Білім беру ұйымдарының бақылау шаралары арқылы жаңа оқу жылына дайындығы туралы

Білім беру жүйесіндегі мемлекеттік бақылау мемлекеттің білім алу құқығын және білім беру ұйымдарының білім беру қызметінің Қазақстан Республикасы заңнамасының талаптарына сәйкестігін қамтамасыз етуге бағытталған тетік болып табылады.

Осы жылдың сәуір айында ҚР-ның "Білім туралы" Заңына "Білім сапасы", "білім сапасының мәдениеті" ұғымдары енгізілді, бұл білім сапасы мәселесіне жаңа көзқарасты талап етеді.

 Білім беру сапасы-бұл білім беру қызметінің тиімділігінің кешенді сипаттамасы, ал білім беру сапасының мәдениеті ішкі және сыртқы бағалау рәсімдері арқылы қалыптасатын және білім беру ұйымдарындағы білім беру қызметінің субъектілері қолдайтын  процесіне қатысушылардың құндылықтары мен сенімдерінің жүйесін болжайды.

Ағымдағы жылы Үкімет қабылдаған "Барлығына қолжетімді сапалы білім беру" ұлттық баяндамасы бүгінде білім беру жүйесін жетілдірудің нақты құралы болды.

Ағымдағы жылдың бірінші жартыжылдығының нәтижелері жақсарғанын көрсетті, өткен жылдың қорытындысы бойынша мектепке дейінгі ұйымдардың 25% - ы аттестатталса, осы жылдың бірінші жартыжылдығының қорытындысы бойынша 31% -ға жоғарлағандығын байқатты (мысалы: 13-тен 4-і). Тәрбиеленушілердің жетістіктерін бағалау, педагогтардың біліктілігін арттыру, оқу-тәрбие процесін іске асыру критерийлері бойынша нәтижелер айтарлықтай өсті. Қалалардың мектепке дейінгі ұйымдары дамудың оң үрдістерін көрсетті.

Жаңа оқу жылында білім беруді басқару органдары ауылдық өңірлердің балабақшаларына, мектеп жанындағы шағын орталықтар мен мектепалды сыныптарға даму екпінін ауыстыруы қажет, біліктілік санаттары бар педагогтердің үлесін, жоғары педагогикалық білімі бар педагогтердің үлесін арттыру, мемлекеттік стандарттарды толыққанды іске асыру үшін жабдықтармен жарақтандыру сияқты сапа параметрлері бойынша қызметті өзектендіру қажеттілігі туындайды.

Орта білім беру деңгейінде Ұлттық баяндама тұжырымдамасында "Әрбір мектеп – Үздік мектеп" ретінде айқындалған, білім берудің барлық деңгейлері бойынша өзара іс-қимылға ерекше рөл берілген.   

2023-2024 оқу жылында облыста дарынды балалардың қабілетін дамытуға үлкен мүмкіндіктер беретін "Зерделі" жеке меншік мектебі ашылды.

Аталған оқу жылында Сәтбаев қаласының білім бөлімі мектептерінде білім беру сапасын арттыруға бағытталған мектепішілік бақылау жүргізу тәжірибесімен бөлісті,  сонымен қатар №3 және 27 жалпы білім беретін мектептердің материалдық-техникалық базасын толық жарақтандырылғанын атап өткім келеді;

-Жезқазған қаласының білім бөлімі тарапынан  асхана жабдықтары жаңартылуда (мысалы: №8 гимназияның асханасы стандарттың заманауи талаптарына сәйкес толық жаңартылды), сонымен қатар, №1,10 жалпы білім беретін мектептер, №8 гимназия "Біртұтас тәрбие" тұжырымдама  жұмысының жоспарын орындаудағы ең үздік жетістіктерін көрсетті;

 

-Ұлытау ауданының білім бөлімі тарапынан  4 мектептің (№1,6,7,15) жаңа модификациялық кабинеттерімен толық жабдықталған, сондай-ақ стандарт талаптарына сәйкес Қаракеңгір ауылының спорт залына, Егінді ауылының және Жезді кентінің спорт алаңдарына күрделі жөндеу жүргізілді;

- Қаражал қаласының білім бөлімі және "Қазақстан қоры"-нан  №1 жалпы білім беретін мектептің материалдық-техникалық базасын толық жаңартып, №11 жалпы білім беретін мектепте 50 Мбит жылдамдықпен интернет желісіне қосылды;

- Жаңаарқа ауданы бойынша бүгінгі таңда Қызылжар жалпы білім беретін мектебіне күрделі жөндеу жұмыстары аяқталуда, сондай-ақ 7 ((Көктал, Ақтүбек, Айнабұлақ, Кенжебай-Самай, Ақтайлақ, школы №135,140)  мектепте заманауи стандарттар бойынша асхана жабдықтары толығымен жаңартылды.

