Бөрлі аудандық мәслихаты

Бөрлі аудандық мәслихатының құрылу тарихы

Мәслихат – жергілікті өкілді орган (мәслихат) - облыстың, республикалық маңызы бар қаланың және астананың немесе ауданның (облыстық маңызы бар қаланың) халқы сайлайтын, халықтың еркін білдіретін және Қазақстан Республикасының заңнамасына сәйкес оны іске асыру үшін қажетті шараларды айқындайтын және олардың жүзеге асырылуын бақылайтын сайланбалы орган. Мәслихаттың қызметі Қазақстан Республикасының  Конституциясымен, «Қазақстан Республикасындағы жергiлiктi мемлекеттiк басқару және өзiн-өзi басқару туралы» Қазақстан Республикасының Заңымен және Қазақстан Республикасының өзге де заңнамалық актілерімен реттеледі. 1994 жылдың 7 наурыздағы сайлаудан соң 1994 жылы сәуір айында депутаттардың бірінші сессиясында  «Бөрлі аудандық мәслихат депуттаттарының жиыны» құрылып, 21 депутат сайланды. Оның ішінде 15 селолық округтен, 6 қалалық сайлау округінен.

Бірінші сессияда Татьяна Николаевна Мищенко Бөрлі аудандық мәслихат депуттатарының  хатшысына сайланды. Т.Н.Мищенконың қоныс аударуына байланысты 1997 жылдың қазанынан 1999 жылдың қарашасына дейін I шақырылымдағы  аудандық  мәслихат хатшысына  Василий Иванович Чигвинцев сайланды.

1999 жылы аудандық мәслихат депутаттар жиынында жаңа сайлау өткізілді. Сайлау қорытындысы бойынша бірінші ұйымдастыру сессиясы өткізіліп, аудан бойынша 13 депутат сайланды. Депутаттар жиынының  мәслихат хатшысы болып Ибрагим Тайырұлы Ізмағамбетов  сайланды. Ибрагим Тайырұлы Ізмағамбетов  1999-2012 жылдары I ,II ,III шақырылымдағы  Бөрлі аудандық мәслихатының хатшысы қызметін атқарды.

Қазақстан Республикасы 2001 жылы 23 қаңтардағы № 149 «Қазақстан Республикасындағы жергілікті мемлекеттік басқару» Заңына сәйкес,  2002 жылы 27 тамызда Батыс Қазақстан облысы Әділет басқармасында тіркеуден өтіп «Бөрлі аудандық мәслихатының аппараты» мемлекеттік мекемесі  болып құрылды.

2012 жылы 22 қаңтарда аудандық мәслихат депуттарының кезекті сайлауы өтті. 13 депутат сайланды. Оның ішінде 11 ер адам, 2 әйел адам. Бөрлі аудандық мәслихатын 2012 жылдың желтоқсан айында өткен сайлауда Әділхан Әпиұлы Куликешев мәслихат хатшысы болып сайланды. Әділхан Әпиұлы 2012-2020 жылдары V,VI шақырылымдағы Бөрлі аудандық мәслихатының хатшысы қызметін атқарды.

2021 жылдың 15 қаңтарында VIІ шақырылымдағы мәслихат хатшысы болып  Қайрат Төлегенұлы Ермекбаев  сайланды.

2023 жылдың 30 наурызында  VIІІ шақырылымдағы мәслихат төрағасы болып  Қайрат Төлегенұлы Ермекбаев  сайланды.

Депутаттар аудандық мәслихат қызметінің   басты мақсатын  айқын  көрсете білді. Мәслихат және депутаттардың негізгі жұмысы: экономиканың дамуына, тұрғындардың әлеуметтік жағдайларын жақсартуға, орта және шағын бизнес, білім, денсаулық және мәдениеттің дамуына, қоршаған ортаны қорғау, аз қамтылған отбасыларға мекен-жайлық көмек , азаматтардың құқықтық мүдделерін қамтамасыз ету. Депутаттар тұрғындардың әр мәселесін  терең ұғынып, жете саралап, оны ойдағыдай шешуге ат салысуда.

Қазіргі уақытта ел игілігі үшін еңбектерін көрсетіп жүрген 7 шақырылым мәслихат депутаттары өз күштері мен білімдерін тәжірибелік сұрақтарды ойдағыдай шешуге, Қазақстан Республикасының болашағының гүлденуіне жұмсауда.