ШҚО КОММУНАЛДЫҚ КӘСІПОРНЫНА ҮСТЕМ ЖАҒДАЙДЫ ТЕРІС ПАЙДАЛАНҒАНЫ ҮШІН АЙЫППҰЛ САЛЫНДЫ
Бәсекелестікті қорғау және дамыту агенттігінің Шығыс қазақстан облысы бойынша департаменті Бородулиха ауданы прокуратурасының ұсынысы негізінде «ТрансЭкоСервис» ЖШС қатысты әкімшілік іс қозғады.
Тауар нарығын талдау барысында Шығыс қазақстан облысы Бородулиха ауданының Жезкент кентінде тұрмыстық қатты қалдықтарды жинау, шығару және көму жалғыз кәсіпорын - «ТрансЭкоСервис» ЖШС жүзеге асырылатыны анықталды.
ШҚО Бородулиха аудандық мәслихатының 2019 жылғы 28 маусымдағы шешімімен Жезкент кенті бойынша тұрмыстық қатты қалдықтарды жинау, әкету және көму тарифі айына бір тұрғынға 181 теңге (ҚҚС-сыз) және заңды тұлғалар үшін 1 м3 үшін 1 451,22 теңге (ҚҚС-сыз) мөлшерінде бекітілді. Алайда, Жезкент кенті тұрғындарының өтініштері мен коммуналдық кәсіпорын ұсынған құжаттарға сәйкес ЖШС аталған қызметтер үшін тұтынушылардан мәслихат бекіткен бағадан жоғары ақы алатын анықталды.
Осылайша, кәсіпорын ҚТҚ жинау және шығару бойынша қызметтерге заңсыз тариф орнатып, қолданған.
«ТрансЭкоСервис» ЖШС іс-әрекетінде ШҚО бойынша монополияға қарсы департамент тұтынушылардың белгісіз тобының заңды құқықтарына қысым жасауға алып келген үстем жағдайды теріс пайдалану белгілерін көрді. Кәсіпорынға айыппұл салынды. Шығыс қазақстан облысы Бородулиха аудандық сотының 2022 жылғы 21 сәуірдегі қаулысымен «ТрансЭкоСервис» ЖШС әкімшілік жауапкершілікке тартылып, айыппұл толық көлемде өндірілді.
2022 жылғы 18 мамырда Шығыс Қазақстан облыстық сотының әкімшілік істер жөніндегі сот алқасы Бородулиха аудандық сотының 2022 жылғы 21 сәуірдегі қаулысы күшінде қалдырды.
Сонымен қатар, монополияға қарсы департамент «ТрансЭкоСервис» ЖШС атына Бородулиха аудандық мәслихатының шешімімен белгіленген тарифтер бойынша барлық тұтынушыларға қайта есептеу жүргізу туралы нұсқама енгізді. Нұсқаманың орындалу мерзімі-2022 жылғы 30 мамырға дейін.