БҚДА ҚР ДЕНСАУЛЫҚ САҚТАУ МИНИСТРЛІГІНЕ ҰСЫНЫСТАР ЖОЛДАДЫ
ҚР Бәсекелестікті қорғау және дамыту агенттігі Формулярлық комиссия үшін дәрілік заттар мен медициналық бұйымдарға кәсіби сараптама жүргізу қызметтері нарығындағы бәсекелестіктің жай-күйін талдауды аяқтады.
Талдау барысында Қазақстан Республикасының Денсаулық сақтау министрлігі өзінің құқықтық актісімен «Салидат Қайырбекова атындағы денсаулық сақтауды дамытудың Ұлттық ғылыми орталығы» ШЖҚ РМК - на (әрі қарай - Орталық) Формулярлық комиссия үшін дәрілік заттар мен медициналық бұйымдарға кәсіби сараптама жүргізу бойынша айрықша құқық бергені анықталды. Сондай-ақ Формулярлық комиссия үшін дәрілік заттар мен медициналық бұйымдарды сараптау өткізу қызметтері нарығында үстемдіктің 100% үлесін алатыны да белгілі болды.
Сондай-ақ фармакологиялық бизнес өкілдерінің мәліметінше Формулярлық комиссияның өтінімдерді қарау мерзімдерін кешіктіруде, дәрілік заттарды (бұдан әрі - ДЗ) Қазақстандық ұлттық формулярдың (бұдан әрі – ҚҰФ), амбулаториялық дәрілік қамтамасыз етудің (бұдан әрі – АДҚ) және СК-Фармацияның бірыңғай дистрибьюторының (бұдан әрі – БД) тізбелеріне дәйекті енгізуде көрсетілген әкімшілік кедергілер бар, бұл пациенттің инновациялық препараттарға қолжеткізуін шектеуге алып келеді. Сондай-ақ, кәсіби сараптама қызметтерінің бағасын қалыптастырудың объективтілігі туралы сұрақтар туындайды.
Талдау нәтижелері бойынша ҚР Денсаулық сақтау министрлігінің атына келесі шараларды қабылдау туралы ұсынымдар жолданды:
- Қызметтердің құнын төмендету мақсатында Орталықтың баға саясатын қайта қарау;
- Формулярлық комиссияның қараулары мен отырыстарының мерзімдерін регламенттеу;
- Өтініш берушілердің онлайн трансляциялау және (немесе) бетпе-бет қатысу мүмкіндігімен Формулярлық комиссияның хаттамаларын қабылдау және жариялау мерзімдерін регламенттеу;
- ҚР Денсаулық сақтау министрлігінің ДЗ-ды Қазақстандық ұлттық формулярға енгізу жөніндегі нормативтік құқықтық актілерін, АДҚ және БД бірыңғай нормативтік құқықтық актіге бір құжаттама түрінде ұсыну мүмкіндігімен және дәрілік заттарды ҚҰФ-ға қатар енгізу жөніндегі нормативтік құқықтық актілерін, АДҚ, БД тізбелерін біріктіру;
- Мемлекеттік қызметтер форматында ДЗ үшін «Бір терезе» қағидаты бойынша барлық процестер мен қызметтерді толық цифрлы ету және автоматтандыруды қамтамасыз ете отырып, дәрілік заттар мен медициналық бұйымдарды сараптаудың Ұлттық орталығы ақпараттық жүйесіне кейіннен интеграциялай отырып, Орталықтың ақпараттық жүйесін пайдалануға енгізсін.
Ұсынымның бір бөлігі бәсекелестікті дамыту жөніндегі заң жобасында көзделген.