Агенттік мемлекеттік сатып алу саласында сыбайлас жемқорлыққа қарсы іс-қимыл бойынша кешенді жұмыс жүргізуде.
Сыбайлас жемқорлық құқық бұзушылықтар жасауға ықпал ететін себептер мен жағдайларды болдырмау мақсатында алдын алу шараларына ерекше назар аударылады.
Маңызды бағыттардың бірі сатып алынатын тауарлардың, жұмыстар мен көрсетілетін қызметтердің жоспарлы бағаларын көтеру тұрғысынан мемлекеттік сатып алулардың сыбайлас жемқорлыққа қарсы мониторингі болып табылады.
Ағымдағы жылдың 5 айында 29 млрд теңгеге осындай фактілер анықталды, оның 6,4 млрд теңгесі бюджетке қайтарылды. Қалған соманы (22,6 млрд теңге) тапсырыс берушілер қайта қарап, олар бойынша жоспарлы бағалар төмендеді немесе сатып алынатын тауарлар көлемі ұлғайды (2024 жылы 55 млрд теңгеге артық өсім анықталды, оның ішінде 26 млрд теңгесі бюджетке қайтарылды, 29 млрд теңгеге сатып алу қайта қаралды).
Жалпы, жобаны іске асыру басталғаннан бері (2019 ж.) 224,7 млрд теңге бюджет қаражатын негізсіз пайдалануға жол берілмеді.
Алдын алу әсерін күшейту барысында осы саладағы бұзушылықтар үшін әкімшілік жауапкершілікке тарту бойынша жұмыс жандандырылды (Антикормен мониторинг барысында анықталған бұзушылық белгілері бар барлық фактілер ішкі мемлекеттік аудит органдарына әкімшілік хаттама жасау үшін беріледі).
Оң тәжірибе жинақталды. Егер 2024 жылы Агенттік департаменттері небәрі 22 бұзушылықты анықтаған болса, онда ағымдағы жылдың өткен кезеңінде 95 заң бұзушылық анықталды.
Сонымен қатар заңнаманы жетілдіру бойынша жүйелі жұмыс жүргізілуде. Агенттіктің бірқатар ұсынымдары «Мемлекеттік сатып алу туралы» жаңа заңда іске асырылды (01.01.2025 ж. бастап күшіне енді).
Мәселен, «ҚБП» форматында қағаз түрінде сатып алу алынып тасталды (құқықтық тәртіп пен Ұлттық қауіпсіздік қажеттіліктерін қоспағанда), зияткерлік меншік объектілерін сатып алу бойынша шектеулер енгізілді (оларды сатып алуға монополияға қарсы органның осындай тауарлар мен қызметтерді өндірушілердің жоқтығы туралы қорытындысы болған кезде ғана жол беріледі), сыбайлас жемқорлық үшін сотталған адамдардың сатып алуға қатысуға тыйым салу белгіленді.
Агенттіктің бастамасы бойынша квазимемлекеттік сектор субъектілерінің сатып алуды жүзеге асыру тәртібін бұзғаны үшін әкімшілік жауаптылықты көздейтін баптың ведомстволық бағыныстылығы айқындалды (бұған дейін ӘҚБтК-нің 207-1-бабы бойынша орган айқындалмаған болатын, осыған байланысты норма жұмыс істемеген, қазір уәкілетті орган ретінде Қаржы министрлігін айқындаған).
Мемлекеттік сатып алу саласын жетілдіру жұмыстары жалғасуда. Жүргізілген талдаулар шеңберінде, оның ішінде азаматтардың өтініштері бойынша осы бағыттағы алдын алу шаралары бойынша жаңа ұсыныстар әзірленуде.
Оларды кезең-кезеңімен іске асыру мақсатында ағымдағы жылдың 6 наурызында Қаржы министрлігімен 2025 жылға арналған мемлекеттік сатып алу саласындағы сыбайлас жемқорлық тәуекелдерін жою жөніндегі бірлескен Жол картасы бекітілді.
Құжатта 26 нақты іс-шара бар.
