«Nivea» антиперспиранттарын өткізушінің әрекеттерінде анық емес жарнама белгілері анықталды

 «NIVEA» антиперспиранттарын өткізушісі «Байерсдорф Қазақстан» ЖШС-нің «әлемдегі №1 даққа қарсы» мәлімдемесін монополияға қарсы орган тауар тұтынушыларын жаңылыстыратын белгі ретінде қарастырады.

          Комитеттің Алматы қаласы бойынша департаментінің зерттеген мәліметтеріне сәйкес, ҚР Кәсіпкерлік Кодексінің 182-бабына сәйкес көзделген ҚР монополияға қарсы заңнамасының көрінеу жалған, жосықсыз және анық емес жарнама бөлігінде бұзылу белгілері анықталды.

        Қорытынды бойынша «Байерсдорф Казахстан» ЖШС-не қатысты хабарлама шығарылды, ол алынған сәттен бастап 10 жұмыс күн ішінде орындалуға тиіс.