Районный конкурс «Лучший учитель английского языка – 2024»
Жаңаарқа ауданының жалпы білім беру ұйымдарының
ағылшын тілі мүғалімдерінің
«Үздік ағылшын тілі мұғалімі – 2024» аудандық сайысының
ЕРЕЖЕСІ
- Жалпы ережелер
- Осы ереже «Үздік ағылшын тілі мұғалімі – 2024» аудандық байқауының (бұдан әрі байқау) мақсатын, міндеттерін, ұйымдастыру тәртібін, өткізу шарттарын, оның қатысушыларына қойылатын талаптарды, бағалау өлшемдерін, қорытындыларды шығару және жеңімпаздарды марапаттау тәртібін айқындайды.
- Байқауды Жаңаарқа ауданының білім бөлімі 2023-2024 оқу жылына арналған іс-шаралар жоспарына сәйкес өткізеді.
- Байқаудың мақсаты :
- Байқау ағылшын тілі мұғалімдерінің инновациялық педагогикалық тәжірибесін анықтау және бағалау, аудан мұғалімдері арасында ағылшын тілі пәнін оқыту деңгейін арттыру мақсатында өткізіледі.
- Байқау міндеттері:
- білім беру сапасын арттыру міндеттерін табысты шешетін, шығармашылық жұмыс атқаратын ағылшын тілі мұғалімдерін анықтау және қолдау;
- білім беру ұйымдары, аудан, аймақ деңгейінде өзекті мәселелерді шешуге бағытталған білім беру қызметін ынталандыру.
- Байқауды өткізу мерзімі мен шарттары
3.1. Байқау 2024 жылдың 15 мамырында онлайн форматында өтеді.
3.2. Байқауға Жаңаарқа ауданының білім беру ұйымдарының ағылшын тілі пәні мұғалімдері қатысады. Қатысушылардың жасы шектелмейді, педагогикалық өтілі ескерілмейді.
3.3. Байқауға ұсынылған материалдар рецензияланбайды және қайтарылмайды.
3.4. Байқау 2 кезеңде сырттай, қашықтықтан өткізіледі.
Бірінші кезең: Өтінімдер 30.04.2024 ж қабылданады.
Бірінші кезеңге қатысушы келесі құжаттарды тапсыру қажет (электронды нұсқада)
- Өтінім (1-Қосымша);
- Сауалнама (2-Қосымша);
-«Педагогикалық шеберлік»/ «Pedagogical excellence» авторлық әдістемелік әзірлеме;
Байқау тапсырмасы: Байқауға қатысушылар номинациялар бойынша бірегей педагогикалық идеялардың сипаттамасын қамтитын авторлық әдістемелік әзірлемелерді ұсынады:
- «Дидактикалық материалдарды пайдаланудың табысты технологиясы»;
- « Ағылшын тілі сабағының үздік әдістемелік әзірлемесі»;
- «Сыныптан тыс іс-шараның үздік әзірлемесі».
Байқау тапсырмасының бағалау критерийлері:
- Байқау материалы мазмұнының мәлімделген номинацияға, тақырыпқа, деңгейіне, оқушылардың жасына сәйкестігі;
- Материалдың жаңалығы, қолданылған педагогикалық тәсілдер мен әдістердің анықтығы мен айқындығы;
- Нәтижелерді сипаттау айқындығы, әзірлеудің практикалық құндылығы, оны басқа білім беру мекемелерінде енгізу мүмкіндігі.
3.5. Байқаудың екінші кезеңінің бағдарламасы келесі тапсырмаларды қамтиды: Байқау жұмыстары 15.05.2024ж.(қоса алғанда) күнге дейін қабылданады.
- « I am a new formation teacher » шығармашылық видео немесе презентациялық таныстырылым , регламент 3 минут. заманауи талаптарға сәйкес білім беру технологияларын пайдаланудың тиімділігі, өзінің іс-тәжірибесін ұсыну. Бағалау критерийлері: көшбасшылық қабілеттер, автордың ұстанымы, ой-өрісінің кеңдігі, өз идеялары мен ұсыныстары, сөз сөйлеудің бірегейлігі.
- «Шеберлік-сабақ» регламенті 7 минут. «Шабыттандырушы әлем - үздік сабағымда» / "An inspiring world - in my best lesson" Youtube желісіне жүктелген сабақ сілтемелерін ұсыну.
Бағалау критерийлері: мақсат қою, тақырыпты ашуға шығармашылық көзқарас, күрделі тақырыпты терең түсіну, аргументация және логикалық құрылымдар жүйесі, ойлау креативтілігі заманауи технологияларды қолдануы.
- Қорытынды шығару және марапаттау.
4.1. Байқаудың Ұйымдастыру комитеті Жаңаарқа ауданының білім бөлімі болып табылады.
4.2. Байқауды ұйымдастыру және өткізу үшін сараптамалық байқау комиссиясы құрылады.
4.3. Сараптамалық байқау комиссиясының құрамы байқауды ұйымдастырушылардың өкілдерінен және шақырылған мамандардан құрылады. Байқаудың сараптамалық комиссиясы 2024 жылдың 15-20 мамыр аралығында ұсынылған байқау материалдарын талдайды және бағалайды, ақтық кезеңге қатысушыларды анықтайды.
4.4. Байқаудың жеңімпаздары дипломдармен және алғыс хаттармен марапатталады.
1-қосымша
Өтініш
Білім беру ұйымының толық атауы _______________________________
______________________________________________________________
Аймақ ________________________________________________________
Байқауға қатысушының аты-жөні _______________________________
Ағылшын тілі пәні мұғалімі лауазымындағы жұмыс өтілі ________________________
______________________________________________________________
Байланыс ақпараты (пошталық мекен-жайы, телефоны, электрондық мекен-жайы)_______________________________________________________
Білім беру ұйымы басшысының қолы
Мөр
2-қосымша
Сауалнама
- ТАӘ _________________________________________________________
- Жұмыс орны _______________________ жұмыс өтілі ______________
санат _______________________
- Біліктілікті арттыру курстары (соңғы жылы, тақырыбы) ____________________________________________________________________________________________________________________________________________
- Пән бойынша өз білімін жетілдіру тақырыбы: _______________________________________________________________________
- Ең маңызды жеке жетістіктері (соңғы үш жылда): ________________________________________________________________________________________________________________________________________________________________________________________________________________________________________________________________________________________________________________________________________________________________________
- Марапаттары, атақтары: ____________________________________________________________________________________________________________________________________
- Оқушылардың ең маңызды жетістіктері (соңғы бір-екі жылда): ____________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________