Жол картасы шеңберінде мемлекеттік сатып алу порталын мемлекеттік органдардың дерекқорларымен интеграциялау, сондай-ақ оның функционалын жетілдіру (картельдік сөз байласуды анықтау, қосалқы мердігерлерге жалпы жұмыс көлемінің 30%-дан астамын беруді болдырмау, жасанды интеллект енгізу және т.б.) көзделген.
Төтенше жағдайлар кезінде бір көзден сатып алу кезінде сыбайлас жемқорлық тәуекелдерін жою, сатып алуды негізсіз жою мүмкіндігін болдырмау (оның ішінде уәкілетті және сот органдарының актілері болмаған кезде), сондай-ақ жүйелі бұзушылықтар үшін жауапкершілікті күшейту (оның ішінде оларды сыбайлас жемқорлық әкімшілік құқық бұзушылықтарға жатқызу жолымен) жөніндегі нормативтік сипаттағы іс-шаралар жоспарланған.
Меню
Страницы
Все материалы
02 июня 2025
⚡️ Қарағанды облысы бойынша Мемлекеттік мүлік және жекешелендіру департаментінің басшысы сотталды
Қарағанды қаласы Әлихан Бөкейхан ауданының соты Қарағанды облысы бойынша Мемлекеттік мүлік және жекешелендіру Департаментінің басшысы Д. Хамзинге және осы Департаменттің қаржылық қамтамасыз ету бөлімінің басшысы К.Қашқынбаевқа қатысты үкім шығарды.
Хамзин Қазынашылық Департаментінің ғимаратын ағымдағы жөндеу бойынша орындалған жұмыстар актісіне қол қойғаны үшін 1 млн теңге көлемінде пара алғаны үшін кінәлі деп танылды.
Сонымен қатар ол Қашқынбаевпен бірге топта олармен үлестес тұлғаларды жалған жұмысқа орналастыру арқылы 2,5 млн теңге жымқырды.
Хамзин мен Қашқынбаевқа тиісінше 55 млн теңге және 25,4 млн теңге айыппұл түрінде жаза тағайындалды.
Сондай-ақ, оларға мемлекеттік қызметте және квазимемлекеттік сектор субъектілерінде қызмет атқаруға өмір бойы тыйым салынды.
Сот актісі заңды күшіне енген жоқ.
Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
#Заң_мен_Тәртіп
#ЗАҢменТӘРТІП
_ 
Егер Сіз жемқорлық фактілеріне тап болсаңыз, 1424 нөмірі арқылы немесе WhatsApp-чат-бот: 8 777 000 1424 және @antikorkz_bot Telegram-боты арқылы шұғыл хабарлаңыз.
30 мая 2025
⚡️ Сыбайлас жемқорлыққа қарсы қызмет үстел теннисінен турнир өткізді
Астана қаласында салауатты өмір салтын насихаттау мақсатында Сыбайлас жемқорлыққа қарсы іс-қимыл агенттігі Жеңістің 80 жылдығына арналған сыбайлас жемқорлыққа қарсы қызмет органдарының қызметкерлері арасында үстел теннисінен турнир ұйымдастырды.
«ADD Table Tennis Center Astana» үстел теннисі орталығында өткен финалдық турнирге орталық аппараттың өкілдері және өңірлік жарыстардың жеңімпаздарын қоса алғанда 37 қызметкер қатысты, оның ішінде 24 ер және 13 әйел адам.
Шешуші ойындар бәсекеге қабілетті рухтың жоғары деңгейімен және қарқынды күреспен ерекшеленді.
Финалдық ойындардың нәтижелері бойынша турнирдің келесі жеңімпаздары мен жүлдегерлері анықталды:
Ерлер арасында:
үшінші орын – Агенттіктің КЖД Персоналды дене шынықтыру даярлау басқармасының басшысы Б.К. Калабаев;
екінші орын – Төраға Хатшылығының Ақпараттық қауіпсіздікті қамтамасыз ету тобының аға офицері М.Қ. Капышев;
бірінші орын – СЖҚҚ Ақмола облысы бойынша департаменті Превенция басқармасы басшысының орынбасары А.М. Жаналинов.
