Табиғат пайдаланушылардың назарына! Қоршаған ортаға әсері туралы декларация.
Экологиялық рұқсаттар беру, қоршаған ортаға әсер ету туралы декларацияны ұсыну қағидаларын, әсер етуге экологиялық рұқсат бланкілерінің нысанын және оларды толтыру тәртібін бекіту туралы
4-параграф. Қоршаған ортаға әсер ету туралы декларацияны ұсыну тәртібі
- Қоршаған ортаға әсер ету туралы Декларация (бұдан әрі – Декларация) тиісті жергілікті атқарушы органға жазбаша немесе электрондық түрде "Рұқсаттар және хабарламалар туралы" Қазақстан Республикасы Заңының 11-бабының4) тармақшасына сәйкес хабарламалар нысандарына және мемлекеттік органдардың хабарламаларды қабылдау қағидаларына, сондай-ақ рұқсаттар және хабарламалар саласындағы уәкілетті орган бекіткен хабарламаларды қабылдауды жүзеге асыратын мемлекеттік органдарды айқындау туралы сәйкес беріледі.
- Кодекстің 110-бабының 4-тармағынасәйкес Декларация:
1) белгіленіп отырған қызмет басталар алдында;
2) қызметті жүзеге асыру басталғаннан кейін – негізгі өндірістердің технологиялық процестері, ластағыш заттар шығарындыларының және стационарлық көздердің, қалдықтардың (түзілетін, жинақталатын және қалдықтарды басқару жөніндегі мамандандырылған ұйымдарға берілетін) сапалық және сандық сипаттамалары елеулі өзгерген жағдайда ұсынылады.
- Ластаушы заттар шығарындыларының, қалдықтардың (қалдықтарды басқару жөніндегі мамандандырылған ұйымдарға жиналатын, жинақталатын және берілетін) технологиялық процестерінде, сапалық және сандық сипаттамаларында елеулі өзгерістер болған жағдайда, қызметін III санаттағы объектіде жүзеге асыратын тұлға (бұдан әрі – Декларант) Кодекстің 110-бабының 5-тармағынасәйкес тиісті елеулі өзгерістер енгізілген күннен бастап үш ай ішінде қоршаған ортаға әсер туралы жаңа декларацияны ұсынады.
- Күнтізбелік жыл ішінде қоршаған ортаға теріс әсердің нақты көлемінің он пайыздан астамға өзгеруі елеулі өзгерістің өлшемшарты болып табылады.
- І немесе ІІ санаттағы объектілердің қызмет түріне сәйкес келетін, сондай-ақ Кодекске 2-қосымшаның1 немесе 2-бөлімінде көрсетілген белгіленген шекті мәндерден асатын, III санатты объектідегі қызмет түрін өзгерткен кезде, тиісті экологиялық рұқсат алу қажет.
- Кодекстің 107-бабының 1-тармағынасәйкес, объектінің операторы ауысқан кезде қолданыстағы Декларация өз күшін сақтайды және жаңа оператор үшін міндетті болып болады.
Сіз декларация тапсыруды қаражат арқылы жүзеге асыра аласыз https://egov.kz/ және https://elicense.kz/?lang=ru .