Банктерге, Қазақстан Республикасының бейрезидент банктерінің филиалдарына банк операцияларын және өзге де операцияларды жүзеге асыруға арналған лицензияны (базалық, әмбебап) беру

1. Әмбебап банк лицензиясын немесе базалық банк лицензиясын алуға өтініш (тұлғаның өтініш беруге өкілеттігін растайтын құжаттардың көшірмелерін және оған қоса беретін құжаттар мен мәліметтерді қоса бере отырып).
2. Көрсетілетін қызметті алушы жарғысының нотариат куәландырған көшірмесі.
3. «Цифрлық үкіметтің» төлем шлюзі арқылы көрсетілген алымды төлеу жағдайларын қоспағанда, қызметтің жекелеген түрлерімен айналысу құқығына лицензиялық алымның бюджетке төленгенін растайтын құжат.
4. Банктер туралы заңның 45-бабында және Мемлекеттік реттеу туралы заңның 9-4-бабында белгіленген талаптарға сәйкес көрсетілетін қызметті алушының басшы қызметкерлері лауазымына ұсынылатын тұлғаларды келісу үшін көзделген құжаттар.
5. Уәкілетті органның тәуекелдерді басқару және ішкі бақылау жүйесіне қоятын талаптарына сәйкес келетін көрсетілетін қызметті алушының алдағы үш жылға арналған даму стратегиясының көшірмесі.
   
   Көрсетілетін қызметті алушының даму стратегиясына көрсетілетін қызметті алушының ұйымдық құрылымы, көрсетілетін қызметті алушының өтініш берілетін қаржы жылындағы бюджеті туралы ақпарат, оның ішінде көрсетілетін қызметті алушының пруденциялық нормативтерді орындауы туралы болжамды деректер, сондай-ақ көрсетілетін қызметті алушының бас ұйымының банк холдингі мәртебесін иеленуі банк конгломератын құруға алып келетін жағдайда, құрамына көрсетілетін қызметті алушы кіретін банк конгломераты пруденциялық нормативтерінің болжамды есебі енгізіледі.
6. Қызметкерлердің тегі, аты және әкесінің аты (егер ол жеке басын куәландыратын құжатта көрсетілген болса) көрсетілген көрсетілетін қызметті алушының штат кестесі;
7. Ең төмен мөлшері Банктер туралы заңның 8-бабының 2-тармағына сәйкес белгіленген банктің жарғылық капиталының төленгенін растайтын құжаттардың көшірмелері.

1. Тұлғаның өтініш беруге өкілеттігін растайтын құжаттардың және оған қоса берілетін құжаттар мен мәліметтердің көшірмелерін қоса бере отырып, әмбебап банк лицензиясын алуға өтініш (Қазақстан Республикасының бейрезиденті банк филиалы үшін).
2. Осы тармақтың екінші бөлігінің 3), 4), 5) және 6) тармақшаларында көзделген құжаттар.
3. Қазақстан Республикасы бейрезидент банкінің басқару органы бекіткен филиал туралы ереженің нотариат куәландырған көшірмесі.
4. Қазақстан Республикасы бейрезидент банкінің Қазақстан Республикасының аумағында оның филиалының қызметін жүзеге асыру процесінде туындайтын міндеттемелер бойынша жауапкершілікті қабылдау туралы және осындай міндеттемелерді Қазақстан Республикасы бейрезидент банкінің балансында есепке алу туралы жазбаша міндеттемесі (растауы).
5. Рұқсат етілген операциялар түрлерінің тізбесін көрсете отырып, Қазақстан Республикасының бейрезидент банкі резиденті болып табылатын мемлекеттің қаржылық қадағалау органы берген Қазақстан Республикасы бейрезидент банкінің қолданыстағы лицензиясының (қолданыстағы рұқсаттың) көшірмесі.

Көрсетілген лицензия (рұқсат), егер осы Заңның 16-бабының 1-тармағында көзделген Қазақстан Республикасы бейрезидент банкінің филиалын ашуға рұқсат беру туралы өтініш берілгеннен кейін Қазақстан Республикасының бейрезидент банкі жүзеге асыруға құқылы операциялар түрлерінің тізбесі өзгертілген не Қазақстан Республикасының бейрезидент банкі жаңа лицензия (жаңа рұқсат) алған жағдайда ұсынылады.

1. Операциялардың қосымша түрлерін жүзеге асыруға банк лицензиясын алуға өтініш (тұлғаның өтініш беруге өкілеттігін растайтын құжаттардың және оған қоса берілетін құжаттар мен мәліметтердің көшірмелерін қоса бере отырып).
2. Банктер туралы заңның 88-бабында көзделген қаржылық орнықтылықты қалпына келтірудің жаңартылған жоспарының көшірмесі.
3. «Цифрлық үкіметтің» төлем шлюзі арқылы көрсетілген алымды төлеу жағдайларын қоспағанда, жекелеген қызмет түрлерімен айналысу құқығына лицензиялық алымның бюджетке төленгенін растайтын құжат.

1. Көрсетілетін қызметті алушының бірінші басшысы не өтініш беруге уәкілетті тұлға қол қойған еркін нысандағы өтініш (тұлғаның өтініш беруге өкілеттігін растайтын құжаттардың және оған қоса берілетін құжаттар мен мәліметтердің көшірмелерін қоса бере отырып).
2. «Цифрлық үкіметтің» төлем шлюзі арқылы көрсетілген алымды төлеу жағдайларын қоспағанда, жекелеген қызмет түрлерімен айналысу құқығына лицензиялық алымның бюджетке төленгенін растайтын құжат.

