ҚР Орталық сайлау комиссиясы 13-14 наурызда «Қазақстан Республикасында сайлау процесін ұйымдастырудың теориялық және практикалық негіздері» тақырыбы бойынша екі күндік оқыту семинарын ұйымдастырды. Оған жаңадан сайланған аудандық, қалалық аумақтық комиссиялары төрағаларының орынбасарлары мен хатшылары қатысқан болатын. Семинарға өңірден Ақжайық, Бөкей ордасы, Казталов, Қаратөбе, Сырым, Тасқала, Теректі аудандарының аумақтық комиссияларының өкілдері қатысып, сайлау процесін ұйымдастыру, оның ішінде сайлау алдындағы үгіт, электоралдық оқыту бойынша құқықтық және теориялық білімдерін шыңдады. Сондай-ақ, сайлау заңнамасындағы құқықтық жауапкершілік, сайлауды ақпараттық, қаржылық және құжаттамалық сүйемелдеу мәселелері бойынша практикалық сабақтарға қатысты. Семинар соңында тестілеу ұйымдастырылып, тыңдаушыларға белгіленген үлгідегі сертификаттар берілді.