Еліміздің көмір өндіруші компаниялары ағымдағы жылдың қаңтар-ақпан айларында 18,3 млн. тонна көмір өндірді. Энергия өндіруші кәсіпорындарға10,4 млн. тонна көмір жөнелтілсе, өнеркәсіптік кәсіпорындарға 936,8 мың тоннакөмір жеткізілді. Ал, коммуналдық-тұрмыстық қажеттіліктер мен халыққа 1,4 млн. тоннакөмір жөнелтілді. Сонымен қатар экспортқа 4,6 млн. тонна көмір жіберілді.
Көмір энергетикалық және өнеркәсіптік кәсіпорындарға тікелей шарт бойынша көмір разрездерінің жөнелтілу бағасымен жіберіледі. Коммуналдық-тұрмыстық тұтынушылар және халық үшін көмірдің негізгі көлемі тауар биржалары арқылы сатылады. Коммуналдық-тұрмыстық қажеттілік және халық үшін көмір бағасы көмір разрезінің жөнелту бағасынан (әзірлеу жағдайына байланысты тоннасына 3-6 мың теңге), тасымалдауға кеткен темір жол тарифтерінен, жылжымалы құрамды күтіп-ұстау, көмірдің биржалық құнынан, сондай-ақ халыққа жеткізетін делдалдық ұйымдардың және жеке тұлғалардың маржасынан қалыптасады.
Елімізде көмір өнеркәсібін дамыту мақсатында өткен жылы "Қазақстан Республикасының көмір саласын дамыту жөніндегі 2019-2021 жылдарға арналған Жол картасы" бекітілді, сондай-ақ "2019-2020 жылдарға арналған коммуналдық-тұрмыстық қажеттіліктер мен халыққа арналған көмір өнімдеріне қажеттілік жоспары" жасалды. 2020 жылғы 20 наурыздағы жағдай бойынша жылдық жоспарға (2019 жылғы 1 мамырдан бастап 2020 жылғы сәуірге дейін) сәйкес көмір қорымен қамтамасыз ету 99,7%-ды құрайды.
Ақтөбе, Шығыс Қазақстан, Жамбыл, Батыс Қазақстан, Қарағанды, Қостанай, Қызылорда, Павлодар, Алматы облыстары, Алматы және Шымкент қалаларының әкімдіктері коммуналдық-тұрмыстық сектор үшін көмірдің жылдық жеткізу кестесін толығымен қамтамасыз етті.
Сондай-ақ, Батыс Қазақстан, Қызылорда, Қостанай, Павлодар, Ақмола, Алматы, Жамбыл, Шығыс Қазақтан, Солтүстік Қазақстан облыстарының және Шымкент, Алматы және Нұр-Сұлтан қалаларының әкімдіктері халық үшін көмірдің жылдық жеткізу кестесін толығымен қамтамасыз етті.
Айта кету керек , Қазақстанда 2020 жылы 120 млн. тонна көмір өндіру жоспарланған. Осылайша елдің ішкі нарығына 82 млн. тонна, экспортқа 38 млн. тонна көмір жеткізілетін болады.
ҚР Индустрия және инфрақұрылымдық даму министрлігі қазіргі таңда Қазақстандағы фармацевтикалық және тігін кәсіпорындарының бәрі толық жүктеме кезінде тәулігіне 1 млн данаға дейін маска өндіре алатынын жариялады, деп хабарлайды ҚазАқпарат тілшісі.
Министрліктің мәліметіне сүйенсек 2020 жылдың 23 наурызында барлық масканың күндік көлемі 725 мың дананы құраған. Оның 221 мыңын фармацевтикалық компаниялар өндірсе, 504 мыңын тігін компаниялары шығарған. Қоймаларда қазіргі таңда 584 мың дана маска бар.
«Ақпарат алдымен медициналық маска сататын «СК-Фармация» ЖШС-ге беріледі. Денсаулық сақтау министрлігі өндірілген өнімдерді елдің өңірлері бойынша таратады. Дәкелі мен маталы маскалар жергілікті билік органдарымен келісімшарт негізінде сатылады. Бүгінгі күні медициналық бетперделер шығару бойынша жұмыстарды тәулік бойы отандық кәсіпорындар жүргізуде. Олар: «Dolce» ЖШС (Алматы облысы), «Super-pharm» ЖШС (Жамбыл облысы), «Mega Pharma» ЖШС (Жамбыл облысы), «Medical Active Group» ЖШС (Алматы), «Мерусар» ЖШС (Павлодар), «ТК-Фарм Ақтөбе» ЖШС (Ақтөбе). Бұдан басқа жергілікті атқарушы органдармен бірлесіп маска өндірісіне 70-тен астам тігін кәсіпорны, атап айтқанда «Dalatеx» ЖШС (Қызылорда), «Большевичка» ЖШС (Қостанай), «Эко-Фарм» ЖШС (Шымкент), «Ас Фарм» ЖШС (ШҚО), «Тыныс» АҚ (Көкшетау), «КазЛегПром» ЖШС (Алматы), «Жанарыс» ЖШС (Маңғыстау облысы) компаниялары тартылды», - деп хабарлайды ИИДМ баспасөз қызметінен.