Әйелдер арасында:
үшінші орын – СЖҚҚ Қостанай облысы бойынша департаменті Арнайы басқармасының офицері Д.К. Шектыбаева;
екінші орын – СЖҚҚ Шымкент қаласы бойынша департаменті Превенция басқармасының офицері А. М. Эйхман;
бірінші орын – СЖҚҚ Маңғыстау облысы бойынша департаменті Кадр жұмысы тобының аса маңызды істер жөніндегі офицері Д.Ж. Джаукерова.
Жеңімпаздар мен жүлдегерлер естелік кубоктар мен медальдарға ие болды, ал жекелеген қатысушыларға белсенді қатысқаны және спорттық дайындықтың жоғары деңгейі үшін алғыс хаттар табысталды.
#Заң_мен_Тәртіп
#ЗАҢменТӘРТІП
_ Егер Сіз жемқорлық фактілеріне тап болсаңыз, 1424 нөмірі арқылы немесе WhatsApp-чат-бот: 8 777 000 1424 және @antikorkz_bot Telegram-боты арқылы шұғыл хабарлаңыз.
28 мая 2025
⚡️ «Төтенше жағдайлар министрлігінің Қазселденқорғау» ММ облыстық филиалының басшысы сотталды
Шығыс Қазақстан облысында Өскемен қаласының № 2 сотымен «Төтенше жағдайлар министрлігінің Қазселденқорғау» ММ облыстық филиалының басшысы С. Станбековке қатысты үкім жарияланды.
Ол қала тұрғынын филиалға жалған жұмысқа орналастыру арқылы 2,7 млн теңге жымқырғаны үшін кінәлі деп танылды.
Оған мемлекеттік қызметте және квазимемлекеттік секторда лауазымдарды атқару құқығынан өмір бойына айыра отырып, 3 жыл мерзімге бас бостандығынан айыру түріндегі жаза тағайындалды.
Сот актісі заңды күшіне енген жоқ.
Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
ТЕЛЕАРНАЛАР ҮШІН ВИДЕО: https://disk.yandex.kz/d/xLq2FWLbnsGIIQ
#Заң_мен_Тәртіп
#ЗАҢменТӘРТІП
_ Егер Сіз жемқорлық фактілеріне тап болсаңыз, 1424 нөмірі арқылы немесе WhatsApp-чат-бот: 8 777 000 1424 және @antikorkz_bot Telegram-боты арқылы шұғыл хабарлаңыз.
28 мая 2025
⚡️ Антикор GlobE желісінің VI Пленарлық отырысына қатысты
Сыбайлас жемқорлыққа қарсы қызмет БҰҰ ЕжҚБ-ның жемқорлыққа қарсы күрес жөніндегі құқық қорғау органдарының жаһандық операциялық желісі – GlobE Network шеңберінде халықаралық ынтымақтастықты нығайтуды жалғастыруда.
20-22 мамырда ҚР Сыбайлас жемқорлыққа қарсы іс-қимыл агенттігі Төрағасының бірінші орынбасары Ұ.С. Сарқұлов бастаған делегация Әзірбайжан Республикасының Баку қаласында өткен осы желінің VI Пленарлық отырысына қатысты.
Іс-шара сыбайлас жемқорлыққа қарсы ведомстволарды, прокуратура органдарын және халықаралық ұйымдарды қоса алғанда, 92 елден 120 мемлекеттік мекеменің 300-ден астам өкілін біріктірді.
Отырыстың негізгі мақсаттары – сыбайлас жемқорлыққа қарсы ведомстволармен халықаралық деңгейде бейресми ынтымақтастықты нығайту, оның ішінде GlobE желісінің мүшелері арасында өзара іс-қимылды ұйымдастыру және мәліметтер алмасу.
Отырыс аясында 100-ден астам адам сөз сөйлеп, 20-дан астам тақырыптық пікірталас өткізілді. Сондай-ақ, GlobE желісінің 2024 жылғы қызметі туралы есеп тыңдалып, 2025 жылға арналған жұмыс жоспары бекітілді, қатысушы елдер арасында тікелей ақпарат алмасу үшін басшылық қағидаттар мен пайдаланылатын нысандар талқыланды.
