ҚАЗАҚСТАН ПРЕЗИДЕНТІНІҢ КЕҢЕСШІСІ БӘСЕКЕЛЕСТІКТІ ҚОРҒАУ ЖӘНЕ ДАМЫТУ АГЕНТТІГІНДЕ БОЛДЫ

Кеше Қазақстан Президентінің экономикалық даму мәселелері жөніндегі кеңесшісі сэр Сума Чакрабарти мен Қазақстандағы Чакрабарти кеңсесінің экономикалық даму департаментінің басшысы Мандип Бейнс Чакрабартидің ұсынымдары мен ұсыныстарды іске асыру жөніндегі жол картасы аясында Қазақстан Республикасындағы бәсекелестікті қорғау және дамыту мәселелерін талқылау үшін Бәсекелестікті қорғау және дамыту агенттігінің басшылығымен кездесті.

Кездесу барысында Сума Чакрабарти атап өткендей, қазіргі уақытта стратегиялық реформалар бойынша ұсынылған шаралар шеңберінде ынтымақтастықтың бағыттары мен өзара іс-қимылды күшейту мүмкіндіктерін түсіну үшін мемлекеттік органдармен бірқатар кездесулер өткізілуде. "Біз өзара тығыз іс-қимыл жасауға, өзіміздің тәжірибемізбен бөлісуге дайынбыз, кейін дайындалған іс-шараларды мемлекеттік органдар жүзеге асыра алуы үшін", – деді Сума Чакрабарти.

Бәсекелестікті қорғау және дамыту агенттігінің төрағасы Серік Жұманғарин агенттіктің бәсекелестікті дамытуға кедергі келтіретін үш негізгі кедергіні жоюға бағытталған заң жобасын және бәсекелестікті дамыту жөніндегі ұлттық жобаны дайындау бойынша жүргізіп жатқан жұмысы туралы айтып берді. Кездесу қорытындысы бойынша Тараптар бәсекелестікті дамыту мен қорғауға ықпал ететін ұсынылған шараларды егжей-тегжейлі пысықтау үшін бірлескен жұмыс тобын құруға уағдаласты.