Мемлекеттік еңбек инспекторларының "Арктик Экиупмент Казахстан" ЖШС-нің жұмыскерлерімен кездесуі
Атырау облысы Мемлекеттік еңбек инспекция басқармасы облыс әкімінің 30.11.2021 жылғы №418 өкімімен бекітілген тізімге сәйкес "Арктик Экиупмент Казахстан" ЖШС-де еңбек заңнамасының сақталуы бойынша профилактикалық бақылау мен қадағалау жұмыстарын жүргізді.
Профилактикалық бақылау мен қадағалау жұмыстарының нәтижесімен мемлекеттік еңбек инспекторлары жұмыс беруші және жұмыскерлермен кездесу өткізді.
Кездесу барысында жұмыс берушімен еңбек заңнамасының талаптарын сақтау және және жұмыскерлердің еңбек құқықтарын бұзуға жол бермеу, еңбекті қорғау мен еңбек қауіпсіздігін қамтамасыз ету қажеттігі жан-жақты талқыланып, жұмыскерлердің еңбек мәселесіне қатысты туындаған барлық сұрақтарына толық жауап берілді.