Панельдік пікірталастардың бірінде Қазақстанның Сыбайлас жемқорлыққа қарсы қызметі банк шоттарын қатыру және қылмыстық активтерді, оның ішінде шетелдік юрисдикцияларда тыйым салу бойынша тәжірибені таныстырды.
Қазақстанның Сыбайлас жемқорлыққа қарсы іс-қимыл агенттігі Оңтүстік Корея, Аргентина, Бразилия және басқа да бірқатар елдердің өкілдерімен бірлесіп жемқорлыққа қарсы және салық органдары арасындағы ынтымақтастықты нығайтудың ықтимал тәсілдерін талқылады.
Қазақстан шетелдік әріптестерімен жедел және стратегиялық мәселелер бойынша бірқатар екіжақты кездесулер өткізді.
#Заң_мен_Тәртіп
#ЗАҢменТӘРТІП
_ Егер Сіз жемқорлық фактілеріне тап болсаңыз, 1424 нөмірі арқылы немесе WhatsApp-чат-бот: 8 777 000 1424 және @antikorkz_bot Telegram-боты арқылы шұғыл хабарлаңыз.
27 мая 2025
⚡️ Мемлекеттік сатып алу саласында қабылданып жатқан шаралар туралы
Мәселелердің жеке блогы орындалған шарттар бойынша тапсырыс берушілердің уақтылы төлемеуінің жүйелік проблемасын шешумен байланысты. Мұнда «Мемлекеттік жоспарлау» АЖ-ны мемлекеттік сатып алу порталымен интеграциялау, орындалған шарттар бойынша төлем процесін автоматтандыру (адамның қатысуынсыз), сондай-ақ жосықсыз тапсырыс берушілердің тізілімін әзірлеу көзделген.
Рейтингтік-балдық жүйесі бар конкурстарда жұмыс тәжірибесін растау процесін толық автоматтандыруға бағытталған іс-шаралар («адам факторын» жою; мемлекеттік органдар базаларымен жұмыс тәжірибесінің тізілімін интеграциялау; жұмыс тәжірибесін мерзімді қайта растауды енгізу; өнім берушіні іріктеудің бірыңғай талаптарын белгілеу және т.б.) жоспарланған.
Бұдан басқа, тамақтандыруды қамтамасыз ету саласында сатып алуды жетілдіру бойынша шаралар көзделген (жұмыскерлердің бизнестің нақты субъектісінде жұмыс фактісін растау жөніндегі тетіктерді енгізу, оның ішінде ЭЦҚ арқылы; «HR Enbek» АЖ-ны әртүрлі тамақтандыру ұйымдары мен өңірлерде сол тұлғаларды бекіту мүмкіндігін болдырмау мақсатында мемлекеттік сатып алу порталымен модификациялау және интеграциялау).
Бірқатар іс-шаралар халықаралық ұйымдардың (ЭЫДҰ, ГРЕКО) жария сатып алу саласындағы ұсынымдарын орындаумен де байланысты.
Жол картасын толыққанды іске асыру мемлекеттік сатып алу саласындағы сыбайлас жемқорлық тәуекелдерін айтарлықтай төмендетуге мүмкіндік береді.
Бұл мәселе Сыбайлас жемқорлыққа қарсы қызметтің ерекше бақылауында.
#Заң_мен_Тәртіп
#ЗАҢменТӘРТІП
_
Егер Сіз жемқорлық фактілеріне тап болсаңыз, 1424 нөмірі арқылы немесе WhatsApp-чат-бот: 8 777 000 1424 және @antikorkz_bot Telegram-боты арқылы шұғыл хабарлаңыз.
Рейтингтік-балдық жүйесі бар конкурстарда жұмыс тәжірибесін растау процесін толық автоматтандыруға бағытталған іс-шаралар («адам факторын» жою; мемлекеттік органдар базаларымен жұмыс тәжірибесінің тізілімін интеграциялау; жұмыс тәжірибесін мерзімді қайта растауды енгізу; өнім берушіні іріктеудің бірыңғай талаптарын белгілеу және т.б.) жоспарланған.
