«ТЭК-ҚАЗАҚСТАН» САУДА ҮЙІ» ЖШС ІРІ КӨЛЕМДЕ АЙЫППҰЛ ТӨЛЕДІ

Қазақстан Республикасы Бәсекелестікті қорғау және дамыту агенттігінің Астана қаласы бойынша департаментімен «ТЭК-Қазақстан» сауда үйі» ЖШС-не қатысты жүргізілген тексеру нәтижелері бойынша локомотивтерді жабдықтау бойынша қызметтер кешеніне монополиялық жоғары баға белгілеу арқылы үстем жағдайды теріс пайдалану фактілері анықталды (темір жол желілерінің шекарасында дизель отынын қабылдау, сақтау және тарату).

2023 жылдың 20 сәуірінде Астана қаласының Әкімшілік құқық бұзушылық істер жөніндегі мамандандырылған ауданаралық соты Серіктестікке 1,6 млрд теңге сомасында әкімшілік айыппұл салды.

2023 жылғы 24 мамырда Астана қаласының Әкімшілік құқық бұзушылық істері жөніндегі сот алқасы бірінші сатыдағы соттың қаулысын өзгеріссіз қалдырды.

Бүгінгі күні Серіктестікпен 1,6 млрд теңге көлемінде айыппұл төленді.