Теректі ауылдық округі әкімінің аппараты ММ

Теректі  ауылдық округі туралы ақпарат

(округ әкімі Рспаев Армат Рспаевич)

Аула саны – 1709, халық саны – 6025 адам. Теректі ауылдық округі Теректі  ауданының орталығында орналасқан. Оңтүстігінде Покатиловка және Құмақсай ауылдық округімен, солтүстігінде Долин ауылдық  округімен  шекаралас жатыр. Округ көлемі 51 мың 125 гектар, ол аудан көлемінің 15 пайызын құрайды. Округ аумағында бірнеше өзен және көл бар, атап айтсақ: «Барбастау» өзені, «Казенный», «Кировский» және «Жаман бурлю»  су бөгеттері,

Округ орталығы - Теректі ауылы. Округтің әкімшілік–аумағына 4 елдімекен: Теректі, Жайық, Тақсай және Қабылтөбе ауылдары қарайды.

Ауылдық округ тұрғындарының 51,6 пайызын қазақтар, 38,4 пайызын орыстар, украиндар – 6,8 пайызын, татарлар – 2,1 пайызын және 1,1 пайызы басқа ұлттар өкілдері құрайды.

Ауылдық округте – 3  денсаулық сақтау, 2 спорттық нысан бар. Олар Теректі, Жайық  ауылының медициналық пункттері, Теректі  аудандық ауруханасы және аудандық емхана. Дене шынықтыру кешені және аудандық балалар жасөспірімдер спорт мектебі бар.

Округ бойынша 3  бөбекжай, 3 жалпы орта білім беретін, 1 негізгі білім беретін мектеп  бар.

Ауылдық округ бойынша Мәдениет үйі, Достық үйі қызмет көрсетуде. 3 ауылдық моделді кітапхана және Теректі  аудандық орталықтандырылған кітапханасы жүйесі бар.

Ауылдық округте 2-АШӨК, 4-ЖШС, 32 шаруа қожалығы және «Ауыл Аманаты» бағдарламасы арқылы ашылған 27 жеке кәсіпкер мал шаруашылығымен айналысады. 7 шаруа қожалығы өсімдік шарушылығымен айналысады.

Ауылдық округтегі мал саны:

• Ірі қара –3962, соның ішінде сиырлар – 2147 бас;
• Қой мен ешкі – 5587;
• Жылқы – 258;
• Құс – 5187;
• Шошқа – 207