Бұдан басқа, тамақтандыруды қамтамасыз ету саласында сатып алуды жетілдіру бойынша шаралар көзделген (жұмыскерлердің бизнестің нақты субъектісінде жұмыс фактісін растау жөніндегі тетіктерді енгізу, оның ішінде ЭЦҚ арқылы; «HR Enbek» АЖ-ны әртүрлі тамақтандыру ұйымдары мен өңірлерде сол тұлғаларды бекіту мүмкіндігін болдырмау мақсатында мемлекеттік сатып алу порталымен модификациялау және интеграциялау).
Бірқатар іс-шаралар халықаралық ұйымдардың (ЭЫДҰ, ГРЕКО) жария сатып алу саласындағы ұсынымдарын орындаумен де байланысты.
Жол картасын толыққанды іске асыру мемлекеттік сатып алу саласындағы сыбайлас жемқорлық тәуекелдерін айтарлықтай төмендетуге мүмкіндік береді.
Бұл мәселе Сыбайлас жемқорлыққа қарсы қызметтің ерекше бақылауында.
#Заң_мен_Тәртіп
#ЗАҢменТӘРТІП
_
Егер Сіз жемқорлық фактілеріне тап болсаңыз, 1424 нөмірі арқылы немесе WhatsApp-чат-бот: 8 777 000 1424 және @antikorkz_bot Telegram-боты арқылы шұғыл хабарлаңыз.27 мая 2025
⚡️ Өзін Сыбайлас жемқорлыққа қарсы қызметтің төрағасы ретінде таныстырған азамат әкімшілік жауапкершілікке тартылды
Сыбайлас жемқорлыққа қарсы іс-қимыл агенттігінің Жамбыл облысы бойынша департаменті Жуалы ауданының №4 мектебінің директоры Ж.Е. Пернешева мен Сыбайлас жемқорлыққа қарсы қызметтің төрағасы болып көрінген белгісіз адам арасындағы телефон арқылы сөйлесу фактісі бойынша келесіні хабарлайды.
Департамент жүргізген тексеру шеңберінде Атырау облысының аумағында тұратын азаматтың (аз. «С») жеке басын анықтады.
Ол өзін Сыбайлас жемқорлыққа қарсы қызметтің төрағасы ретінде көрсете отырып, бұрын еңбек тәртібін бұзғаны (жұмыс орнында мас күйінде болған) үшін жұмыстан босатылған қызметкерді жұмысқа қайта алуға жәрдем көрсетуді сұраған.
Осыған байланысты аз. «С»-ның іс-әрекетінде әкімшілік құқық бұзушылық белгілері байқалды, жиналған материалдар құзыреті бойынша Атырау облысының Полиция департаментіне құқықтық баға беру үшін жіберілді.
А.ж. 8 мамырында Полиция департаментімен аз. «С»-ға қатысты жала жабу фактісі бойынша Әкімшілік құқық бұзушылық туралы хаттама (ҚР ӘҚБтК 73-3-бабы 2-бөлігі) жасалып, Атырау қалалық әкімшілік құқық бұзушылық жөніндегі мамандандырылған сотына жіберілді.
Сот процесі барысында аз. «С» кінәсін толық мойындады және жасаған ісіне өкініш білдірді.
А.ж. 14 мамырда сот шешімімен аз. «С» ҚР ӘҚБтК-нің 73-3-бабы 2-бөлігі бойынша кінәлі деп танылды және айыппұл түрінде әкімшілік жауапкершілікке тартылды.
Азаматтардан осындай алаяқтық қоңырауларға сенбеуге және қоңыраулар немесе хабарламалар келіп түскен жағдайда Қазақстан Республикасының Құқық қорғау органдарына дереу хабарлауды сұраймыз.
