Салық кодексінің 128-бабына сәйкес жеке тұлға салықты төлемеген немесе толық төлемеген жағдайда, берешек сомасына салықты төлеудің белгіленген мерзімі өткеннен кейінгі келесі күннен бастап және оны нақты өтеген күнге дейін қоса алғанда, мерзімі өткен әрбір күнтізбелік күн үшін өсімпұл есептеледі. Өсімақы мөлшері Ұлттық Банктің ресми базалық мөлшерлемесі негізінде есептеледі.
Жеке тұлғалардың салық берешегі туралы хабарлама табыс етілген күннен бастап отыз жұмыс күні өткен соң мемлекеттік кіріс органы уәкілетті орган белгілеген нысан бойынша жеке тұлғаның берешегін өндіріп алу туралы салық бұйрығын шығарады және ол шығарылған күннен бастап бес жұмыс күнінен кешіктірмей жеке тұлғаға жібереді.
Жеке тұлға салық берешегін өтемеген кезде Мемлекеттік кіріс органы салық бұйрығы табыс етілген күннен бастап бес жұмыс күнінен кешіктірмей осындай салық бұйрығын аумақтылығы бойынша тиісті әділет органдарына не Қазақстан Республикасының Атқарушылық іс жүргізу және сот орындаушыларының мәртебесі туралы заңнамасында айқындалған тәртіппен мәжбүрлеп орындау үшін жеке сот орындаушыларының өңірлік палатасына жібереді.
Салық міндеттемесі орындалмаған кезде Мемлекеттік кіріс органдары берешек туралы хабарлама жіберуді қоса алғанда, берешекті мәжбүрлеп өндіріп алу шараларын қолдануға; банк шоттарындағы ақша қаражаты есебінен өндіріп алуға; борышкердің мүлкінен өндіріп алуға құқылы.
Мемлекеттік кірістер комитетінің ақпараттық жүйесінде мәжбүрлеп өндіріп алу шаралары мен тәсілдері автоматты режимде қолданылады.
Жеке тұлғалар салық міндеттемелерін уақтылы орындауы, сондай-ақ электрондық үкімет сервистері арқылы берешектің бар-жоғын тексеруі қажет (eGov.kz) және өсімпұлды есептеуді және жауапкершілік шараларын қолдануды болдырмау үшін мемлекеттік органдардың мобильді қосымшалары.