін соттың айыптау үкімі шығарылған немесе қызметке тұрғанға дейін үш жылдың ішінде қылмыстық теріс қылық жасағаны үшін қылмыстық жауаптылықтан Қазақстан Республикасы Қылмыстық-процестік кодексінің 35-бабының бірінші бөлігі 3), 4), 9), 10) және 12) тармақтарының немесе 36-бабының негізінде босатылған;

7) сыбайлас жемқорлық қылмыс жасаған;

8) сыбайлас жемқорлық құқық бұзушылық жасағаны үшiн жұмыстан (қызметтен) шығарылған;

9) бұрын сотталған немесе қылмыс жасағаны үшін қылмыстық жауаптылықтан Қазақстан Республикасы Қылмыстық-процестік кодексінің 35-бабының бірінші бөлігі 3), 4), 9), 10) және 12) тармақтарының немесе 36-бабының негізінде босатылған, сондай-ақ мемлекеттік қызметтен, өзге де арнаулы мемлекеттік органдардан, құқық қорғау органдарынан, соттардан және әділет органдарынан теріс себептер бойынша шығарылған;

10) арнайы тексеруден өтпеген және (немесе) өзі не өзінің ата-анасы, балалары, асырап алушылары, асырап алынған балалары, ата-анасы бiр және ата-анасы бөлек аға-iнiлерi және апа-сiңлiлерi, қарындастары, немерелерi немесе зайыбы (жұбайы) және оның ата-анасы, балалары, асырап алушылары, асырап алынған балалары, ата-анасы бiр және ата-анасы бөлек аға-iнiлерi және апа-сiңлiлерi, қарындастары, немерелерi туралы көрінеу жалған мәліметтер хабарлаған;

11) ата-анасы, балалары, асырап алушылары, асырап алынған балалары, ата-анасы бiр және ата-анасы бөлек аға-iнiлерi және апа-сiңлiлерi, қарындастары, немерелерi не зайыбы (жұбайы) немесе оның ата-анасы, балалары, асырап алушылары, асырап алынған балалары, ата-анасы бiр және ата-анасы бөлек аға-iнiлерi және апа-сiңлiлерi, қарындастары, немерелерi ауыр және аса ауыр қылмыс жасаған;

12) қызметке жарамдылығын анықтау үшін әскери-дәрігерлік комиссияларда психофизиологиялық немесе медициналық куәландырудан немесе полиграфологиялық зерттеуден өтпеген адам қабылданбайды.

Арнаулы мемлекеттік орган кандидатқа қызметке қабылдаудан бас тартудың анықталған себебін түсіндірмеуге құқылы.

ҚР ҰҚО-ға қызметке/оқуға қабылдау мәселелері бойынша ҰҚК аумақтық органдары кадрлар бөлімшелерінің ТЕЛЕФОН АНЫҚТАМАСЫ

Астана қаласы бойынша ҰҚКД: 8 (7172) 76-41-26, 8 (7172) 76-41-23;
Ақмола облысы бойынша ҰҚКД: 8 (7162) 29-60-31, 8 (7162) 29-60-29;
Алматы қаласы бойынша ҰҚКД: 8 (727) 275-88-15;
Алматы облысы бойынша ҰҚКД: 8 (72772) 2-20-04;
Абай облысы бойынша ҰҚКД: 8 (7222) 55-02-70, 8 (7222) 55-02-72;
Ақтөбе облысы бойынша ҰҚКД: 8 (7132) 93-40-71;
Атырау облысы бойынша ҰҚКД: 8 (7122) 99-51-74, 8 (7122) 99-51-73
Батыс Қазақстан облысы бойынша ҰҚКД: 8 (7112) 98-80-71, 8 (7112) 98-81-71;
Жамбыл облысы бойынша ҰҚКД: 8 (7262) 94-00-74;
Жетісу облысы бойынша ҰҚКД: 8 (7282) 60-55-72;
Қарағанды облысы бойынша ҰҚКД: 8 (7212) 49-85-88;
Қостанай облысы бойынша ҰҚКД: 8 (7142) 52-00-70;
Қызылорда облысы бойынша ҰҚКД: 8 (7242) 29-63-75, 8 (7242) 29-63-71;
Маңғыстау облысы бойынша ҰҚКД: 8 (7292) 46-00-60, 8 (7292) 46-01-36;
Павлодар облысы бойынша ҰҚКД: 8 (7182) 39-18-05, 8 (7182) 39-16-51;
Солтүстік Қазақстан облысы бойынша ҰҚКД: 8 (7152) 39-01-20;
Түркістан облысы бойынша ҰҚКД: 8 (72533) 4-06-61;
Ұлытау облысы бойынша ҰҚКД: 8 (7102) 73-58-50;
Шығыс Қазақстан облысы бойынша ҰҚКД: 8 (7232) 28-21-70, 8 (7232) 28-21-27;
Шымкент қаласы бойынша ҰҚКД: 8 (7252) 95-10-77.

