Мұндай кірістерден ЖТС есептеуді жеке тұлға 10% ставка бойынша өзі төлейді және осындай табыс алынған жылдан кейінгі жылдың 10 сәуірінен кешіктірмей төлеуі тиіс.
ЖТС бойынша декларацияны (240.00-нысан) мүліктік кіріс алынған жылдан кейінгі жылдың 31 наурызынан кешіктірмейтін мерзімде тұрғылықты немесе тіркелген жері бойынша Мемлекеттік кірістер органдарына ұсыну қажет.
Егер табыс 2023 жылы алынса, онда декларация 2024 жылғы 31 наурыздан кешіктірмей тапсырылады, табыс салығы 2024 жылғы 10 сәуірден кешіктірмей төленеді.
Мысалы: егер пәтер 14 миллион теңгеге сатып алынған болса, ал жарты жылдан кейін 17 миллион теңгеге сатылса, құн өсімінен түсетін табыс 3 миллион теңге болып табылады, оларға 10% жеке табыс салығы салынады - 300 мың теңге. Яғни, жеке табыс салығы ретінде 300 000 теңге (10 %) төлеу қажет.