АҚТӨБЕ ӘУЕЖАЙЫНЫҢ «ӘУЕ ЕРКІНДІГІ» 5 ДӘРЕЖЕСІНЕ КІРУДЕГІ КЕДЕРГІЛЕР

Ақтөбе облысы бойынша монополияға қарсы департамент жанындағы кедергілер жөніндегі кеңестің кезекті отырысында «Ақтөбе халықаралық әуежайы» АҚ үшін «әуе еркіндігі» 5 - ші дәрежесін беру мәселесі талқыланды.

         5-ші «әуе еркіндігі» дәрежесіндегі рейстер шетелдік авиакомпанияға Қазақстанның әуежайлары арқылы үшінші елдердің қалаларына коммерциялық жолаушылар транзитін орындауға мүмкіндік береді, бұл Қазақстанның транзиттік әлеуетін арттыруға және әуежайлар арқылы жолаушылар тасымалын арттыруға мүмкіндік береді.

         Сонымен қатар, мұндай режимді енгізу жаңа шетелдік тасымалдаушыларды тартуға мүмкіндік береді, бұл сайып келгенде бәсекелестікті арттыруға, сондай-ақ қарапайым халық үшін әуе көлігінің қолжетімділігін арттыруға тиімді әсер етеді.

         Бүгінгі таңда Қазақстанның 11 әуежайында «ашық аспан» режимі енгізілді. Алайда, Ақтөбе әуежайы олардың бірі болуға мүмкіндік алмады.

         Кедергілер жөніндегі кеңес отырысының қорытындысы бойынша қатысушылар Индустрия және инфрақұрылымдық даму министрлігіне «Ақтөбе халықаралық әуежайы» АҚ үшін «ашық аспан» режимін алу мүмкіндігін қарастыру жөнінде ұсыныс жіберу туралы шешім қабылдады.

 

Сурет ашық көздерден алынды