Ортсайлауком ҚР Парламенті Мәжілісінің депутаты О.Е. Нұралдиновты тіркеді

  2025 жылғы 27 тамызда ҚР орталық сайлау комиссиясының отырысы өткізіліп, «Қазақстан Республикасы Парламенті Мәжілісінің депутаты О.Е. Нұралдиновты тіркеу туралы» қаулы қабылдады.

«Қазақстан Республикасындағы сайлау туралы» Қазақстан Республикасы Конституциялық заңының 12, 45, 46-баптарына,
97-1-бабының 6-тармағына, 98-бабына және «Ақ жол» Қазақстанның демократиялық партиясы» ҚБ  Ұлттық кеңесінің 2025 жылғы 26 тамыздағы қаулысына сәйкес Қазақстан Республикасының Орталық сайлау комиссиясы қаулы етті:

1. Қазақстан Республикасы Парламентінің Мәжілісі депутатының бос мандаты «Ақ жол» Қазақстанның демократиялық партиясының» мүшесі Олжас Елтайұлы Нұралдиновке берілсін.
2. Олжас Елтайұлы Нұралдинов Қазақстан Республикасы Парламенті Мәжілісінің депутаты болып тіркелсін.
3. Олжас Елтайұлы Нұралдиновке белгіленген үлгідегі тиісті куәлік пен омырауға тағатын белгі тапсырылсын.

«Қазақстан Республикасының Парламенті және оның депутаттарының мәртебесі туралы» Конституциялық Заңның 24-бабына сәйкес депутаттың өкілеттігі оны Орталық сайлау комиссиясы тіркеген кезден басталады.

         ОСК Төрағасы Нұрлан Әбдіров Олжас Елтайұлына белгіленген үлгідегі куәлік пен омырауға тағатын белгіні табыстап, депутаттық корпустағы жұмысына сәттілік тіледі.