Тауар биржаларының электрондық сауда-саттық жүйесіне монополияға қарсы қолжетімділік

Негізгі тауар нарықтарында бәсекелестікті дамыту бойынша Жол картасы шеңберінде, Кәсіпкерлік кодексінің 169-1-бабына сәйкес «Тауар биржаларының электрондық сауда жүйесіне қойылатын міндетті талаптарды бекіту туралы» Ұлттық экономика министрінің 2015 жылғы 26 ақпандағы № 141 бұйрығына тауар биржаларын монополияға қарсы органды олардың электрондық сауда жүйесіне қашықтан қол жеткізумен қамтамасыз етуге міндеттейтін түзетулер енгізілді.

Бұл қолжетімділік нақты уақыт режимінде қамтамасыз етіледі және монополияға қарсы органға тауарлар мен Сауда-саттықты өткізу мониторингі функциялары шеңберінде, онлайн қарау режимінде, барлық ақпаратты алу мүмкіндігімен өтінімдерді ұсыну процесінен мәмілелердің нәтижесіне дейін биржалық сауда-саттықтардың барлық барысын қадағалауға мүмкіндік береді.

Аталған талап барлық тауар биржалары үшін міндетті сипатта болады.

Бүгінгі күні бұйрық Әділет министрлігінде мемлекеттік тіркеуден өтті және «Әділет» ҚР нормативтік құқықтық актілерінің ақпараттық-құқықтық жүйесінде жарияланған.