ТЕЛЕАРНАЛАР ҮШІН ВИДЕО: https://disk.yandex.kz/d/hSOF6LZrOBDd4A
#Заң_мен_Тәртіп
#ЗАҢменТӘРТІП
_ Егер Сіз жемқорлық фактілеріне тап болсаңыз, 1424 нөмірі арқылы немесе WhatsApp-чат-бот: 8 777 000 1424 және @antikorkz_bot Telegram-боты арқылы шұғыл хабарлаңыз.
26 мая 2025
Экология және табиғи ресурстар министрлігінің «Бөкейорда» мемлекеттік табиғи резерваты РММ бас директоры жемқорлықпен күдікке ілінді
Батыс Қазақстан облысы бойынша Сыбайлас жемқорлыққа қарсы қызметімен «Экология және табиғи ресурстар министрлігі Орман шаруашылығы және жануарлар дүниесі комитетінің «Бөкейорда» мемлекеттік табиғи резерваты» РММ-нің бас директорына қатысты қылмыстық іс тергелуде.
Ол резерватта шын мәнінде еңбек қызметін атқармаған тұлғаға жалақыны заңсыз есептеу арқылы ірі мөлшерде бюджет қаражатын жымқырды деген күдікке ілінді.
Күдікті соттың санкциясымен қамауға алынды.
Қазіргі уақытта оның басқа қылмыстарға қатысы тексерілуде.
Тергеу жалғасуда.
Қылмыстық-процестік кодекстің 201-бабына сәйкес өзге ақпарат жария етуге жатпайды.
Конституциясының 77-бабы 3-тармағының 1-тармақшасына және Қылмыстық-процестік кодексінің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
ТЕЛЕАРНАЛАР ҮШІН ВИДЕО: https://disk.yandex.kz/d/973hlg_yJPg1SQ
#Заң_мен_Тәртіп
#ЗАҢменТӘРТІП
_
❗️Егер Сіз жемқорлық фактілеріне тап болсаңыз, 1424 нөмірі арқылы немесе WhatsApp-чат-бот: 8 777 000 1424 және @antikorkz_bot Telegram-боты арқылы шұғыл хабарлаңыз.
23 мая 2025
Жамбыл облысының мемлекеттік кірістер департаментінің бас маманы делдал болғаны үшін сотталды
Мемлекет басшысының тапсырмасын орындау мақсатында Сыбайлас жемқорлыққа қарсы іс-қимыл агенттігі қоғамдағы заңдылық пен тәртіп қағидатын қамтамасыз етуге ерекше назар аударады.
Жамбыл облысының қылмыстық істер жөніндегі мамандандырылған ауданаралық соты облыстық мемлекеттік кірістер департаментінің бас маманы С. Үкімбаевқа, Тараз қаласының тұрғындары Э. Мурадовқа және Т. Телеуовқа қатысты үкім шығарды.
Мұрадов пен Телеуов қалалық қаржы бөлімінің лауазымды адамдарына бұрын тәркіленген және соттың шешімі бойынша жойылуға жататын темекі өнімін бергені үшін 200 мың АҚШ доллары сомасында пара бергені үшін, ал Үкімбаев - парақорлыққа делдал болғаны үшін кінәлі деп танылды.
Сот үкімімен Мұрадовқа 10 жыл, Телеуовқа - 9 жыл, Үкімбаевқа 3 жыл бас бостандығынан айыру жазасы тағайындалды.
Сонымен қатар, Үкімбаев өмір бойы мемлекеттік қызметте және квазимемлекеттік сектор субъектілерінде қызмет атқару құқығынан айырылды.
Сот актісі заңды күшіне енген жоқ.
Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
ТЕЛЕАРНАЛАР ҮШІН ВИДЕО: https://disk.yandex.kz/d/9O5qOkgxjw17vQ
#Заң_мен_Тәртіп
#ЗАҢменТӘРТІП
_
❗️Егер Сіз жемқорлық фактілеріне тап болсаңыз, 1424 нөмірі арқылы немесе WhatsApp-чат-бот: 8 777 000 1424 және @antikorkz_bot Telegram-боты арқылы шұғыл хабарлаңыз.