1. Әмбебап банк лицензиясын, базалық банк лицензиясын қайта ресімдеу туралы өтініш (тұлғаның өтініш беруге өкілеттігін растайтын құжаттардың және оған қоса берілетін құжаттар мен мәліметтердің көшірмелерін қоса бере отырып).
2. Лицензияланатын қызмет түрінен бір немесе одан да көп банк операцияларын және (немесе) өзге де операциялар алып тасталған жағдайда банк лицензиясының түпнұсқасы (егер бұрын берілген банк лицензиясы қағаз нысанда ресімделген болса).
3. «Цифрлық үкіметтің» төлем шлюзі арқылы төлеу жағдайларын қоспағанда, банк лицензиясын қайта ресімдеу кезінде жекелеген қызмет түрлерімен айналысу құқығы үшін лицензиялық алымның төленгенін растайтын құжаттың көшірмесі.
4. Мемлекеттік ақпараттық жүйелерде қамтылған құжаттарды қоспағанда, банк лицензиясын қайта ресімдеуге негіз болған өзгерістер туралы ақпаратты қамтитын құжаттардың көшірмелері.

1. Базалық банк лицензиясын әмбебап банк лицензиясына қайта ресімдеу туралы өтініш (тұлғаның өтініш беруге өкілеттігін растайтын құжаттардың және оған қоса берілетін құжаттар мен мәліметтердің көшірмелерін қоса бере отырып).
2. Банк лицензиясының түпнұсқасы (егер бұрын берілген банк лицензиясы қағаз нысанда ресімделген болса).
3. «Цифрлық үкіметтің» төлем шлюзі арқылы төлеу жағдайларын қоспағанда, банк лицензиясын қайта ресімдеу кезінде жекелеген қызмет түрлерімен айналысу құқығына лицензиялық алымның төленгенін растайтын құжаттың көшірмесі.

! Өтінішті қабылдаудан бас тартуға тыйым салынады.

1. Өтініш кодекстің 63-бабында белгіленген талаптарға сәйкес келмеген жағдайда, әкімшілік орган, лауазымды адам өтініш берушіге өтініштің қандай талаптарға сәйкес келмейтінін көрсетеді, оны талаптарға сәйкес келтіру үшін орынды мерзім белгілейді.
2. Өтініш беруші әкімшілік іс бойынша шешім қабылданғанға дейін өзінің жазбаша өтініші негізінде өтінішті кері қайтарып ала алады.

Өтінішті уәкілетті әкімшілік органға, лауазымды адамға қайта жіберу

Осы өтінішті қарау өкілеттігіне кірмейтін әкімшілік органға, лауазымды адамға келіп түскен өтініш келіп түскен күннен бастап 3 жұмыс күнінен кешіктірілмейтін мерзімде әкімшілік рәсімге қатысушыны бір мезгілде хабардар ете отырып, уәкілетті әкімшілік органға, лауазымды адамға қайта жіберіледі.

Әкімшілік рәсімге қатысушы әкімшілік актіні қабылдауға байланысты әкімшілік әрекетке (әрекетсіздікке) шағымдануға құқылы.

Егер әкімшілік орган, лауазымды адам мерзімінде әкімшілік актіні қабылдамаса, әкімшілік әрекетті жасамаса, онда мерзімдер өткен күннен бастап әкімшілік орган, лауазымды адам әкімшілік актіні қабылдаудан, әкімшілік әрекетті жасаудан бас тартты деп есептеледі.

Шағым әкімшілік органға, әкімшілік актісі, әкімшілік әрекетіне (әрекетсіздігіне) шағым жасалатын лауазымды адамға беріледі.

Сотқа жүгінуге сотқа дейінгі тәртіппен шағымданғаннан кейін жол беріледі. Егер заңда жоғары тұрған органға шағымдану қажеттілігінсіз сотқа жүгіну мүмкіндігі көзделген жағдайда, әкімшілік орган, әкімшілік әрекеті (әрекетсіздігі) дауланатын лауазымды адам, әкімшілік акті сотқа кері қайтарып алумен қатар жоғары тұрған әкімшілік орган басшысының, лауазымды адамның уәжді ұстанымын ұсынады.

! ӘРПК шағымдану тәртібін әрдайым реттей бермейді, салалық заңдарда шешімге сотқа дейінгі шағымсыз дереу сот тәртібімен шағымдануды көрсететін нормалар болуы мүмкін.

1. Әкімшілік актіге, әкімшілік әрекетке (әрекетсіздікке) шағым әкімшілік органға, лауазымды адамға әкімшілік рәсімге қатысушыға әкімшілік актінің қабылданғаны немесе әкімшілік әрекеттің (әрекетсіздіктің) жасалғаны туралы белгілі болған күннен бастап 3 айдан кешіктірілмей беріледі.
2. Дәлелді себеппен өткізіп алған жағдайда, әкімшілік рәсімге қатысушының өтінішхаты бойынша мерзімді шағымды қарайтын орган қалпына келтіре алады.
3. Шағымдану үшін өткізіп алған мерзім шағымды қарайтын органның шағымды қабылдаудан бас тартуы үшін негіз болып табылмайды.

! Өзге заңдарда шешімдерге шағымданудың ерекше тәртібі мен мерзімдері белгіленуі мүмкін.

Шағымды қарау мерзімі шағым түскен күннен бастап 5 жұмыс күнін құрайды.

! Өзге заңдарда шешімдерге шағымданудың өзге мерзімі белгіленуі мүмкін.