МОНОПОЛИЯҒА ҚАРСЫ ОРГАНҒА АҚПАРАТ БЕРМЕГЕНІ ҮШІН КӘСІПКЕРГЕ АЙЫППҰЛ САЛЫНДЫ

Қазақстан Республикасы Бәсекелестікті қорғау және дамыту агенттігінің Павлодар облысы бойынша департаменті құрылыс материалдарын өндіру және өткізу нарығындағы бәсекелес ортаның жай-күйіне жүргізіліп жатқан талдау және бағалау барысында полиэтилен құбырын өндіру және өткізу бойынша нарық субъектілеріне сауал жолдады.

Монополияға қарсы департаменттің сауалына ақпарат ұсынбау фактісі бойынша «ДАНиЕр» ЖШС-ға қатысты ҚР ӘҚБтК-ның 162-бабы бойынша әкімшілік құқық бұзушылық туралы іс қозғалды.

 Департаменттің қаулысымен «ДАНиЕр» ЖШС құқық бұзушылыққа кінәлі деп танылып, 360 АЕК немесе 1 050 120 теңге көлемінде айыппұл түрінде әкімшілік жауапкершілікке тартылды.

  Айыппұл толық көлемде төленді.

 

Сурет ашық көздерден алынды