23 мая 2025
Тараз қаласы құрылыс бөлімінің басшысы 4 жылға сотталды
Мемлекет басшысының тапсырмасын орындау мақсатында Сыбайлас жемқорлыққа қарсы іс-қимыл агенттігі қоғамда заңдылық пен тәртіп қағидатын қамтамасыз ету, сондай-ақ сыбайлас жемқорлық фактілерінің жолын кесу жөніндегі жұмысты жалғастыруда.
Тараз қаласының соты қалалық құрылыс бөлімінің басшысы Н. Қалдыбаевты, сондай-ақ мердігерлік ұйымдарының өкілі О. Ерболатұлын соттады.
Ерболатұлы халықтың әлеуметтік осал топтары үшін көппәтерлі тұрғын үйлердің құрылысына бөлінген бюджет қаражатын жымқырғаны үшін кінәлі деп танылды, ал Қалдыбаев мердігерлердің мүддесі үшін орындалған жұмыстардың жалған актілеріне қол қойып, ақша аударған.
Олардың қылмыстық қызметінің нәтижесінде мемлекетке 519 млн теңгеден астам шығын келтірілді.
Сот үкімімен Қалдыбаевқа 4 жыл, Ерболатұлына 6 жыл бас бостандығынан айыру жазасы тағайындалды.
Бұдан басқа, сотталған Қалдыбаев мемлекеттік қызметте және квазимемлекеттік сектор субъектілерінде лауазымдарды атқару құқығынан өмір бойы айырылды, ал Ерболатұлына мемлекеттік, жеке ұйымдарда және квазимемлекеттік сектор субъектілерінде 10 жыл мерзімге қаржы бөлуге байланысты лауазымдарды атқаруға тыйым салынды.
Сот актісі заңды күшіне енген жоқ.
Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
ТЕЛЕАРНАЛАР ҮШІН ВИДЕО: https://disk.yandex.kz/d/cqfDe6nmvEhv_Q
#Заң_мен_Тәртіп
#ЗАҢменТӘРТІП
_
❗️Егер Сіз жемқорлық фактілеріне тап болсаңыз, 1424 нөмірі арқылы немесе WhatsApp-чат-бот: 8 777 000 1424 және @antikorkz_bot Telegram-боты арқылы шұғыл хабарлаңыз.
23 мая 2025
Жетісу облысы бойынша Табиғи монополияларды реттеу департаментінің басшысы сотталды
Мемлекет басшысының тапсырмасын орындау мақсатында Сыбайлас жемқорлыққа қарсы іс-қимыл агенттігі қоғамдағы заңдылық пен тәртіп қағидатын қамтамасыз етуге ерекше назар аударады.
Талдықорған қалалық соты облыс бойынша Табиғи монополияларды реттеу департаментінің басшысы А. Сағымбековке және «Талдықорған акционерлік көлік-электржелілік компаниясы» АҚ басқарма төрағасы А. Күзембаевқа қатысты үкім шығарды.
Лауазымды тұлға пара алғаны үшін, ал квазимемлекеттік сектор субъектісінің басшысы – 2025 жылға арналған өңір халқы үшін электр энергиясын тасымалдау тарифінің көрінеу жоғары құнын бекіткені үшін 500 мың теңге сомасында пара бергені үшін кінәлі деп танылды.
Сағымбеков пен Күзембаевқа тиісінше 15 млн теңге және 10 млн теңге айыппұл түрінде жаза тағайындалды.
Сонымен қатар, оларға мемлекеттік қызметте және квазимемлекеттік сектор субъектілерінде қызмет атқаруға өмір бойы тыйым салынады.
Сот актісі заңды күшіне енген жоқ.
Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
ТЕЛЕАРНАЛАР ҮШІН ВИДЕО: https://disk.yandex.kz/d/WhYGz458_r-qoA
#Заң_мен_Тәртіп
#ЗАҢменТӘРТІП
_
❗️Егер Сіз жемқорлық фактілеріне тап болсаңыз, 1424 нөмірі арқылы немесе WhatsApp-чат-бот: 8 777 000 1424 және @antikorkz_bot Telegram-боты арқылы шұғыл хабарлаңыз.
Социальные сети
Меню подвал