Жастардың діни сауаттылығын арттыру және ақпаратты қауіпсіз қабылдау қабілетін қалыптастыру мақсатында «Жастардың діни сауаттылығы: қауіпсіздік және білім» тақырыбында оқушылармен кездесу ұйымдастырылды. Кездесу барысында дін туралы білімді дұрыс және қауіпсіз алу жолдары, дезинформация мен экстремистік идеялардың алдын алу, сондай-ақ әртүрлі діндерге құрмет көрсету мәселелері талқыланды. Оқушылар пайдалы ақпарат алып, сұрақтар қойып, пікірталасқа қатысты. Бұл іс-шара сыни тұрғыдан ойлауды дамытуға және діни құндылықтарға құрметпен қарауды қалыптастыруға ықпал етті.