Сыбайлас жемқорлыққа қарсы іс-қимыл Агенттігінің Шымкент қаласы бойынша департаменті өкілінің қатысуымен Шымкент қаласындағы кедендік сараптама және зерттеулер бөлімінде Орталық кеден зертханасының қызметкерлеріне ZOOM байланысы арқылы түсіндірме жұмысы өтті.
Күн тәртібіндегі басты мәселе – сыбайлас жемқорлықтың алдын алу, ұжымда парасаттылық құндылықтарын дәріптеу, заңнамаға енгізілген өзгерістерден хабардар ету болып табылады.
Іс-шарада сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің өкілі 2022-2026 жылдарға арналған сыбайлас жемқорлыққа қарсы саясат тұжырымдамасының негізгі бағыттарын түсіндіріп, сыбайлас жемқорлыққа қарсы іс-қимыл тек уәкілетті органның ғана емес, бүкіл мемлекеттік органдардың міндеті екендігін атап өтті.
Сонымен қатар, түсіндірме жұмысы барысында мемлекеттік қызметшілердің және оларға теңестірілген адамдардың кәсіпкерлік қызметпен заңсыз айналысу салдары, мекеме басшыларының қаржылық бақылау шараларын қабылдамау фактілері бойынша түсіндірме берілді.
Дәріс соңында соңында сыбайлас жемқорлық құқықбұзушылық туралы хабарлаған немесе сыбайлас жемқорлыққа қарсы іс-қимылда өзге де жолмен жәрдемдесетін адамдарды көтермелеу қағидалары айтылды.