Банк операцияларының жекелеген түрлерін жүзеге асыратын ұйымдарға банк операцияларының жекелеген түрлерін жүзеге асыруға лицензия беру

1. Банк операцияларының жекелеген түрлерін жүзеге асыруға лицензия беру туралы өтініш (тұлғаның өтініш беруге өкілеттігін растайтын құжаттарды және оған қоса берілетін құжаттар мен мәліметтерді қоса бере отырып), онда өтініш беруші өз қызметін жүзеге асыруды жоспарланып отырған бастауға байланысты барлық ұйымдастыру-техникалық іс-шаралардың орындалғанын растайды.
2. «Цифрлық үкіметтің» төлем шлюзі арқылы төлеу жағдайларын қоспағанда, банк операцияларының жекелеген түрлерін жүзеге асыру құқығы үшін лицензиялық алымның бюджетке төленгенін растайтын құжаттың электрондық көшірмесі.
3. Көрсетілетін қызметті алушының тиісті органының банк операцияларының жекелеген түрлерін жоспарланып отырған жүзеге асыру туралы шешімінің көшірмесі, сондай-ақ жарғының көшірмесі (салыстырып тексеру үшін жарғының түпнұсқасы ұсынылмаған жағдайда нотариат куәландырған).
4. Құжаттарды ұсыну күнінің алдындағы күнгі жағдай бойынша Банк операцияларының жекелеген түрлерін жүзеге асыратын ұйымдардың банк операцияларын жүргізу үшін біліктілік талаптарына 1-қосымшаға, сондай-ақ осы қаулыға 2-қосымшада белгіленген біліктілік талаптарына (бұдан әрі – Біліктілік талаптары) сәйкестігін растайтын құжаттардың тізбесіне сәйкестігін растайтын құжаттар тізбесіне сәйкес заңды тұлға болып табылатын банк операцияларының жекелеген түрлерін жүзеге асыратын ұйымның акционері (қатысушысы) туралы мәліметтер.
5. Банк операцияларының жекелеген түрлерін жүзеге асыратын ұйымдардың банк операцияларын жүргізу үшін біліктілік талаптарына, сондай-ақ көрсетілген біліктілік талаптарына сәйкестігін растайтын құжаттар тізбесіне 2-қосымшаға сәйкес нысан бойынша жеке басты куәландыратын құжаттың электрондық көшірмесін қоса бере отырып (шетелдіктер, азаматтығы жоқ адамдар үшін), банк операцияларының жекелеген түрлерін жүзеге асыратын ұйымның басшы қызметкерлері, банк операцияларының жекелеген түрлерін жүзеге асыратын ұйымның акционері (қатысушысы) - заңды тұлғасының басшы қызметкерлері туралы, акционер (қатысушы) жеке тұлға туралы мәліметтер.
6. Банк операцияларының жекелеген түрлерін жүзеге асыратын ұйымның басшы қызметкерлерінде, банк операцияларының жекелеген түрлерін жүзеге асыратын ұйым акционерінің (қатысушысының)- заңды тұлғасының басшы қызметкерлерінде, акционер (қатысушы)-жеке тұлғада азаматтығы бар елдің мемлекеттік органы (тұрақты тұратын елдің - азаматтығы жоқ адамдар үшін) берген азаматтығы бар елде (шетелдіктер үшін) немесе тұрақты тұратын елде (азаматтығы жоқ адамдар үшін) қылмыстары үшін алынбаған немесе өтелмеген соттылығының болмауы туралы құжаттың көшірмесі.
   Егер банк операцияларының жекелеген түрлерін жүзеге асыратын ұйымның басшы қызметкері, банк операцияларының жекелеген түрлерін жүзеге асыратын ұйым акционерінің (қатысушысының)-заңды тұлғасының басшы қызметкері, акционер (қатысушы)-жеке тұлға соңғы 10 жыл ішінде азаматтығы бар елден тыс жерде тұрақты тұрған болса, кандидат соңғы 10 жыл бойы тұрақты тұрған елде қылмыстары үшін алынбаған немесе өтелмеген соттылығының жоқтығы туралы құжаттың электрондық көшірмесін ұсынады.
   Көрсетілген құжаттарды беру күні өтініш берілген күннің алдындағы 3 айдан аспайды (ұсынылатын құжатта оның қолданыс мерзімі көрсетілген өзге жағдайларды қоспағанда).
   Егер мемлекеттік органы алынбаған немесе өтелмеген соттылығының жоқтығы туралы мәліметтерді растауға уәкілетті елдің заңнамасында көрсетілген мәліметтер сұратылатын адамдарға растайтын құжаттарды беру көзделмесе, онда тиісті растау кандидат соңғы 10 жыл бойы тұрақты тұрған азаматтығы бар елдің (шетелдіктер үшін) немесе тұрақты тұратын елдің (азаматтығы жоқ адамдар үшін) мемлекеттік органының хатымен уәкілетті органның атына жіберіледі.
7. Көрсетілетін қызметті алушының басшы қызметкерлерінің және банк операцияларының жекелеген түрлерін жүзеге асыратын бөлімшелердің қызметкерлерінің тегі, аты және әкесінің аты (бар болса) көрсетілген өтініш берушінің штат кестесі.
8. Барлық жоспарланып отырған банк операцияларын ескере отырып алдағы үш жылға арналған даму стратегиясының көшірмесі, оған өтініш берушінің ұйымдық құрылымы, өтініш берушінің өтініш берілетін қаржы жылындағы бюджеті туралы ақпарат, оның ішінде өтініш берушінің 3 қаржы (операциялық) жылына арналған пруденциялық нормативтерді орындауы туралы болжамды деректер есебі енгізіледі.
9. Ең аз мөлшерін уәкілетті орган «Жылжымайтын мүлік ипотекасы туралы» Қазақстан Республикасы Заңының 5-3-бабы 1-тармағының 3) тармақшасына және «Қаржы нарығы мен қаржы ұйымдарын мемлекеттік реттеу, бақылау және қадағалау туралы» Қазақстан Республикасы Заңының (бұдан әрі – Мемлекеттік реттеу туралы заң) 5-бабына сәйкес белгілеген жарғылық капиталдың төленгенін растайтын құжаттардың көшірмелері.

