Тайтөбе ауылы әкімінің аппараты

"Қосшы қаласы Тайтөбе ауылы әкімінің аппараты" ММ ауыл әкімінің қызметін ақпараттық-талдамалық, ұйымдық-құқықтық және материалдық-техникалық қамтамасыз етуді жүзеге асырады. Әкім аппараты өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ әкім аппараты туралы Ережеге сәйкес жүзеге асырады.

Әкім аппараты мемлекеттік мекеменің ұйымдық-құқықтық нысанындағы заңды тұлға болып табылады, Қазақстан Республикасының заңнамасына сәйкес мемлекеттік тілде өз атауы бар мөрлері мен мөртаңбалары, белгіленген үлгідегі бланкілері, қазынашылық органдарында шоттары болады.

"Қосшы қаласы Тайтөбе ауылы әкімінің аппараты" ММ өзінің негізгі міндеттеріне сәйкес:

1) Қазақстан Республикасы Президентінің мемлекеттік егемендікті, конституциялық құрылысты нығайту, азаматтардың құқықтары мен бостандықтарын қамтамасыз ету жөніндегі саясатын жүзеге асырады;

2) Қазақстан Республикасы Заңдарының, Президент пен Үкімет актілерінің, облыс және аудан әкімдіктерінің қаулыларының, облыс, аудан және ауыл әкімінің шешімдері мен өкімдерінің сөзсіз орындалуын ұйымдастырады;

3) ауылдың әлеуметтік-экономикалық даму стратегиясын іске асырады;

4) ауылдық округтің әлеуметтік-экономикалық даму мәселелеріне талдау жүргізеді, тиісті ұсыныстар мен ұсынымдар дайындайды;

5) мемлекеттік органға объективті талдау жүргізеді, ауыл әкімінің қатысуымен шешілуге жататын маңызды мәселелерді анықтайды;

6) заңдылық пен құқықтық тәртіпті қамтамасыз етуге, мемлекеттік және еңбек тәртібін, қоғамдық тәртіпті нығайтуға жәрдемдеседі;

7) азаматтардың қызметтік құжаттары мен өтініштерін қарайды, оларды қабылдауды ұйымдастырады.