БҚДА ДӘРІЛІК ЗАТТАРДЫҢ ШЕКТІ БАҒАЛАРЫ ЖОБАСЫН МАҚҰЛДАДЫ

Денсаулық сақтау министрлігінің "өндірушінің дәрілік заттың саудалық атауына арналған шекті бағаларын, бөлшек және көтерме саудада өткізу үшін дәрілік заттың саудалық атауына арналған шекті бағаларды бекіту туралы" бұйрығы жобасының негізінде 2021 жылғы 15 желтоқсанда Бәсекелестікті қорғау және дамыту агенттігімен халықаралық патенттелмеген атаулардың (ХПА), дәрілік нысандар мен дозалардың жаңартылған тізімін ескере отырып, көтерме және бөлшек саудада өткізу үшін дәрілік заттардың (ДЗ) 7 256 саудалық атауына арналған жаңа шекті бағалар келісілді.

Жалпы алғанда, 6600-ге жуық сауда атауларының шекті бағалары (90%) бұрын бекітілген деңгейде қалды, өйткені фармацевтикалық нарық субъектілері жаңа бағаларды бекітуге өтінімдер берген жоқ. Мемлекеттік сараптама ұйымының есептеулері негізінде Агенттікпен шекті бөлшек сауда бағалары орта есеппен 20,7% - ға арттыра отырып 382 ДЗ және 14,58% - ға төмендете отырып 90 ДЗ келісілді.

Антиковидті дәрілік заттардың шекті бағаларын келісуге келетін болсақ, ҚР Денсаулық сақтау министрлігінің Формулярлық комиссиясының шешімі бойынша олардың тізбесі халықаралық патенттелмеген 15-тен 6-ға дейін немесе дәрілік заттардың 218-ден 84 сауда атауына дейін қысқарды. Бұл Амоксицилин, Амоксициллин+клавулан қышқылы, Азитромицин, Цефуроксим, кальций Надропарині, натрий Эноксапарині, Преднизолон, Дексаметазон, Метилпреднизолон және 500 мг дозалы ацетилсалицил қышқылы таблеткаларын қоса алғанда, 9 МНН немесе 134 сауда атауына шекті бағаларды қалыптастырудың ерекше тәртібі бұдан былай таралмайды дегенді білдіреді.

Осы препараттарды антиковидтік тізбеден алып тастауға байланысты 134 ДЗ-ға бағалар 2020 жылы тіркелген бұрынғы деңгейге қайтарылды.

Бұйрық жобасын келісу дәрілік заттарды өткізу нарығын кейіннен қайта реттеуге өтпелі кезең болып табылады, өйткені жаңа шекті бағалар өнім берушілердің баға тәртібін одан әрі бағалау үшін индикатор болады.

 

Сурт ашық көздерден алынды