Тұрғындардың назарына!

Қазақстан Республикасы өнеркәсіп және құрылыс министрінің 2023 жылғы 8 желтоқсандағы №117 «Тұрғын үй көмегін көрсету ережелерін бекіту туралы» бұйрығына сәйкес, тұрғын үй көмегі Шахтинск қаласында және оған іргелес Долинка, Новодолинский және Шахан кенттерінде көрсетіледі.

Тұрғын үй көмегі жергілікті бюджеттен Қазақстан Республикасының аумағындағы жалғыз тұрғын үй ретінде меншік құқығындағы тұрғын үйде тұрақты тіркелген және тұратын аз қамтылған отбасыларға (азаматтарға) беріледі.

Осы көмекті тағайындау үшін өтініш беруші "Азаматтарға арналған үкімет" мемлекеттік корпорациясына (ХҚКО) немесе www.egov.kz электрондық үкімет веб-порталына жүгінеді.

Өтінішке келесі құжаттар қоса тіркелуі тиіс:

- Қызмет алушының жеке басын куәландыратын құжат;

- Отбасылық табысты растайтын құжаттар;

- Тұрғын үй ғимаратын күтіп ұстауға ай сайынғы төлемдерді көрсететін шоттар;

- Алдыңғы тоқсанға арналған коммуналдық қызметтерге арналған төлемдер;

Сұрақтарыңыз бойынша 35947 немесе 35912 нөмірлеріне хабарласа аласыз.

Мемлекет тұрғын үй көмегін беру ережелерін жаңартты: енді бәрі ашық және онлайн қолжетімді