Ақтөбе қаласының әкімдігіне хабарлама шығарылды

Комитеттің Ақтөбе облысы бойынша департаментіне Ақтөбе қаласының азық-түлік дүкендері мен кеңселерінің иелері әкімдік қызметкерлерінің іс-әрекеттеріне жүгінді.

Қаланың кәсіпорындары мен ұйымдарының жұмысын жаңарту бойынша мониторинг жүргізу кезінде белгілі бір жеткізушіден тепловизорларды сатып алу туралы көрсетілген.

Жекелеген қызмет түрлерінің жұмысын жаңарту жөніндегі тарату материалдарында «Ақтөбе» ӘКК АҚ-ның дезинфекциялау құралдарын, антисептиктерді және жеке қорғау құралдарын жеткізу бойынша бірыңғай өңірлік оператормен шарт жасасу ұсынысымен міндетті талаптар, сондай-ақ оның еншілес компаниясының аталған құралдарды, оның ішінде тепловизорларды жеткізу бойынша іс-қимыл алгоритмі енгізілгені анықталды.

Әкімдік қызметкерлерінің кәсіпкерлік субъектілерін белгілі бір сатушыдан тепловизорларды сатып алу туралы хабардар етуі Бәсекелестікті қорғау саласындағы ҚР заңнамасының талаптарын бұзады.

Ақтөбе қаласының әкімдігіне жекелеген нарық субъектілеріне бәсекелестерге қатысты жеңілдіктер немесе басқа артықшылықтар беруге жол бермеу туралы хабарлама жолданды.

Хабарлама ол шығарылған күннен бастап 10 жұмыс күнінен кешіктірілмейтін мерзімде орындалуға тиіс.