Документы

Бұйрық

07 октября 2023

Қазақстан Республикасы Ұлттық қауіпсіздік комитеті

Төмен тұрған құрамдағы әскери қызметшілерді не азаматтарды бос әскери лауазымдарға уақытша тағайындау қағидаларын бекіту туралы

Новости

Полезные материалы

ҚАЗАҚСТАН РЕСПУБЛИКАСЫ ҰЛТТЫҚ ҚАУІПСІЗДІК ОРГАНДАРЫНА ҚЫЗМЕТКЕ ҚАЛАЙ КІРУГЕ БОЛАДЫ?

ҰҚК мен Шекара қызметінің 30 жылдығына арналған кітаптар

Қарсы барлау және шахмат

Медиагалерея

Цена покоя. 30 лет/ Анонс документального фильма

Еліміздің қауіпсіздігі әрбір сала қызметкерінің жауапкершілігінде

События

Реализуемые проекты

Услуги

Организации

Часто задаваемые вопросы

Қызметке қалай орналасуға болады?

Ұлттық қауіпсіздік органдарына қызметке келісімшарт бойынша қабылдау «Арнаулы мемлекеттік органдар туралы» Қазақстан Республикасы Заңның 7, 8, 9, 10-баптарымен регламенттелген.

Қазақстан Республикасының ұлттық қауіпсіздік органдарына қызметке келісімшарт бойынша он сегіз жасқа толған әрекетке қабілетті адамдар қабылданады. Кандидаттың білім деңгейі, жұмыс тәжірибесі, дене дайындығы және денсаулығы ҰҚО белгілеген талаптарға сәйкес болуы тиіс.

ҰҚК жедел бөлімшелеріне жасы 23-тен кіші емес азаматтар қабылданады.

Қызметте болудың шекті жасы 47 жасты (майор атағын қоса алғанда) және 55 жасты (полковниктер үшін) құрайды. Сондай-ақ 25 және одан да көп жыл жалпы еңбек өтілі бар ҰҚК қызметкерлері еңбек сіңірген жылдары үшін зейнетақы төлемдерін алуға құқығы бар, оның кемiнде 12,5 жылын ұлттық қауіпсіздік органдарындағы үзіліссiз қызмет құрауы тиіс.

Қызметке қабылдау кезінде азаматтар қызметке жарамдылығын анықтау үшін міндетті түрде әскери-дәрігерлік комиссияларда медициналық және психофизиологиялық тексеруден, сондай-ақ полиграфологиялық зерттеуден өтеді.

Қызметке қабылдау конкурстық негізде екі кезеңде жүзеге асырылады.

Қандай адам ұлттық қауіпсіздік органдарына қызметке қабылдана алмайды?

Қызметке:

1) Қазақстан Республикасының заңында белгiленген тәртiппен әрекетке қабiлетсiз немесе әрекет қабiлетi шектеулi деп танылған, әскери-дәрiгерлiк комиссияның қорытындысына сәйкес лауазымдық өкiлеттiктердi орындауға кедергi келтiретiн сырқаты бар;

2) қызметкердің қызметте болуына байланысты заңда белгіленген шектеулерді және «Сыбайлас жемқорлыққа қарсы іс-қимыл туралы» Қазақстан Республикасының Заңында белгiленген сыбайлас жемқорлыққа қарсы шектеулердi қабылдаудан бас тартқан;

3) қызметке тұрар алдында үш жыл iшiнде сыбайлас жемқорлық құқық бұзушылық жасағаны үшiн тәртiптiк жауаптылыққа тартылған, қызметке тұрар алдында бiр жыл iшiнде қасақана құқық бұзушылығы үшiн сот тәртiбiмен әкiмшiлiк жаза қолданылған, қызметке тұрар алдында үш жыл iшiнде сыбайлас жемқорлық құқық бұзушылық жасағаны үшiн сот тәртiбiмен әкiмшiлiк жаза қолданылған, қызметке тұрғанға дейін өзіне қатысты үш жылдың ішінде қылмыстық теріс қылық жасағаны үшін соттың айыптау үкімі шығарылған немесе қызметке тұрғанға дейін үш жылдың ішінде қылмыстық теріс қылық жасағаны үшін қылмыстық жауаптылықтан Қазақстан Республикасы Қылмыстық-процестік кодексінің 35-бабының бірінші бөлігі 3), 4), 9), 10) және 12) тармақтарының немесе 36-бабының негізінде босатылған;

