Жеке тұлғалардың салық төлеуі

Введение

Салық – мемлекет жеке және заңды тұлғалардан салатын және мемлекттік бюджетке аударылатын міндетті ақшалай салым.

Салықтар өміріміздің барлық саласында - шаруашылықта, ел аумағын қорғау, азаматтарды әлеуметтік қамсызданыру мен қорғау, сондай-ақ білім беруді, медицинаны, мәдениет пен басқа да салаларда мемлекет алдына қойылған мақсаттарды іске асыру үшін пайдаланылады.

Осы материалда біз жеке тұлғалар үшін қандай негізгі салықтар бар екендігі және оларды қалай төлеу туралы айтып береміз.

Жер салығы

Егер Қазақстан Республикасының аумағында меншігіңізде жер учаскесі болса, Сіз ол үшін салық төлеуге міндеттісіз.

Салықты жер учаскесі орналасқан жері бойынша есепті салық кезеңінен кейінгі жылдың 31 қазанына дейін төлеу қажет.

Жеке тұлғалардың салық салынатын объектілері бойынша салығын есептеуді салық органдары есепті жылдан кейінгі жылдың 1 шілдесінен кешіктірмей, әрбір жер учаскесі бойынша жеке салық базасына салықтың тиісті ставкасын қолдану арқылы жүргізеді.

Салықтар ставкалары

Есептелген салық сомасы туралы хабарлама есептелген күннен бастап 10 жұмыс күнінен кешіктірмей салық төлеушіге жіберіледі, онда салық сомасы, БЖК және басқа да деректемелер көрсетіледі.

Салық басқармасы Бірыңғай есептеу орталығының (БЕО) шоттары, SMS таратылымы немесе «Азаматтарға арналған үкімет» мемлекеттік корпорация» КЕАҚ арқылы жер салығының есептелген сомалары туралы берешекті өтеу қажеттілігі туралы хабарлайды.

Күнделікті жұмыс көрсеткендей, жер учаскесінің орналасу мекенжайына жіберілгендіктен, ал салық төлеушінің басқа қалада немесе ауданда болуы не тұруына байланысты, хабарламаны салық төлеуші кейде алмайды. Сондықтан, егер, Сіз хабарламаны алмасаңыз, жер учаскесінің орналасу жері бойынша салық органына өзіңізге жүгіну қажет.

Салықты төлеу үшін тұрғылықты жер бойынша Мемлекеттік кірістер комитетінің бөліміне (салық органы) жүгінуге не онлайн-сервиспен пайдалануға болады

{"id":4341,"source_id":3230,"title":"Салық берешегін іздестіру мен төлеу ","service_code":"P1.27","service_link":"http://egov.kz/services/P1.27/"}

Жер салығының бюджеттік жіктемесінің коды – 104302.

Жер салығын төлеуден босатылған тұлғалар

Ұлы Отан соғысының қатысушылары мен мүгедектері, жеңілдіктер мен кепілдіктер бойынша оларға теңестірілген тұлғалар, Ұлы Отан соғысы жылдарында тылдағы қажырлы еңбегі мен мінсіз әскери қызметі үшін бұрынғы КСР Одағының ордендерімен және медальдарымен марапатталған тұлғалар, сондай-ақ 1941 жылғы 22 маусым – 1945 жылғы 9 мамыр аралығында кемінде алты ай жұмыс істеген (қызмет өткерген) және Ұлы Отан соғысы жылдарында тылдағы қажырлы еңбегі мен мінсіз әскери қызметі үшін бұрынғы КСР Одағының ордендерімен және медальдарымен марапатталмаған тұлғалар, мүгедектер, сондай-ақ бала кезінен мүгедектің, мүгедек баланың ата-анасының бірі, жетім балалар және ата-анасының қамқоршылығысыз қалған балалар – тұрғын үй қорындағы жер учаскелері, соның ішінде жанындағы құрылыстар мен құрылғылар; үй маңындағы жер учаскелері; құрылыс алып отырған жерлерді қоса алумен жеке үй (қосалқы) шаруашылығын, бау-бақша мен саяжай құрылысын жүргізуге берілген, гараждар орналасқан жер учаскелері бойынша кәмелет жасына толғанға дейін;
«Батыр Ана» атағына ие, "Алтын алқамен" марапатталған көп балалы аналар - тұрғын үй қорындағы жер учаскелері, соның ішінде жанындағы құрылыстар мен құрылғылар; үй маңындағы жер учаскелері бойынша;
бөлек тұрып жатқан зейнеткерлер – тұрғын үй қорындағы жер учаскелері, соның ішінде жанындағы құрылыстар мен құрылғылар; үй маңындағы жер учаскелері бойынша.

Мүлік салығы

Егер Қазақстан Республикасының аумағында Сізде тұрғынжайлар, ғимараттар, саяжай құрылыстары, гараждар, орынтұрақ орындары, құрылысжайлар, үй-жайлар және өзге де құрылыстар тиесілі болса, онда Сіз ол үшін салық төлеуге міндетті боласыз.

Мүлік салығын мүліктің орналасқан жері бойынша есепті салық кезеңінен кейінгі жылдың 1 қазанына дейін төлеу қажет. Яғни, мысалы, 2024 жылға салынатын салықты 2025 жылдың 1 қазанына дейін төлеу керек.

