Жосықсыз қызмет белгілері бар ұйымдардың тізімін орналастыру туралы

Азаматтардың, қаржылық қызметтерді тұтынушылардың құқықтарын қорғау мақсатында Агенттік жосықсыз қызмет белгілері бар тұлғалар бойынша, оның ішінде іс-әрекеттеріне ҚНРДА-ға ҚР азаматтарының шағымдары келіп түскен ақпарат тұрақты негізде өзектендіріледі.

Мұндай тұлғалардың (азаматтар мен ұйымдардың) өз бетінше және (немесе) делдалдарды тарта отырып, немесе жоғары кірістілік төлеуге уәде бере отырып, олардың атынан басқа адамдар әрекет ететін ақша тарту жөніндегі қызмет белгілері болады.

Тізім жеке және заңды тұлғалардың өтініштері мен шағымдарын қарау, мемлекеттік органдармен және азаматтық қоғам институттарын білдіретін қоғамдық ұйымдармен өзара іс-қимыл негізінде қалыптастырылған. Қазіргі уақытта тізімге 154 субъект кіреді.

Тізімдегі субъектілердің қызметі қаржылық лицензиялау және реттеу аясынан тыс. Тиісінше, клиенттердің оларға көрсетілетін қаржылық қызметтер бойынша құқықтары заңнамалық тұрғыдан қорғалмаған. Осыған байланысты, Агенттіктің тізімінде көрсетілген тұлғалармен қаржылық операциялар жасау Қазақстан Республикасының азаматтары үшін салынған қаражаттан айырылудың жоғары тәуекелдеріне алып келуі мүмкін.

Тізімді жариялау қолданыстағы алаяқтық схемалар мен жалған активтер туралы халықтың хабардар болуын арттыруға, тұтынушыларға осындай компанияларға салымдар бойынша шығын алудың жоғары тәуекелі туралы уақтылы ескертуге, осылайша алданып қалу ықтималдығын болдырмауға мүмкіндік береді.

 

Агенттіктің Сыртқы коммуникациялар басқармасы

+7 (727) 237 1090, press@finreg.kz