Нұр-Сұлтан қаласының Дін мәселелерін зерттеу орталығы Ұлы ойшыл Әл-Фарабидің 1150 жылдық мерейтойы қарсаңындағы «Мейірімді қала тұрғындары» атты Эссе конкурс

Аталмыш Эссе конкурсының мақсаты – елорданың дарынды жастарына өздерінің шығармашылық ізденістерін және эссе жазу қабілеттерін көрсетуге мүмкіндік беру.

Конкурс мектеп оқушылары (8-11 сынып) және ЖОО мен колледж студенттері арасында өткізілді. Қатысу ерікті түрде және тегін болды. Конкурсқа қатысатын жұмыстар мемлекеттік және орыс тілдерінде, қолмен жазылған нұсқада мектеп оқушылары кем дегенде А4 форматта 2 бет парақта, студенттердің жұмыстары кем дегенде А4 форматта 3 бет парақта қабылданды.

Қатысушылар эссе жұмыстарын еркін тақырыпта жібере алды (Әл-Фарабидің өмірбаяны; ұлы ойшылдың рухани мұрасы; Әл-Фарабидің ғылыми-шығармашылық еңбектері туралы; Әл-Фарбидің әлем ғылымына қосқан үлесі; Әл-Фараби идеяларының бүгінгі қоғаммен сабақтастығы).

Конкурс бойынша еңбектерді қабылдау а.ж. 17-27 қыркүйегі аралығында өтті.

Еңбектерді тексеру, бағалау және орындарды анықтау процедурасы қыркүйектің 27-29 арасында жүргізілді.

Жеңімпаздарды марапаттап, сыйлықтарды табыстау іс-шарасы қыркүйектің 30 күні өткізілді.

Оқушылар мен студенттер арасында екі номинация бойынша
табысталатын жүлде қоры:
• 1 орын – ноутбук;
• 2 орын – планшет;
• 3 орын – смартфон;
•. 10 ынталандыру сыйлықтары