Жеке тұлғалардың салық салу объектілері бойынша салықты есептеуді салық органдары салық төлеушінің тұрғылықты жеріне қарамастан, салық салу объектісінің орналасқан жері бойынша есепті салықтық кезеңнен кейінгі жылдың 1 шілдесінен кешіктірмей есепті салықтық кезеңнен кейінгі жылдың 1 қаңтарына дейін құқықтары тіркелген жеке тұлғалардың салық салу объектілері бойынша меншік құқығында иеленудің іс жүзіндегі мерзімін ескере отырып, салықтық базаға тиісті салық мөлшерлемесін қолдану арқылы жүргізеді.

Салық органы салық органы есептеген салықтар сомасы туралы хабарламаны салық төлеушіге – есептеу күнінен бастап он жұмыс күнiнен кешiктiрілмей жіберіледі, онда салық сомасы, БСК және басқа да деректемелер көрсетіледі.

Сонымен қатар, төлеуге жататын салық сомасын:

"Жеке тұлғалардың алдағы салық төлемдерін қарау және төлеу" сервисі арқылы, мемлекеттік кірістер комитетінің порталында;
"E-Salyq Azamat" мобильдік қосымшасында;
салық салынатын объектінің орналасқан жері бойынша аудандық мемлекеттік кірістер басқармасында;
екінші деңгейдегі банктердің мобильді қосымшалары арқылы білуге болады;
электрондық үкімет порталы;
"Қазпошта" АҚ кассалары;
төлем терминалдары арқылы да жүргізуге болады.

Сонымен қатар, есептелген салық органдары салықтардың сомасы туралы хабарламаларды электрондық тәсілмен – салық төлеушінің кабинетіне, Egov порталына, қағаз жеткізгіште – пошта арқылы тапсырыс хатпен, сондай-ақ коммуналдық қызметтердің БЕО түбіртектермен-хабарламаларымен жібереді, АЛСЕКО және басқа да. Сондай-ақ, Мемлекеттік кірістер органдары берешекті өтеу қажеттілігі туралы бірыңғай есеп айырысу орталығының (БЕО) шоттары арқылы, SMS-тарату арқылы не "Азаматтарға арналған үкімет "мемлекеттік корпорациясы" КЕАҚ арқылы есептелген мүлік салығы сомалары туралы хабардар етеді.

Бұдан басқа, "Каспий банкі "АҚ мобильді қосымшаларын пайдаланушыларға PUSH-хабарламалар түрінде жолданды.

Екінші деңгейдегі банктерден мүлік салығының алдағы сомалары туралы push-хабарламалар алған жағдайда, МКК "электрондық сервистер" → "ЖТ және ЖК алдағы төлемдер сервисі" сервисінде "e-Salyq Azamat" мобильді қосымшаларында есептелген салық сомаларының дұрыстығын тексеруді ұсынады, "Kaspi.kz" төлемдер " → "айыппұлдар" қызметінде және салықтар" → "салықтар" → "мүлік және көлік салығы".

Мүлік салығының бюджеттік сыныптамасының коды-104102.

{"id":17391,"source_id":3982,"title":"Жеке тұлғалардың алдағы салық төлемдерін қарау және төлеу","service_code":"P1.28","service_link":"https://egov.kz/services/P1.28/"}

Көлік салығы

Егер сіздің атыңызда Қазақстан Республикасының аумағында көлік құралы тіркелген болса, сіз оның салығын бюджетке тұрғылықты жері бойынша есепті салық кезеңінен кейінгі жылдың 1 сәуірінен кешіктірмей төлеуге міндеттісіз.

Төлеуге жататын салық сомасын:

«Жеке тұлғалардың алдағы салық төлемдерін қарау және төлеу» сервисінен, Мемлекеттік кірістер комитетінің порталынан;
«E-Salyq Azamat» мобильді қосымшасынан;
"Қазпошта" АҚ кассалары;
тұрғылықты жері бойынша аудандық мемлекеттік кірістер басқармасынан;
екінші деңгейдегі банктердің мобильді қосымшалары арқылы білуге болады.

Көлік салығының бюджеттік жіктемесінің коды (БЖК) – 104402.

Көлік салығын төлеуден босатылған тұлғалар

Ұлы Отан соғысының ардагерлері, жеңілдіктер бойынша Ұлы Отан соғысының ардагерлеріне теңестірілген ардагерлер және басқа мемлекеттердің аумағындағы ұрыс қимылдарының ардагерлері, Ұлы Отан соғысы жылдарында тылдағы қажырлы еңбегi мен мінсiз әскери қызметi үшiн бұрынғы КСР Одағы ордендерiмен және медальдарымен наградталған адамдар, сондай-ақ 1941 жылғы 22 маусым – 1945 жылғы 9 мамыр аралығында кемінде алты ай жұмыс істеген (қызмет өткерген) және Ұлы Отан соғысы жылдарында тылдағы қажырлы еңбегi мен мінсiз әскери қызметi үшiн бұрынғы КСР Одағы ордендерiмен және медальдарымен наградталмаған адамдар;
Кеңес Одағының батырлары мен Социалистiк Еңбек ерлерi, «Халық қаhарманы», «Қазақстанның Еңбек Ері» атақтарына ие болған, үш дәрежелі Даңқ орденiмен және «Отан» орденiмен наградталған адамдар;
«Батыр ана» атағына ие болған немесе «Алтын алқа» не «Күмiс алқа» алқаларымен наградталған көп балалы аналар;
мүгедектігі бар адамдар салық салу объектісі болып табылатын бір автокөлік құралынан (двигателінің көлемі 4 000 текше сантиметрден асатын, оған қатысты уәкілетті мемлекеттік органда тіркеу 2013 жылғы 31 желтоқсаннан кейін жүргізілген жеңіл автомобильден басқа).