Тігін және фармацевтика кәсіпорындарын маска өндіруге арналған шикізатпен қамтамасыз ету мақсатында министрлік «Azala Textile» ЖШС-мен бірге дәке өндірісін бастау туралы мәселені пысықтаған. Қазіргі таңда қуаттылығы тәулігіне 3,6 мың қума метр болатын 3 станок іске қосылған.
«Бүгінгі күні барлық фармацевтикалық және тігін кәсіпорнының қуаты толық жүктеме кезінде тәулігіне 1 млн данаға дейін маска өндіруге мүмкіндік береді. Отандық тігін кәсіпорындары мақта-мата маталардан (дәке, бөз, миткаль) көп реттік 4,8,16 қабатты маска шығарады», - деп хабарлайды министрліктен.
Құрметті қызметкерлер!
Эпидемиологиялық жағдайдың шиеленісуіне және коронавирустық инфекцияның таралуына жол бермеуге байланысты, сондай-ақ мемлекеттік қызметшілердің денсаулығын сақтау мақсатында, дағдарыстық жағдай кезеңінде, ағымдағы жылдың 20 наурызынан бастап ғимаратқа кіру медициналық маска болған кезде қатаң түрде жүзеге асырылатын болады. Маскалар болмаған жағдайда қызметкерге немесе келушіге ғимаратқа кіруге тыйым салынады.
Жоғарыда көрсетілген талаптарды сақтауды сұраймыз.
Қосымша ақпарат:
Министрлік бүгінгі таңда мынадай шаралар қабылдауда:
-сағат сайын Үй-жайлар мен жалпы пайдалану орындарын дезинфекциялау құралдарымен қосымша санитарлық-профилактикалық өңдеу жүргізіледі;
- сору-сору жүйесінің сүзгілерін ауыстыру;
- сыртқы ауаның ашық қол жетімділігі арқылы холлдарды мезгіл-мезгіл (әрбір 2 сағат сайын) желдету жүргізіледі;
- ғимаратқа келушілердің қолжетімділігі шектеулі;
- ғимаратқа медициналық бетперделерсіз кіруге тыйым салынды;
- қосымша сатып алу және ғимараттың барлық қабаттарында қолды өңдеу үшін антисептигі бар дозаторлар орнату жүзеге асырылады;
- қызметкерлерге арналған медициналық маскалар сатып алуға тапсырыс орналастырылды;
- әрбір рейстің алдында қызметкерлерді дезинфекциялау құралдарымен тасу үшін автобустарды ылғалды жинау;
- адам денесінің температурасын анықтау бойынша байланыссыз термометрді қолдана отырып, Министрліктің қызметкерлері мен келушілерін тексеруді жүзеге асыру үшін ҚР ПІБ Медициналық орталығының медицина қызметкерлерін орналастыра отырып, "Транспорт тауэр" ғимаратында медициналық пункт ашу мәселесін пысықтау.
ӨЗІҢІЗДІ ЖӘНЕ ЖАҚЫНДАРЫҢЫЗДЫ ҚОРҒАҢЫЗ!
«Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі заңының 10-бабының 1)- тармақшасына сәйкес, Қазақстан Республикасы Индустрия және инфрақұрылымдық министрлігі Индустриялық даму және өнеркәсіптік қауіпсіздігі комитеті «Химиялық өнімді тіркеу және есепке алу қағидаларын бекіту туралы» Қазақстан Республикасы Инвестициялар және даму министрі міндетін атқарушының 2015 жылғы 16 маусымдағы № 694 бұйрығына өзгерістер енгізу және Қазақстан Республикасы Инвестициялар және даму министрінің және Қазақстан Республикасы Индустрия және инфрақұрылымдық даму министрінің кейбір бұйрықтарының күші жойылды деп тану туралы» Қазақстан Республикасы Индустрия және инфрақұрылымдық даму министрінің бұйрық жобасын (бұдан әрі – Бұйрық) әзірледі.
Бұйрықты қабылдаудың мақсаты «Мемлекеттік көрсетілетін қызметтер туралы» Қазақстан Республикасының Заңына сәйкес келтіру болып табылады.
«Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі заңының 10-бабының 1)- тармақшасына сәйкес, Қазақстан Республикасы Индустрия және инфрақұрылымдық министрлігі Индустриялық даму және өнеркәсіптік қауіпсіздігі комитеті «Еңбек өнімділігін арттыруға және аумақтық кластерлерді дамытуға бағытталған индустриялық-инновациялық қызмет субъектілеріне мемлекеттік қолдау шараларын ұсыну қағидаларын бекіту туралы» Қазақстан Республикасы Инвестициялар және даму министрінің 2015 жылғы 9 желтоқсандағы № 1194 бұйрығына өзгерістер мен толықтырулар енгізу туралы» Қазақстан Республикасы Индустрия және инфрақұрылымдық даму министрінің бұйрық жобасын (бұдан әрі – Бұйрық) әзірледі.
Бұйрықты қабылдаудың мақсаты «Мемлекеттік көрсетілетін қызметтер туралы» Қазақстан Республикасының Заңына сәйкес келтіру болып табылады.
Халықты жеке қорғау құралдарымен қамтамасыз ету мақсатында Қазақстан Республикасы Индустрия және инфрақұрылымдық даму министрлігі маскалар өндіру бойынша күнделікті мониторинг жүргізуде. Бүгінгі күні отандық кәсіпорындар медициналық маскалар өндірісі бойынша жұмыстарды тәулік бойы жүргізеді. Сондай-ақ, маскалар өндірісіне тігін фабрикалары өз үлестерін қосуда.
Тігін және фармацевтикалық кәсіпорындарды маскалар өндіру үшін шикізатпен қамтамасыз ету мақсатында "Azala Textile" ЖШС селдір мата өндірісі іске қосылды. Бүгінгі күні кәсіпорында тәулігіне 2,4 мың метр селдір мата шығаратын 2 станок жұмыс істейді.
Сонымен қатар, жақын арада үшінші станок іске қосылып, ол тәулігіне 1,2 мың метр өнім шығаратын болады. Осылайша, тоқыма фабрикасының мамандарының мәліметі бойынша кәсіпорын сәуір айының басында 48 мың метр селдір мата өндірмек.
Өндірістік кезең МЕМСТ 9412-93 медициналық селдір мата мемлекетаралық стандартына сәйкес жолға қойылған.
Сондай-ақ, қазіргі кезде өндіріс ошағы төмен тығыздықтағы ағартылған мақта матасын шығарады, оны қорғаныс маскаларын өндіру үшін пайдалануға болады.
Қазақстан Республикасының Индустрия және инфрақұрылымдық даму министрлігі "Қазақстан Республикасының кейбір заңнамалық актілеріне өнеркәсіптік қауіпсіздік мәселелері бойынша өзгерістер мен толықтырулар енгізу туралы" заң жобасын әзірледі. Қазіргі уақытта заң жобасы ҚР Парламенті Мәжілісінің қарауына енгізілді.
Заң жобасы өнеркәсіптік қауіпсіздік саласындағы заңнама нормаларын жетілдіру, қауіпті объектілерде өнеркәсіптік қауіпсіздік саласындағы мемлекеттік қадағалауды жүзеге асыру тиімділігін арттыруға, өнеркәсіптік қауіпсіздік саласында жұмыс істеуге тартылатын аттестатталған және апаттық-құтқару жұмыстарын жүргізу бойынша қызмет көрсететін ұйымдар қызметін реттеуге, қолданыстағы заңнамадағы олқылықтарды жоюға бағытталған.
Кез келген кәсіпорынның қауіпсіздігін қамтамасыз етудің негізі -қауіпсіздік техникасы және технологиялық процестерді жүргізу бойынша барлық белгіленген нормалар мен нұсқауларды сақтау. Айталық, шикізатты қоймаға қою немесе жанғыш заттарды сақтаудың белгіленген ережелерінің бұзылуы, техникаға сапасыз қызмет көрсету сияқты жағдайлар оқыс оқиғаға апарып соғуы мүмкін. Салада атқарылған жұмыстарға және қадағалау шараларының жоғары көрсеткіштеріне қарамастан, талдау қорытындыcы елімізде өнеркәсіптік қауіпсіздіктің жай-күйі айтарлықтай күрделі екенін көрсетті. 2019 жылы 28 апат орын алды, бұл 2018 жылмен салыстырғанда 1 оқыс оқиғаға көп. Апат салдарынан 24 адам зардап шекті, оның ішінде 11 адам көз жұмса, 7 адам ауыр жарақаттанып, 6 адам жеңіл дәрежеде жарақат алған.
