Комитетте ҚР «Медтроник БИ.ВИ.» өкілдігінің өтініші бойынша Келісу комиссиясының отырысы өтті

2019 жылғы 18 желтоқсанда Қазақстан Республикасы Ұлттық экономика министрлігінің Бәсекелестікті қорғау және дамыту комитетінде (бұдан әрі - Комитет) Комитет төрағасы Рустам Ахметовтің басшылығымен келісу комиссиясының (бұдан әрі - Комиссия) отырысы өтті.
Отырыста Қазақстан Республикасындағы «Медтроник БИ.ВИ.» өкілдігіне қатысты тауар нарығын бөлу бөлігінде нарық субъектілерінің экономикалық қызметін үйлестіру белгілері бойынша тергеп-тексеру нәтижесінің қорытынды жобасы қаралды (Қазақстан Республикасы Кәсіпкерлік кодексінің 169-бабы 5-тармағы).
Комиссия отырысының қорытындысы бойынша комиссия мүшелері бір ауыздан лауазымды тұлғаларға комиссия мүшелерінің ескертулері мен ұсыныстарын ескере отырып, қорытынды жобасын пысықтауды ұсыну туралы шешім қабылдады.