Алматы қаласы әкімдігінің 2025 жылғы 15 тамыздағы № 3/470-1139 қаулысы Мемлекет мұқтажы үшін жер учаскелерін алып қоюға байланысты жер учаскелерін немесе өзге де жылжымайтын мүлікті мәжбүрлеп иеліктен шығарудың басталуы туралы

Алматы қаласы әкімдігінің

2025 жылғы 15 тамыздағы № 3/470-1139 қаулысы

 

Мемлекет мұқтажы үшін жер учаскелерін

алып қоюға байланысты жер учаскелерін немесе

өзге де жылжымайтын мүлікті мәжбүрлеп иеліктен

шығарудың басталуы туралы

 

Қазақстан Республикасы Жер кодексінің 84-бабына, Қазақстан Республикасының «Мемлекеттік мүлік туралы» Заңына сәйкес, «Алматы қаласы Қалалық жоспарлау және урбанистика басқармасы» коммуналдық мемлекеттік мекемесінің 2025 жылғы 5 ақпандағы №32/1-32.023/805-И хаты негізінде Алматы қаласының әкімдігі ҚАУЛЫ ЕТЕДІ:

1. Алматы қаласы, Алмалы, Жетісу, Әуезов, Алатау және Наурызбай аудандарында орналасқан 14 (он төрт) жер учаскесін Жетісу көшесінен қала шекарасына дейін Райымбек даңғылын қайта құру және жүрдек қоғамдық көлік (БРТ) салу үшін жүріс бөлігін қайта ұйымдастыру, жаяу жүргіншілер аймақтарын, көпірлер мен велосипед жолдарын жайластыру үшін мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті осы қаулының қосымшасына сәйкес мәжбүрлеп иеліктен шығару басталсын.
2. Мәжбүрлеп иеліктен шығару мерзімі 2027 жылдың 31 желтоқсанына дейін белгіленсін.
3. «Мемлекет мұқтажы үшін жер учаскелерін алып қоюға байланысты жер учаскелерін немесе өзге де жылжымайтын мүлікті мәжбүрлеп иеліктен шығаруды бастау туралы» Алматы қаласы әкімдігінің 2025 жылғы 23 мамырдағы № 2/262-783 қаулысының күші жойылсын.
4. Меншік иелері жүгінетін орын Алматы қаласы, Алмалы ауданы, Төле би көшесі, 155, 6 қабат, 603 кеңсе болып белгіленсін.
5. Алматы қаласы әкімінің аппараты осы қаулыны қабылданған күнінен бастап үш жұмыс күні ішінде Алматы қаласы әкімдігінің интернет-ресурсын қоса алғанда, жергілікті бұқаралық ақпарат құралдарында жариялауды қамтамасыз етсін.
6. Алматы қаласы Жер қатынастары басқармасының «Қала Жер орталығы» шаруашылық жүргізу құқығындағы коммуналдық мемлекеттік кәсіпорны заңнамада белгіленген тәртіппен меншік иелерін хабардар етсін.
7. «Алматы қаласы Жер қатынастары басқармасы» коммуналдық мемлекеттік мекемесі:

1) заңнамамен белгіленген тәртіпте меншік иелеріне жер учаскесінің өтемақысын төлеуді қамтамасыз етсін;

2) жер учаскелерін мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті мәжбүрлеп иеліктен шығару бойынша іс-шараларды аяқтағаннан кейін жер учаскелерін «Алматы қаласы Қалалық жоспарлау және урбанистика басқармасы» коммуналдық мемлекеттік мекемесінің теңгеріміне берсін;

3) Қазақстан Республикасының заңнамасында қарастырылған өзге де  қажетті шараларды қабылдасын.

8. Осы қаулының орындалуын бақылау Алматы қаласы әкімінің жетекшілік ететін орынбасарына жүктелсін.

 

 

     Алматы қаласының әкімі                                                              Д. Сатыбалды

 

			Алматы қаласы әкімдігінің
		2025 жылғы «15»тамыздағы
	№3/470-1139 қаулысына қосымша
Мәжбүрлеп иеліктен шығарылуға жататын жер учаскелерінің тізбесі
Р/с №	Жер учаскесінің меншік иесінің (жер пайдаланушының) тегі, аты-жөні  (атауы)	Кадастрлық нөмірі	Жер учаскесінің орналасқан жері	Жер учаскесінің ауданы, га
1	Максимочкина Елена Владимировна	20-311-023-013	Райымбек даңғылы, 200/1	жалпы-0,1188 үлесі-0,0260
2	Катаев Бектурсын Сугирбайевич, Катаева Гульнара Мурзабековна	20-311-023-013	Райымбек даңғылы, 200/1	жалпы-0,1188 үлесі-0,0432
3	Макашева Ульяна Руслановна, Еникеева Улжан Русланқызы	20-311-023-013	Райымбек даңғылы, 200/1	жалпы-0,1188 үлесі-0,0236
4	«РТС Деко» акционерлік қоғамы	20-312-030-226	Райымбек (Ташкент) даңғылының солтүстігі,  Емцов көшесінің батысы	0,0047
5	«Омега» жауапкершілігі шектеулі серіктестігі	20-312-041-084	Райымбек даңғылы, 528/1 учаске	0,1730
6	«РТС Деко» акционерлік қоғамы	20-314-064-184	Райымбек  даңғылының солтүстігі,  Казаков көшесінің батысы	0,0032
7	Тюлькиева Алима Абдезовна	20-321-057-272	Алматы-Бішкек тас жолы,  13 км солтүстік жағы	0,0800
8	«РТС Деко» акционерлік қоғамы	20-321-058-660	Райымбек (Ташкент) даңғылының солтүстігі	0,0060
9	«РТС Деко» акционерлік қоғамы	20-321-060-424	Райымбек  даңғылының солтүстігі,  Ахрименко көшесінің батысы	0,0036
10	«Агентство «Kazakhstan Today» жауапкершілігі шектеулі серіктестігі	20-321-064-168	Райымбек даңғылы, 383/6 учаске	0,0012
11	Машнин Виталий Викторович	20-322-002-932	«Шұғыла» шағын ауданы, Жуалы көшесі, 36 ғимарат	0,0475
12	«SHELS & MSC» жауапкершілігі шектеулі серіктестігі	20-322-003-179	«Тұлпар» шағын ауданы, Дорожник көшесі, 10	0,0631
13	«Шағын» жауапкершілігі шектеулі серіктестігі	20-322-004-829	Райымбек даңғылы, 560	0,4575
14	«Алматы қаласы Экология және қоршаған орта басқармасы» коммуналдық мемлекеттік мекемесі	20-322-004-847	Райымбек даңғылы	0,0682

 

 

 

 

 

 

 

 

 

 

 

 

 

 

 

 

 

Дата публикации

25 августа 2025