«ЖАМБЫЛ ОБЛЫСТЫҚ ЦЕМЕНТ ӨНДІРІСТІК КОМПАНИЯСЫ» ЖШС-ГЕ ҚАТЫСТЫ МОНОПОЛИЯҒА ҚАРСЫ ТЕРГЕП-ТЕКСЕРУ БАСТАЛДЫ

Жамбыл облысы бойынша монополияға қарсы департаменті «Жамбыл облыстық цемент өндірістік компаниясы» ЖШС-ге қатысты бәсекелестікті қорғау саласындағы бұзушылықтар үшін, атап айтқанда, түрлі тұтынушыларға цементті өткізу кезінде мәні бірдей келісімдерге әртүрлі бағаларды қолданғаны үшін тергеп-тексеру тағайындады. «Жамбыл облыстық цемент өндірістік компаниясы» ЖШС аймақтағы ірі кәсіпкерлік субъектісі болып табылады, республика бойынша цементті сатумен айналысады.

Осы жылдың маусым айында департамент «Жамбыл облыстық цемент өндірістік компаниясы» ЖШС-ге қатысты хабарлама шығарды. Алайда, кейіннен талдау барысында компанияның тауарды сату кезінде әртүрлі бағаларды қолдануды қайталағаны анықталды.

Тергеп-тексеруді тағайындауға монополияға қарсы орган хабарлама шығарған күннен бастап бір жыл ішінде «Жамбыл облыстық цемент өндірістік компаниясы» ЖШС тарапынан осындай бұзушылықтың қайталанғаны негіз болды.

 

Сурет ашық көздерден алынды