1. Лицензияның телнұсқасын беру қажеттілігі негізделе отырып, еркін нысанда жазылған өтініш (тұлғаның өтініш беруге өкілеттігін растайтын құжаттарды және оған қоса берілетін құжаттарды және мәліметтерді қоса бере отырып).
2. «Цифрлық үкіметтің» төлем шлюзі арқылы ақы төлеу жағдайларын қоспағанда, лицензияның телнұсқасын бергені үшін лицензиялық алымның төленгенін растайтын құжаттың көшірмесі.

1. Банк операцияларының жекелеген түрлерін жүзеге асыруға арналған лицензияны қайта ресімдеу туралы өтініш (тұлғаның өтініш беруге өкілеттігін растайтын құжаттарды және оған қоса берілетін құжаттар мен мәліметтерді қоса бере отырып).
2. Лицензияның түпнұсқасы (егер бұрын берілген лицензия қағаз түрінде ресімделген болса).
3. «Цифрлық үкіметтің» төлем шлюзі арқылы төлеу жағдайларын қоспағанда, лицензияны қайта ресімдегені үшін лицензиялық алымның төленгенін растайтын құжаттың көшірмесі.
4. Мемлекеттік цифрлық жүйелерде қамтылған құжаттарды қоспағанда, лицензияны қайта ресімдеуге негіз болған өзгерістер туралы ақпаратты қамтитын құжаттардың көшірмелері.

! Өтінішті қабылдаудан бас тартуға тыйым салынады.

1. Өтініш кодекстің 63-бабында белгіленген талаптарға сәйкес келмеген жағдайда, әкімшілік орган, лауазымды адам өтініш берушіге өтініштің қандай талаптарға сәйкес келмейтінін көрсетеді, оны талаптарға сәйкес келтіру үшін орынды мерзім белгілейді.
2. Өтініш беруші әкімшілік іс бойынша шешім қабылданғанға дейін өзінің жазбаша өтініші негізінде өтінішті кері қайтарып ала алады.

Өтінішті уәкілетті әкімшілік органға, лауазымды адамға қайта жіберу

Осы өтінішті қарау өкілеттігіне кірмейтін әкімшілік органға, лауазымды адамға келіп түскен өтініш келіп түскен күннен бастап 3 жұмыс күнінен кешіктірілмейтін мерзімде әкімшілік рәсімге қатысушыны бір мезгілде хабардар ете отырып, уәкілетті әкімшілік органға, лауазымды адамға қайта жіберіледі.

Әкімшілік рәсімге қатысушы әкімшілік актіні қабылдауға байланысты әкімшілік әрекетке (әрекетсіздікке) шағымдануға құқылы.

Егер әкімшілік орган, лауазымды адам мерзімінде әкімшілік актіні қабылдамаса, әкімшілік әрекетті жасамаса, онда мерзімдер өткен күннен бастап әкімшілік орган, лауазымды адам әкімшілік актіні қабылдаудан, әкімшілік әрекетті жасаудан бас тартты деп есептеледі.

Шағым әкімшілік органға, әкімшілік актісі, әкімшілік әрекетіне (әрекетсіздігіне) шағым жасалатын лауазымды адамға беріледі.

Сотқа жүгінуге сотқа дейінгі тәртіппен шағымданғаннан кейін жол беріледі. Егер заңда жоғары тұрған органға шағымдану қажеттілігінсіз сотқа жүгіну мүмкіндігі көзделген жағдайда, әкімшілік орган, әкімшілік әрекеті (әрекетсіздігі) дауланатын лауазымды адам, әкімшілік акті сотқа кері қайтарып алумен қатар жоғары тұрған әкімшілік орган басшысының, лауазымды адамның уәжді ұстанымын ұсынады.

! ӘРПК шағымдану тәртібін әрдайым реттей бермейді, салалық заңдарда шешімге сотқа дейінгі шағымсыз дереу сот тәртібімен шағымдануды көрсететін нормалар болуы мүмкін.

1. Әкімшілік актіге, әкімшілік әрекетке (әрекетсіздікке) шағым әкімшілік органға, лауазымды адамға әкімшілік рәсімге қатысушыға әкімшілік актінің қабылданғаны немесе әкімшілік әрекеттің (әрекетсіздіктің) жасалғаны туралы белгілі болған күннен бастап 3 айдан кешіктірілмей беріледі.
2. Дәлелді себеппен өткізіп алған жағдайда, әкімшілік рәсімге қатысушының өтінішхаты бойынша мерзімді шағымды қарайтын орган қалпына келтіре алады.
3. Шағымдану үшін өткізіп алған мерзім шағымды қарайтын органның шағымды қабылдаудан бас тартуы үшін негіз болып табылмайды.

! Өзге заңдарда шешімдерге шағымданудың ерекше тәртібі мен мерзімдері белгіленуі мүмкін.

Шағымды қарау мерзімі шағым түскен күннен бастап 5 жұмыс күнін құрайды.

! Өзге заңдарда шешімдерге шағымданудың өзге мерзімі белгіленуі мүмкін.