«Қазақстан Республикасы Индустрия және инфрақұрылымдық даму министрінің 2019 жылғы 30 қаңтардағы № 55 бұйрығымен бекітілген «Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті» республикалық мемлекеттік мекемесі ережесінің 14-тармағының 27) және 29) тармақшаларына, «Құрылыстағы баға белгілеу жөніндегі нормативтік құжаттарды мақұлдау туралы» Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті Ғылыми-техникалық кеңесінің 2021 жылғы 18 наурыздағы № 03-1 қаулысына сәйкес БҰЙЫРАМЫН:
- Қоса беріліп отырған:
- ҚР СБЖ 8.04-08-2021 «Құрылыс материалдарына, бұйымдарына және конструкцияларына арналған ағымдағы деңгейдегі сметалық бағалардың жинақтары» 2021 жыл (17 жинақ), 1-шығарылым;
- ҚР СБЖ 8.04-09-2021 «Құрылыс объектілерінің инженерлік жабдығына арналған ағымдағы деңгейдегі сметалық бағалардың жинағы» 2021 жыл, 1-шығарылым;
- ҚР ЖТБЖ 8.04-12-2021 «Құрылыс үшін жүктерді тасымалдауға арналған ағымдағы деңгейдегі сметалық бағалардың жинағы» 2-бөлім. Теміржол тасымалдары, 2021 жыл, 1-шығарылым;
- «Құрылыс жұмыстарына және жабдықты монтаждауға арналған ресурстар шығысының элементтік сметалық нормаларының жинақтары, Ғимараттар мен құрылыстарды салу құнының ірілендірілген көрсеткіштерінің жинақтары, Құрылыстағы сметалық тарифтік ставкалар жинағы (ҚР ЭСН 8.04-01-2015, ҚР ЭСН 8.04-02-2015, ҚР ІСН 8.02-04-2020, ҚР СТС 8.04-07-2020) Өзгерістер мен толықтырулар. 21-шығарылым» бекітілсін.
- Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің (бұдан әрі – Комитет) Құрылыстағы сметалық нормалар басқармасы заңнамада белгіленген тәртіппен осы бұйрықты Комитеттің ресми интернет-ресурсына орналастыруды қамтамасыз етсін.
- Осы бұйрықтың орындалуын бақылау жетекшілік ететін Комитет төрағасының орынбасарына жүктелсін.
- Осы бұйрық 2021 жылғы 5 сәуірден бастап күшіне енеді.
Қазақстан Республикасы
Индустрия және инфрақұрылымдық
даму министрлігі Құрылыс және
тұрғын үй-коммуналдық шаруашылық
істері комитетінің төрағасының
міндеттерін атқарушы А. Ыдырысов