Нормативтік құқықтық актілерді электрондық мемлекеттік тіркеу

      Батыс Қазақстан облысының Әділет департаментінде 2020 жылдың 22 желтоқсанда Департамент басшысының орынбасары Е.Е.Рашкалиевтің төрағалық етуімен нормативтік құқықтық актілерді электрондық мемлекеттік тіркеу, НҚА-дің жобаларын алдын ала келісу бойынша және Қазақстан Республикасының нормативтік құқықтық актілерінің эталондық бақылау банкінде ресми жариялау туралы жергілікті атқарушы және өкілді органдардың өкілдерінің қатысумен семинар өтті.

     НҚА тіркеу бөлімінің басшысы Садыков М.К. мемлекеттік органдардың заңсыз нормативтік құқықтық актілерді жүргізген қосымша мониторинг барысында анықталған қолданыстағы заңнама талаптарына сәйкес келтіру жөніндегі шаралар қабылдауды талқылады. Семинарға қатысушылар күн тәртібіндегі тақырып бойынша пікір алмасты және қажетті түсіндірулерді алды.

БҚО ӘД баспасөз қызметі