Активтер мен міндеттемелер туралы декларацияны (250.00-нысан) тапсырған жылдан бастап, жыл сайын кірістері мен мүлкі туралы декларация (270.00-нысан) тапсырылады.
Егер 250-нысанның декларациясы жалпыға бірдей Декларациялау жүйесіне кірген күнге барлық активтер мен міндеттемелерді тіркеуге арналған болса, 270-нысанның декларациясында өткен күнтізбелік жылдың мәліметтерін көрсету қажет. Онда өткен жылы не сатып алынғанын және не иеліктен шығарылғанын көрсету керек.
Келесілерді көрсету қажет:
- күнтізбелік жыл ішінде алынған кірістер;
- салықтық шегерімдер;
– мемлекеттік немесе өзге тіркеуге жататын мүлікті, сондай-ақ құқықтары немесе мәмілелері мемлекеттік немесе өзге тіркеуге жататын мүлікті сатып алу немесе иеліктен шығару;
- республикалық бюджет туралы заңда белгіленген және есепті салық кезеңінің 31 желтоқсанында қолданылатын жиынтығында 1000 АЕК-тен асатын сомада Қазақстан Республикасынан тыс жерлердегі шетелдік банктердегі банктік шоттардағы ақша;
– есепті салық кезеңінің 31 желтоқсандағы жағдай бойынша жеке тұлғаның меншік құқығындағы мүлік: мемлекеттік немесе басқаша тіркелуі тиіс (есепке алуға) немесе шет мемлекеттердің заңнамасына сәйкес құқықтары және (немесе) мәмілелері шет мемлекеттің құзыретті органында мемлекеттік немесе басқаша тіркелуі тиіс (есепке алуға) жылжымайтын мүлік;эмитенттері Қазақстан Республикасының шегінен тыс тіркелген бағалы қағаздар; Қазақстан Республикасының шегінен тыс тіркелген заңды тұлғаның жарғылық капиталына қатысатын үлесі;
- банктердің және банк операцияларының жекелеген түрлерін жүзеге асыратын ұйымдардың «Қазақстан Республикасындағы банктер және банк қызметі туралы» Қазақстан Республикасының заңнамасына сәйкес құрылған берешегін қоспағанда, жеке тұлғаның жеке тұлға алдындағы берешегін (дебиторлық берешегін) және (немесе) жеке тұлғаның басқа тұлғалар алдындағы берешегін (кредиторлық берешегін) растайтын құжаттың нотариат куәландырған (куәландырған) көшірмелерін қоса береді.