Қазақстан Республикасының Конституция Күні!

Қазақстан Республикасының Конституция күні қарсаңында Бәсекелестікті қорғау және дамыту комитетінің төрағасы Рустам Ахметов монополияға қарсы органның қызметкерлеріне  онлайн конференция арқылы құттықтаумен жүгінді.

Онлайн іс-шара Қазақстан Республикасының Мемлекеттік Әнұранын орындаумен ашылды.

«Конституция-мемлекеттің егемендігі мен тәуелсіздігін бекітетін маңызды құжат, елдегі тұрақтылық пен келісімнің кепілі. Бұл біздің мемлекетіміздің демократиялық дамуының іргетасы!»деп атап өтті төраға іс-шараны аша отырып.

Конституцияның маңыздылығын атап өтіп, қызметкерлерді Негізгі Заңның нормаларын барынша іске асыруға шақырды.

Сондай - ақ, ҚР Президентінің Жарлығына сәйкес «Қазақстан Республикасына 25 жыл» мерекелік медалімен монополияға қарсы органның қызметкерлері - Ысқақов Арсен, Ортақбаева Әсел, Қайырбаева Ақжан, Кенжебеков Руслан, Иргалеев Сағындық, Ермағамбетов Жандос, Устьянцева Людмила, Хамзин Марлен, Карпова Светлана, Нысанбекова Әсел марапатталды.

Іс-шара соңында әріптестерін келе жатқан мерекемен құттықтап, ашық аспан, келісім мен тұрақтылық, еліміздің гүлденуі үшін жаңа жеңістерге ұмтылыс тіледі!