Ағымдағы жылы бақылау субъектілеріне бару арқылы профилактикалық бақылау 3 білім беру ұйымдарында жүргізілді.

Айта кету керек, барлық 3 білім беру ұйымдары мемлекеттік жалпыға міндетті білім беру стандарттарының талаптарына сәйкес қызмет жүргізді, бұл оларды аттестаттауға негіз болды. Соған қарамастан, жекелеген нормативтік-құқықтық актілер нормаларын сақтамағаны үшін бұл мектептерге бұзушылықтарды жою туралы нұсқамалар берілді. Осыған байланысты, жаңа оқу жылында орта білім беру ұйымдарының басшылары алқалы органдардың жұмысы, педагогикалық, оқу-әдістемелік кеңестер мен педагогикалық этика жөніндегі кеңес, білім алушыларды бағалау мәселелері сияқты қызмет бағыттарын күшейтуі қажет,

Бақылау субъектілеріне профилактикалық бақылау және бару арқылы профилактикалық бақылау, түрлі нысандағы бақылау шаралары алдағы оқу жылында жалғасын табады.

Ағымдағы жылдың бірінші жартыжылдығында облыстың 2 білім беру ұйымдарында жүргізілген Біліктілік талаптарының  сәйкестігіне тексерулер педагог-сарапшының, педагог-зерттеушінің, педагог-шебердің біліктілік санаттары бар педагогтердің үлесі, мектептерді Көркем еңбек бойынша жабдықтармен, Алғашқы әскери дайындық  және физика, химия, биология бойынша зертханалық жабдықтармен жарақтандыру сияқты мәселелердің өзектілігін көрсетті.

Осыған байланысты және біліктілік талаптарының бұзылуының алдын алу мақсатында білім бөлімдері мен білім беру ұйымдарының басшыларына ҚР 2022 жылғы 24 қарашадағы № 473 бұйрығын зерделеуді, орта білім беру, техникалық және кәсіптік білім беру ұйымдарының біліктілік талаптар сәйкестігіне мониторинг жүргізуді ұсынамыз.

Сондай – ақ, ағымдағы жылдың екінші жартыжылдығында Ұлытау ауданының "Балдәурен бөбекжайы" мектепке дейінгі ұйымына бару арқылы  жоспарлы профилактикалық бақылау жүргізіледі.

Білім беру ұйымдары басшыларының назарына ҚР Білім беру саласындағы заңнамасы тексеру нысанасы болып табылатынын, яғни бірқатар НҚА бойынша білім беру ұйымдарының қызметі тексерілуге жататынын атап өтемін.

2024 жылы Ұлытау облысының білім беру саласындағы сапаны қамтамасыз ету департаментінің педагогикалық әдеп жөніндегі кеңесі құрылды, ол жеке және заңды тұлғалардың, оның ішінде педагогтердің педагогикалық әдепті сақтау мәселелері бойынша өтініштерін қарайтын алқалы орган болып табылады, ол бұрын консультативтік-кеңесші органның функцияларын атқарған.

Педагогикалық этиканың қағидаттары мен нормаларын басшылыққа ала отырып, біз сапалы кәсіби қызмет жүргізіп, өз білім ұйымымыздың имиджін жоғары деңгейде қолдайтынымызға педагогикалық жұртшылықтың назарын аударғымыз келеді.

Өз сөзімді аяқтай отырып, Ұлттық баяндамадан дәйексөз келтіргім келеді, «Әрбір мектеп өсуге бағытталған ең жақсы мектеп болуы керек».

 Педагогтарға қажырлы еңбек,  бірлескен міндеттерді іске асыруда  жоғары сапалы, табысты нәтиже тілеймін!