Тексеру актілеріне сәйкес жазатайым оқиғалардың негізгі себебі ескірген, моральдық және физикалық тұрғыдан тозған, қызметтің нормативтік мерзімін өтеген жабдықтарды пайдалану болып отыр. Тіркелген оқыс оқиғалардың тағы бір себебі - өнеркәсіптік қауіпсіздік талаптары мен ережелерін бұзу. Үшіншіден, өндірістік бақылаудың аздығы, я болмаса тіптен жүргізілмеуі және қызметкерлер біліктілігінің төмендігі.
Жұмыс тобына қатысушылардың пікірінше, заң жобасы азаматтарды зиянды әсерден қорғау деңгейін арттыруға және өндірістік жарақаттануды төмендетуге мүмкіндік береді. Сондай-ақ аттестатталған ұйымдар мен апаттық-құтқару қызметтері жұмысына профилактикалық қадағалау жүргізу шеңберінде құқық бұзушылықтардың алдын алу көзделген.
Бұл түзетулер қауіпті өндірістік объектілерде өнеркәсіптік қауіпсіздікті қамтамасыз ету жүйесінің тиімділігін арттыруға мүмкіндік береді.
Қазақстан Республикасы Индустрия және инфрақұрылымдық даму министрлігінің Индустриялық даму және өнеркәсіптік қауіпсіздік комитеті Қазақстан Республикасы Премьер-Министрінің тапсырмасына сәйкес «Халық үшін қолжетімді отандық өндіріс көлік құралдарының кейбір мәселелері туралы» Қазақстан Республикасы Үкіметі қаулысының (бұдан әрі - қаулы) жобасын әзірледі.
Қаулыны қабылдаудың мақсаты Қазақстан Республикасының ішкі нарығы үшін халық үшін сұранысқа ие және қолжетімді әлеуметтік автомобиль өндірісін іске қосу жөнінде шаралар қабылдау болып табылады «Халық үшін қолжетімді отандық өндіріс көлік құралдарының кейбір мәселелері туралы» Қазақстан Республикасы Үкіметі қаулысының жобасын бекіту қажет.
«Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі заңының 10-бабының 1)- тармақшасына сәйкес, Қазақстан Республикасы Индустрия және инфрақұрылымдық министрлігі Индустриялық даму және өнеркәсіптік қауіпсіздігі комитеті «Тау-кен және геологиялық барлау жұмыстарын жүргізетін қауіпті өндірістік объектілер үшін өнеркәсіптік қауіпсіздікті қамтамасыз ету қағидаларын бекіту туралы» Қазақстан Республикасы Инвестициялар және даму министрінің 2014 жылғы 30 желтоқсандағы № 352 бұйрығына өзгерістер мен толықтырулар енгізу туралы» Қазақстан Республикасы Индустрия және инфрақұрылымдық даму министрінің бұйрық жобасын (бұдан әрі – Бұйрық) әзірледі.
Бұйрықты қабылдаудың мақсаты «Мемлекеттік көрсетілетін қызметтер туралы» Қазақстан Республикасының Заңына сәйкес келтіру болып табылады.
Тау-кен металлургия кешені кәсіпорындарының 2020 жылға арналған қызметіне мониторинг жүргізу мақсатында ҚР ИИДМ-нің Индустриялық даму және өнеркәсіптік қауіпсіздік комитетімен ағымдағы жылғы 27 қаңтар мен 4 ақпан аралығында қара металлургия кәсіпорындары: "АрселлорМиттал Теміртау" АҚ, "KSP Steel" ЖШС, "Кастинг" ЖШС, "Теміртау электрометаллургиялық комбинаты" АҚ, "Тараз металлургиялық зауыты" ЖШС, "Евраз Каспиан Сталь" ЖШС, "Bapy Mining" ЖШС, "КазТрубПром" ЖШС, "Tenaris" ЖШС, "Шымкент-Темір" ЖШС, "Ferrum-Vtor", "Сантехпром" ЖШС, "Ақтөбе рельс арқалық зауыты" ЖШС, "тау-кен темір" ЖШС», "Текелі тау-кен өңдеу кешені" ЖШС тыңдалды.
Кәсіпорындар қызметінің 2019 жылдың қорытындылары туралы баяндалды және 2020 жылға арналған перспективалық жоспары талқыланды. Бұдан басқа, кадрлық қажеттілік, қызметкерлердің жалақысы, өндірісті жаңғырту және ағымдағы проблемалық мәселелер қаралды. Жалпы қара металлургия кәсіпорындары ағымдағы жылы өндірістің жылдық көлемін орындауға ниетті.