МОНОПОЛИЯҒА ҚАРСЫ ОРГАНДАРДЫҢ ХАБАРЛАМАСЫНАН КЕЙІН ШЫҒЫС ҚАЗАҚСТАН ОБЛЫСЫНДАҒЫ ҚҰРЫЛЫС САЛУШЫЛАР ТҰРҒЫН ҮЙДІ САТУ БАҒАСЫН ТӨМЕНДЕТІП ЖІБЕРДІ

Бәсекелестікті қорғау және дамыту агенттігінің Шығыс Қазақстан облысы бойынша департаменті «Достар Май» ЖШС, «Сервис СМУ» ЖШС және «ВК Инвест Компани» ЖШС-нің іс-әрекеттерінде коммерциялық тұрғын үйді сатудың қымбаттаған бағаларын белгілеу және қолдау бойынша келісілген іс-қимылдардың белгілерін көрді.

Қазақстан Республикасының Кәсіпкерлік кодексінің 199-бабының талаптарына сәйкес, үш құрылыс салушыға өз іс-әрекетінде бәсекелестік заңнамасын бұзу белгілерінің болуы туралы хабарлама жіберілді.

Департаменттің барлық хабарламалары орындалды.

Мысалы, ретінде«Достар май» ЖШС шаршы метр үшін бағаны 350 мыңнан 280 мың теңгеге дейін төмендетті.

Сонымен қатар, әзірлеушілер бәсекелестік туралы заңдардың одан әрі бұзылуына жол бермейтін шаралар қабылдайтындығына сендірді.

Ашық көздерден алынған фотосурет