Бүгінгі таңда мобильді аударымдар біздің күнделікті өмірімізбен тығыз байланысты транзакциялардың заманауи және қолайлы тәсілдерінің бірі болып табылады.
Кәсіпкерлер өздерінің тауарлары мен көрсетілетін қызметтеріне ақы төлеу үшін бастапқыда жеке тұлғалар арасындағы жеке мақсаттар үшін ақша қаражатының қозғалысына арналған мобильді аударымдарды барлық жерде пайдалана бастады.
Төлемнің осы түрін пайдалана отырып, бизнесмендер кассалық чектер бермейді, салық есептілігіндегі айналымдарды көрсетпейді, аударымдар тауарды өткізу немесе қызметтер көрсету кезінде осы бизнеске қатысы жоқ немесе бизнес субъектісі ретінде тіркелмеген үшінші тұлғалардың атына келіп түседі.
Бұл материалда біз мобильді аудармалар туралы жиі кездесетін сұрақтарды қараймыз. Мобильді аударымдарды қашан тексере бастайды? Егер адамда ЖК болса, бірақ ол мобильді аударымдарды жеке тұлға ретінде жүргізсе, жүйе қалай жұмыс істейді?
Қолданыстағы заңнамаға сәйкес, жеке тұлғаларға кәсіпкерлік қызметте өзінің жеке банктік шотын пайдалануға тыйым салынады.
Кәсіпкерлік субъектілері тауарларды өткізу, жұмыстарды орындау, қызметтер көрсету үшін банктік шотқа қолма-қол ақшасыз төлемдерді қабылдау кезінде кәсіпкерлік қызметті жүзеге асыруға арналған ағымдағы банктік шотты пайдалануды қамтамасыз етуге міндетті.
Бұл ретте бақылау шаралары адал салық төлеушілерге әсер етпейді.
Жеке тұлғалар өздерінің жеке мақсаттары үшін (туыстарына, достарына аударымдар, ата-аналар мен балаларға көмек, сондай-ақ басқа да өмірлік жағдайлар бойынша) мобильді аударымдар жасай алады және қабылдай алады.
"Ақшалай есеп айырысулар" - бұл тауарды сатып алу, жұмыстарды орындау, қолма-қол ақша арқылы қызмет көрсету және төлем карточкалары мен мобильді төлемдерді қолдана отырып есеп айырысу.
Кәсіпкерлік субъектілері үшін тауарды сатып алу, жұмыстарды орындау, мобильді төлемдер арқылы жүзеге асырылатын қызметтерді көрсету үшін есеп айырысу кезінде онлайн-БКМ қолдану, сатып алушыларға чектер беру және тиісінше кірістерді декларациялау қажет болады.
БКМ пайдалануға міндетті, бірақ оны жасамайтын кәсіпкерлер әкімшілік жауапкершілікке тартылады.
Мобильді аударымдарды бақылау жасырын кірістер мен тіркелмеген кәсіпкерлерді анықтауға бағытталған, өйткені көптеген кәсіпкерлер тауарлар, жұмыстар мен қызметтер үшін төлемді кәсіпкерлік қызметке арналмаған жеке шоттарға мобильді аударымдар арқылы алады.
Бір жеке тұлғаның 100 және одан да көп түрлі тұлғалардан қатарынан күнтізбелік 3 айдың ішінде кәсіпкерлік қызметті жүзеге асыруға арналмаған банк шотына ақша қаражатын алуы өлшем болып табылады.
Банктерден ақпарат кезең кезеңімен беріледі:
1) 2023 жылдан бастап – мемлекеттік қызметшілер, оларға теңестірілген адамдар және олардың жұбайлары бойынша (2022 жылдың қорытындысы бойынша);
2) 2024 жылдан бастап – мемлекеттік мекемелердің, квазимемлекеттік сектор субъектілерінің қызметкерлері және олардың жұбайлары бойынша (2023 жылдың қорытындысы бойынша)
3) 2025 жылдан бастап – жеке кәсіпкерлер, заңды тұлғалардың басшылары және олардың жұбайлары бойынша (2024 жылдың қорытындысы бойынша).
4) 2026 жылдан бастап – халықтың қалған бөлігі бойынша (2025 жылдың қорытындысы бойынша)