«Семей ядролық қауіпсіздік аймағы туралы» және «Қазақстан Республикасының кейбір заңнамалық актілеріне Семей ядролық қауіпсіздік, экология және электр энергетикасы мәселелері бойынша өзгерістер мен толықтырулар енгізу туралы»

Қазақстан Республикасының Президенті 2023 жылғы 5 шілдеде «Семей ядролық қауіпсіздік аймағы туралы» және «Қазақстан Республикасының кейбір заңнамалық актілеріне Семей ядролық қауіпсіздік, экология және электр энергетикасы мәселелері бойынша өзгерістер мен толықтырулар енгізу туралы» Қазақстан Республикасының заңдарына (бұдан әрі – Заңдар) қол қойды.

Заңдарда Семей сынақ полигонының ластанған аумақтарында Семей ядролық қауіпсіздік аймағын құру, сондай-ақ сол жерде ядролық және радиациялық қауіпсіздікті қамтамасыз ету көзделеді.

Ядролық қауіпсіздік аймағы шегінде заңдарда көзделмеген қызметті жүзеге асыруға тыйым салынады, бұл радиоактивті ластанудың таралу мүмкіндігін болдырмауға мүмкіндік береді.