4) сыбайлас жемқорлық қылмыс жасаған, сыбайлас жемқорлық құқық бұзушылық жасағаны үшiн жұмыстан (қызметтен) шығарылған, сондай-ақ мемлекеттік қызметтен, өзге де арнаулы мемлекеттік органдардан, құқық қорғау органдарынан, соттардан және әділет органдарынан теріс себептер бойынша шығарылған;

5) арнайы тексеруден өтпеген және (немесе) өзі не өзінің жақын туыстары (ата-анасы, балалары, асырап алушылары, асырап алынған балалары, ата-анасы бiр және ата-анасы бөлек аға-iнiлерi және апа-сiңлiлерi, қарындастары, аталары, әжелерi, немерелерi) немесе зайыбы (жұбайы) және оның жақын туыстары туралы көрінеу жалған мәліметтер хабарлаған;

6) жақын туыстары (ата-анасы, балалары, асырап алушылары, асырап алынған балалары, ата-анасы бiр және ата-анасы бөлек аға-iнiлерi және апа-сiңлiлерi, қарындастары, аталары, әжелерi, немерелерi) не зайыбы (жұбайы) немесе оның жақын туыстары ауыр және аса ауыр қылмыс жасаған;

7) қызметке жарамдылығын анықтау үшін әскери-дәрігерлік комиссияларда психофизиологиялық немесе медициналық куәландырудан немесе полиграфологиялық зерттеуден өтпеген адам қабылданбайды.

Ұлттық қауіпсіздік органдары кандидатқа қызметке қабылдаудан бас тартудың анықталған себебін түсіндірмеуге құқылы екенін атап өту қажет.

Ұлттық қауіпсіздік органдарына қызметке үміткерге қандай талаптар қойылады?

Қызметке қабылданатын кандидатқа мынадай талаптар қойылады:

Офицерлік құрам лауазымына:

жоғары білімі бар адамдар;

кандидаттың алған жоғары білімі бойынша орташа балы оқу жетістіктерін бағалаудың балдық-рейтингілік әріптік жүйесіне сәйкес 2,67 (В-) (дәстүрлі бағалау шкаласы бойынша 4 балдан кем емес) кем болмауы тиіс.

Кандидатта сирек кездесетін мамандығы (оның ішінде техникалық және медициналық бейін), мамандандырылған білімі (оның ішінде сирек шет тілдерін білуі), Қазақстан Республикасының мемлекеттік органдарында, Қарулы Күштері, басқа да әскерлері мен әскери құралымдарында, құқық қорғау органдарында жедел-қызметтік іс-қимылдың өзекті бағыттары бойынша практикалық қызметтің белгілі бір тәжірибесі болған кезде, сондай-ақ ғылыми дәрежесі, ғылыми және (немесе) ғылыми-техникалық, оқытушылық қызмет тәжірибесі немесе спорттық жетістіктері болған кезде алған жоғары білімі бойынша орташа балын оқу жетістіктерін бағалаудың балдық-рейтингілік әріптік жүйесіне сәйкес 1,0 (D-)-ға дейін (дәстүрлі бағалау шкаласы бойынша 3 балдан кем емес) төмендетуге жол беріледі.

Сержанттар құрамының лауазымына:

болжанып отырған қызметтік іс-қимылдың бейіні бойынша ұқсас ортадан кейінгі немесе жоғары білімі бар адамдар;

қызмет мерзімі аяқталғаннан кейін мерзімді әскери қызмет өткерген әскери қызметшілер;

қатардағы жауынгерлер (матростар), запастағы сержанттар (старшиналар).

Социальные медиа

Twitter

Instagram

Youtube

Меню подвал

Өмірлік жағдайлар

Мемлекеттік органдардың жаңалықтар арнасы

ҚР Президенті жанындағы Орталық коммуникациялар қызметі

ҚР Президентінің жолдаулары

ҚР Мемлекеттік рәміздері

ҚР Премьер-Министрінің сайты

ҚР Президентінің сайты

ҚР Парламентінің сайты

Цифрлық трансформация тұжырымдамасы

Тұрақты даму мақсаттары